Fréttablaðið - 03.03.2012, Síða 74

KYNNING − AUGLÝSINGSjávarútvegur LAUGARDAGUR 3. MARS 20126
Ég grenjaði eins og ljón í heil-an sólarhring átta ára, um að fá að fara á sjóinn. Mamma
lét það ekki eftir mér. Ég fór svo að
fara ellefu ára á línu með frænda
mínum,“ segir Sigurður Ásgeir
Samúelsson, skipstjóri á Berglín
GK-300 frá Sandgerði, þegar hann
er spurður út í fyrstu sjóferðina.
Hann er fæddur og uppalinn við
sjávarsíðuna, á Norðfirði, þar sem
hann þvældist í beitningarskúrun-
um og snerist kringum karlana þar.
Sjómannsbakteríuna fékk hann því
snemma en fyrsta alvörutúrinn fór
hann þegar hann var fimmtán ára.
„Ég var drullusjóveikur alla
fyrstu vertíðina og vildi koma heim
en mamma sagði nei, ég hefði vilj-
að þetta svo ég skyldi klára vertíð-
ina,“ segir hann og hlær að minn-
ingunni. Mömmu hans hafði því
snúist hugur frá því hann vildi fara
átta ára á sjóinn.
„Ég var óstýrilátur á þessum
árum og mömmu fannst ég
kannski bara best geymdur á sjón-
um. Enda fékk ég besta skólann
þar. Ég segi oft að einu mennirnir
sem læri aga í dag eru sjómenn. Ég
hef líka verið heppinn að vera allt-
af með góðum mönnum úti á sjó,“
bætir hann við. Hann segir þó sjó-
mannsbakteríuna ekki hafa smit-
ast til sona hans. „Nei, þeir vilja
ekki koma nálægt þessu. Þetta
á við suma og ekki aðra, eins og
gengur.“
Sigurður reyndi að vinna í landi
um tíma við jarðborun en var fljót-
lega kominn aftur á sjóinn. Hann
segist ekki sjá fyrir sér að hann
endi uppi á landi aftur. „Nei, ekki
úr þessu. Ég klára bara mína plikt
og sigli minn sjó, svo lengi sem
maður hefur vinnu við þetta.“
Sextán manns eru í áhöfn Bergl-
ínar GK-300 og fara þeir ellefu til
tólf í einu út. Þá eru þeir fimm
daga úti og landa síðan í Sand-
gerði. Sigurður segir þá hins vegar
vera meira og minna stopp þessa
dagana.
„Við erum stopp vegna kvóta-
stöðu sem er óþolandi ástand
enda er nægur fiskur í sjónum.
Það er þrúgandi að vinna undir
svona óvissu,“ segir Sigurður og
telur að þetta ástand sé meðal
annars ástæða þess að lítil nýlið-
un sé í sjómannastéttinni. „Meðal-
aldurinn er orðinn hár og megnið
af sjómönnunum yfir fimmtugu.
Þessi umræða hjálpar ekki til en
svo hefur auðvitað fækkað skipum.
Maður heyrir ekki lengur auglýs-
inguna „háseta vantar á bát“ eins
og áður í útvarpinu.“
Spurður hvort hann sé aflakló
vill hann lítið gera úr því, f leira
skipti máli þegar farið er á sjó.
„Ég hef ekki lent í neinum áföllum
og það er minn mælikvarði á vel-
gengni,“ segir Sigurður.
Grenjaði eins og
ljón um sjóferð
Sigurður Ásgeir Samúelsson, skipstjóri á Berglín GK-300 frá Sandgerði, hafði varla
slitið barnsskónum þegar hann fór að stunda sjóinn. Hann segir áhyggjuefni hve lítil
nýliðun sé í sjómannastéttinni í dag en sjómennska sé skemmtilegt starf.
Sigurður er skipstjóri á Berglín GK-300.
Sigurður Ásgeir Samúelsson skipstjóri fékk sjómannsbakteríuna í vöggugjöf og var
kominn á sjóinn ellefu ára. MYND/VALLI
LÍFRÍKI SJÁVAR Í MÁLI OG MYNDUM
Hafrannsóknastofnun og Námsgagnastofnun stóðu að gerð bæklinga
um lífríki sjávar fyrir skólanema og almenning á árunum 1991 til 2000.
Þeir fjölluðu um algengustu og/eða mikilvægustu sjávarlífverur við
landið. Viðkomandi lífveru er lýst í hverjum bæklingi, heimkynnum
hennar, líffræði, vexti, þroska og nytsemi. Sum heftin fjalla um umhverfi
og búsvæði. Alls var gefinn út 41 bæklingur í þessari röð. Þeir hafa nú
allir verið gerðir aðgengilegir á heimasíðu Hafrannsóknastofnunar,
slóðin er hafro.is.
Smiðjuvegi 66 • 200 Kópavogi
Sími 580 5800 • www.landvelar.is
Sjóþolnir olíukælar
og varmaskiptar
alla sunnudaga
klukkan 16.
Njótið vel
Hemmi Gunn
– og svaraðu nú!
Fjölbreyttur og fjörugur þáttur