Fréttablaðið - 03.03.2012, Side 110

3. mars 2012 LAUGARDAGUR70
PERSÓNAN
Óskar Þór Axelsson
Aldur: 38 ára.
Starf:
Kvikmynda-
gerðarmaður.
Foreldrar:
Unnur
Óskarsdóttir, á
eftirlaunum, og
Axel Einarson,
sem er látinn.
Fjölskylda:
Kvæntur Huldu
Þórisdóttir. Þau
eiga eitt barn
og annað er á leiðinni.
Búseta: Seltjarnarnes.
Stjörnumerki: Krabbi.
Óskar Þór Axelsson er leikstjóri spennu-
myndarinnar Svartur á leik.
Norska poppstjarnan Atle Pettersen og
rapparinn Rex koma til Íslands í dag. Til-
efnið er frumsýningarpartí á skemmti-
staðnum Austur vegna myndbands sem þeir
tóku upp hér á landi við lagið Amazing.
„Ég hlakka mikið til að koma aftur til
Íslands. Síðast vorum við þar í tvo daga við
upptökur á myndbandinu en núna höfum
við aðeins meiri tíma til að skoða okkur um
á Íslandi,“ segir Rex, sem skemmti sér vel
við tökurnar í Atlantic Studios í Keflavík.
„Við vorum með flottan hóp í tökuliðinu, 33
manns. Útkoman var frábær og ég er mjög
ánægður með myndbandið. Það hefði ekki
verið hægt að gera þetta betur.“ Eins og
Fréttablaðið hefur áður greint frá var leik-
stjóri Gus Ólafsson sem hefur starfað í Los
Angeles. Listrænn stjórnandi var Haffi Haff.
Rex er 22 ára rappari sem er fæddur í
Nígeríu en flutti ellefu ára til Noregs. „Ég
hef verið í tónlistinni í sjö ár en núna er ég
í fyrsta sinn að komast upp á yfirborðið.
Ég hef verið mikið í neðanjarðarsenunni
en núna er ég að koma til móts við stærri
hlustendahóp. Það má segja að ég sé að taka
stóra skrefið,“ segir Rex.
Spurður út í samstarfið við Pettersen,
sem er mjög vinsæll í Noregi, segir
hann að það hafi gengið eins og í sögu.
„Það var hálfklikkað hvernig þetta
byrjaði hjá okkur. Ég sendi honum
skilaboð á Facebook og sagðist vera með
lag sem ég vildi að hann hlustaði á. Það
var fyrir ári síðan. Hann er frábær lista-
maður og það hefur verið gott að vinna með
honum.“ -fb
Frumsýna myndband á Íslandi
TIL ÍSLANDS Rex kemur til Íslands í dag
ásamt Atle Pettersen. Þeir frumsýna
nýtt myndband á Austri í kvöld.
„Hann var bara ósköp venjulegur með yfirvara-
skeggið sitt,“ segir fatahönnunarneminn Guðrún
Helga Kristjánsdóttir um fatahönnuðinn fræga John
Galliano sem hún rakst á á tískuvikunni í París.
Vinkonurnar Guðrún Helga og Rakel Jóns dóttir
eru staddar í hringiðu tískunnar á tískuvikunni í
París en báðar stunda þær nám í fatahönnun hjá
Listaháskóla Íslands. Nemendum gefst kostur á
að fara í starfsnám í fimm vikur til Parísar og fer
dvölinni senn að ljúka hjá stöllunum en báðar hafa
þær verið að vinna hjá markaðssetningarfyrir-
tækinu Totem sem sér um markaðsmál og skipu-
leggur tískusýningar fyrir fatahönnuði í París.
„Stemningin er mjög skemmtileg í París núna.
Hér eru tískubloggarar með myndavélar á lofti
hvert sem maður lítur. Maður verður var við
margar skemmtilegar týpur út um allt,“ segir
Guðrún Helga og bætir við að þær hafi nú rekist
á nokkur þekkt andlit úr tískuheiminum eins og
Zandra Rhodes, Bernhard Vilhelm og John Galliano.
John Galliano var einmitt rekinn frá tískuhúsinu
Dior í fyrra er hann gerðist sekur um að fara með
niðrandi ummæli í garð gyðinga á bar í París, en
það var einmitt fyrir utan þann bar sem stúlkurnar
rákust á kappann. „Hann var ekki eins flottur og
við héldum að hann mundi vera.Hann er samt alltaf
svalur.“
Stúlkurnar eru í skýjunum með dvöl sína í París
og hafa meðal annars unnið fyrir hönnuðinn Manish
Arora sem hreifst af vinnu stúlknanna. „Það var
mikill heiður að vinna með þessum tískufrömuði og
hann bauð okkur að koma til sín í starfsþjálfun til
Indlands. Hver veit nema maður skelli sér?“ - áp
Rákust á Galliano á tískuvikunni
ÖÐLAST REYNSLU Í PARÍS Fatahönnunarnemarnir Guðrún
Helga Kristjánsdóttir og Rakel Jónsdóttir koma með tilboð frá
tískufrömuðinum Manish Arora heim frá tískuvikunni í París.
MYND/ELÍSABETGUNNARS
Krassandi ævintýraleikrit
í leikstjórn Sigga Sigurjóns
MIÐASALA Á NETINU: LEIKFELAG.IS
NETFANG: MIDASALA@LEIKFELAG.IS
MIÐASÖLUSÍMI: 4 600 200
TRYGGÐU ÞÉR MIÐA STRAX
FRAMLEITT AF LEIKFÉLAGI AKUREYRAR Í SAMSTARFI VIÐ BORGARLEIKHÚSIÐ
Lau 3/3 kl.16 UPPSELT
Lau 3/3 kl.19 UPPSELT
Fös 9/3 kl.19 UPPSELT
Lau 10/3 kl.19 örfá sæti laus
Sun 11/3 kl.16 ný sýning
Fim 15/3 kl.19 ný sýning
Fös 16/3 kl.19 ný sýning
Lau 17/3 kl.19 UPPSELT
Sun 18/3 kl.16 ný sýning
Lifestream Bowel+
meltingarensímin tryggja betri meltingu,
meiri upptöku á næringaefnum.
Lagar uppþembu og verki í maga og ristli.
Gott við Candida. Fljótvirkt.
Regluleg inntaka tryggir vellíðan.
Inniheldur:
Meltingarensím • HUSK trefjar
5 teg acidofilusgerla • Inulin FOS
probiotic og prebiotics.
Nútíma meðhöndlun á matvælum
eyðileggur ensímin í matnum því
skortir flesta meltingarensím.
lífræn bætiefni fyrir alla - heilsa til framtíðar
Fæst: Apótekum, heilsubúðum, Krónunni
og Nettó.
Bragðgott, 2 tsk á dag
„Þetta er bara vinna. Þetta er
ekkert flókið,“ segir leikarinn
Damon Younger.
Frammistaða Damons í glæpa-
myndinni Svartur á leik hefur
vakið mikla athygli. Brúnó, persóna
hans, þykir vera eitt hrikalegasta
illmenni sem sést hefur í íslenskri
kvikmynd og hann þykir standa sig
stórkostlega í hlutverkinu.
Spurður hvernig hann bjó sig
undir hlutverkið segir Damon
málið einfalt. „Maður þarf bara
að fara út að æfa sig. Þegar maður
er að undirbúa hlutverk er maður
ekki vinsælasti maðurinn í bænum.
Ég á þrjá góða vini sem styðja mig
í þessu og sitja með mér fram á
nótt þegar ég er að æfa mig. Svo
biðja þeir mig um að hætta þegar
þetta er komið of langt,“ segir
hann. „Ég er klassískt menntaður
leikari þannig að þetta er allt mjög
skipulagt sem ég er að gera. Þetta
er eins og fótbolti, þú getur rétt
ímyndað þér, menn æfa og æfa og
æfa og æfa. Svo er leikurinn bara
90 mínútur.“
Damon fékk hjálp úr ýmsum
áttum þegar hann undirbjó
hlutverkið, meðal annars frá
lög reglunni og mönnum úr
undir heimum Reykjavíkur. „Sér-
sveitarmenn komu og töluðu við
mig og aðstoðuðu mig mikið. Svo
þekki ég mann sem þekkir mann og
hitti nokkra atvinnukrimma og fékk
að fylgjast með þeim,“ segir hann.
Leikarinn Jóhannes Haukur
tók sjálfan sig í gegn fyrir hlut-
verk sitt í myndinni, missti hátt í
20 kíló og styrkti sig mikið. Damon
virðist einnig vera vel á sig kominn
í myndinni, en hann beitti öðrum
aðferðum. „Ég keypti ketilbjöllu
eftir að ég sá mynd af Gunnari
Nelson. Hann lemur alla, skilurðu?
Skiptir engu máli hvernig þeir líta
út og hvað þeir eru stórir.“
Damon er íslenskur og heitir í
raun Ásgeir. Hann lærði leiklist
í London og vill ekki ræða nafna-
breytinguna. Spurður út í við-
brögðin við frammistöðu sinni í
myndinni segist hann hreinlega
fara hjá sér. „Þetta er búið að vera
alveg fáránlegt. Ég er mjög þakk-
látur fyrir það. Alltaf gaman að fá
viðurkenningu á því sem maður er
að gera,“ segir hann.
Ertu eitthvað farinn að pæla í
hvað þú gerir næst?
„Ætli ég fari ekki á Stokkseyri.
Að hlusta á brimið. Humarsúpa og
eitthvað. Voða þægilegt að vera á
Stokkseyri.“ atlifannar@frettabladid.is
DAMON YOUNGER: EKKI VINSÆLL ÞEGAR ÉG ER AÐ UNDIRBÚA HLUTVERK
Hrikalegasta illmenni
íslenskrar kvikmyndasögu
MÖGNUÐ FRAMMISTAÐA Damon Younger stendur sig stórkostlega sem illmennið Brúnó í kvikmyndinni Svartur á leik sem var
frumsýnd í vikunni. FRÉTTABLAÐIÐ/ANTON