Fréttablaðið - 03.03.2012, Page 10

3. mars 2012 LAUGARDAGUR10
SAMFÉLAGSMÁL Tilkynningum til
barnaverndarnefnda fækkaði um
6,5 prósent milli áranna 2010 og
2011. Fjöldi tilkynninga í fyrra
var 8.661 en 9.264 árið á undan.
Langflestar tilkynningarnar
komu frá lögreglu, eða 49 prósent.
63 börn tilkynntu mál sín sjálf til
barnaverndarnefnda í fyrra, en
þau voru 53 árið 2010.
Mest fækkaði tilkynningum
utan höfuðborgarsvæðisins, eða
um 17 prósent, en aðeins um 2
prósent innan þess.
Á vef Barnaverndar stofu
kemur fram að þess beri að
geta að tilkynningar til barna-
verndarnefnda verði einungis
að barnaverndarmáli ef tekin er
ákvörðun innan hverrar nefndar
að kanna málið áfram í kjölfar til-
kynningar.
Samanlagður fjöldi barna sem
tilkynnt var um á árinu 2011 var
7.158, en þau voru 7.616 árið 2010.
Í skýrslu Barnaverndar-
stofu kemur einnig fram að í
rannsóknar viðtölum í Barnahúsi
í fyrra voru 202 en 223 árið á
undan. Stúlkur voru í meirihluta
þeirra barna sem komu í rann-
sóknarviðtöl, eða 68,8 prósent. - sv
Tilkynningum til barnaverndarnefnda fækkaði um 6,5 prósent á milli ára:
63 börn tilkynntu mál sín sjálf
44,4%
31,6%
23,1%
0,9%
Hlutfallið 2011
vegna áhættu-
hegðunar
vegna
vanrækslu
vegna heilsu eða
lífi ófædds barns
var stefnt í hættu
vegna ofbeldis
Styrkir úr
Pokasjóði
Stjórn Pokasjóðs hefur ákveðið að
auglýsa eftir umsóknum um styrki
fyrir árið 2012.
Frestur til að sækja um styrk úr
Pokasjóði rennur út 18. mars nk.
Umsóknir skulu fylltar út á
www.pokasjodur.is en þar eru
allar upplýsingar um sjóðinn,
fyrirkomulag og styrki.
Í ár hefur verið ákveðið að ein-
skorða styrki við tvö málefni,
mannúðarmál og umhverfismál.
Bæði einstaklingar og félagasamtök
geta sótt um styrki úr sjóðnum.
UMSÓKNARF
RESTUR
RENNUR ÚT 1
8. MARS
EFNAHAGSMÁL „Það er engin auðveld
lausn til þegar kemur að gjaldeyris-
höftunum,“ segir Julie Kozcak, sem
haft hefur yfirumsjón með málefn-
um Íslands hjá Alþjóðagjaldeyris-
sjóðnum (AGS). Hún kynnti í gær
mat sjóðsins á stöðu Íslands.
Þó efnahagsáætlun landsins og
AGS sé formlega lokið þá fylgist
sjóðurinn grannt með gangi máli
og kemur sínum sjónarmiðum á
framfæri til stjórnvalda þegar
hann telur þörf vera á.
Í tilkynningu frá sjóðnum segir
að lykillinn að frekari efnahagsbata
landsins, til lengri tíma, sé afnám
gjaldeyrishafta, en búast megi við
því að það verði bæði erfitt og tíma-
frekt verkefni, sem hugsanlega geti
tekið mörg ár.
Sjóðurinn leggst gegn því að
ráðist verði í frekari almennar
niður færslur á verðtryggðum
skuldum heimilanna þar sem
aðgerðir af því tagi séu bæði
kostnaðar samar og ómark vissar.
Ekki síst er það vegna þess að þeir
sem illa standa fái ekki þá hjálp sem
þeir þurfa, á meðan vel statt fólk fái
ónauðsynlega hjálp. Þá er sérstak-
lega tekið fram að staða ríkis sjóðs
sé þannig að hann geti ekki tekið á
sig kostnað vegna þessara aðgerða.
Kozcak segir ástæður vera til að
hafa áhyggjur af verðbólguhorfum
en hún mælist 6,3 prósent í augna-
blikinu en markmið Seðlabankans
er 2,5 prósent.
Í mati sjóðsins kemur fram að
staða efnahagsmála í heiminum,
ekki síst í Evrópu, geti haft áhrif á
þróun mála hér á landi, þó Ísland sé
betur varið fyrir áföllum en mörg
önnur ríki. Það er ekki síst vegna
þess að íslenska fjármálakerfið sé
ekki eins háð erlendum mörkuðum í
augnablikinu og fjármálastofnanir
í öðrum löndum. magnush@365.is
Afnám gjaldeyris-
hafta er nauðsyn
Efnahagsbatinn á Íslandi hefur verið knúinn áfram með einkaneyslu. Mikil-
vægt er að haldið sé áfram að bæta það sem bæta þarf, segir Julie Kozcak hjá
Alþjóðagjaldeyrissjóðnum. Nauðsynlegt en erfitt að afnema gjaldeyrishöft.
Tilkynning Alþjóðagjaldeyrissjóðsins um mat á stöðu sjóðsins á horfum hér
á landi, er í fimmtán liðum. Farið er vítt og breitt yfir stöðu mála í íslenska
hagkerfinu. Hagvaxtarspá sjóðsins fyrir 2012 gerir ráð fyrir 2,5 prósenta hag-
vexti á þessu ári. Sjóðurinn telur að verðbólga muni byrja að lækka í átt að
2,5 prósent verðbólgumarkmiði Seðlabankans á næsta ári.
Nýjasti dómur Hæstaréttar er varðar vaxtakostnað vegna ólöglegra gengis-
tryggðra lána, er sagður valda óvissu fyrir heimilin, fyrirtæki og fjármála-
kerfið, en það er þó sagt vera komið með traustan efnahag. Mikilvægt sé þó
að fylgjast vel með styrk þess, með prófunum og ströngu eftirliti.
Mat í fimmtán liðum
JULIE KOZACK Sendifulltrúi AGS á Íslandi hefur haft yfirumsjón með málefnum
landsins. FRÉTTABLAÐIÐ/VILHELM