Fréttablaðið - 03.03.2012, Blaðsíða 34

3. mars 2012 LAUGARDAGUR34
Bestu myndirnar
frá árinu 2011
Hamfarir, mótmæli og eftirminnileg augnablik frá fyrra ári ber nú sem
endranær fyrir augu á árlegri sýningu Blaðaljósmyndarafélags Íslands á
myndum ársins. Ljósmyndarar Fréttablaðsins eiga þar fjölda mynda eins og
undanfarin ár og eins og sjá má eru viðfangsefni þeirra fjölbreytt. Sýningin
verður opnuð í dag og stendur til 7. apríl en hún er haldin í Gerðarsafni í
Kópavogi. Við opnunina í dag verður og kynnt hvaða myndir hljóta viður-
kenningu sem bestu ljósmyndir ársins 2011.
FALLINN Í VALINN Árni Þór Sigurðsson, þingmaður Vinstri grænna, féll við þegar hann fékk egg í höfuðið fyrir utan Alþingishúsið 1. október. Árni var þá, eins og þingheimur, á leið til kirkju við upphaf þings. Fjöldi
mótmælenda hafði komið saman, gerði hróp og köll að þingmönnum og kastaði eggjum, sem flest lentu á þinghúsinu, en eitt í höfði þingmanns. FRÉTTABLAÐIÐ/DANÍEL
HRINGURINN ROFINN Grípa þurfti til óvenjulegra ráða til að ferja fólk og bíla þegar hringvegurinn fór í sundur við Múlakvísl í kjölfar Kötluhlaups síðastliðið sumar. FRÉTTABLAÐIÐ/PJETUR
FRAMHALD Á SÍÐU 36
HART BARIST Viktor Bjarki Arnarsson úr KR og Tryggvi Guðmundsson úr ÍBV áttust við í
jafnteflisleik í ágúst. KR-ingar urðu tvöfaldir meistarar í knattspyrnu. FRÉTTABLAÐIÐ/ANTON