Fréttablaðið - 11.05.2012, Blaðsíða 36

HELGARMATURINN
Sumarlegar bollakökur
Lilja Katrín Gunnarsdóttir, ritstjóri
Séð og heyrt og leikkona, eyðir
ófáum stundum í eldhúsinu við
bakstur og eldamennsku. Hún
deilir hér með okkur sætum og
sumarlegum bollakökum.
Kökurnar
50 g mjúkt smjör
2 tsk. sítrónuólífuolía
1 bolli sykur
2 tsk. vanilludropar
2 egg
rifinn börkur af einni appelsínu
2 bollar hveiti
¼ tsk. matarsódi
¼ tsk. lyftiduft
¼ tsk. salt
¾ bolli rjómi
¼ bolli nýkreistur appelsínusafi
Hitið ofninn í 180°C. Hrær-
ið smjöri, olíu og sykri saman í
um það bil þrjár mínútur. Bætið
vanilludropunum og eggjun-
um saman við og hrærið vel
saman. Hrærið börkinn saman
við blönduna. Blandið hveiti,
matarsóda, lyftidufti og salti
saman í annarri skál. Í enn ann-
arri skál er rjóma og appelsínu-
safa blandað sama. Bætið 1/3
af hveitiblöndunni við smjör-
blönduna, því næst helmingn-
um af rjómablöndunni og koll
af kolli. Skiptið deiginu í múffu-
form og bakið í tuttugu mínútur.
Fylling
Hér má láta ímyndunaraflið
leika lausum hala
Það er hægt að fylla þessar
múffur með ýmsu. Ég ákvað að
nota vanillumús (bara úr pakka
því ég er svo löt). Skerið part úr
miðju múffunnar og fyllið hana
með músinni. Það er örugglega
líka gott að nota einhvers konar
búðing.
Krem
50 g mjúkt smjör
1/8-¼ bolli nýkreistur appels-
ínusafi
rifinn börkur af einni appelsínu
¼ tsk. vanilludropar
4 bollar flórsykur
appelsínugulur matarlitur, ef vill
Blandið smjöri, appelsínu-
safa, berki og vanilludropum
vel saman. Bætið flórsykrin-
um við, einum bolla í einu, og
því næst matarlitnum ef þið vilj-
ið nota hann. Skreytið múffurn-
ar og njótið!
Þau Alma Rut Kristjánsdóttir, Gísli Magna, Guð-
rún Árný Karlsdóttir og Pétur Örn Guðunds-
son fara til Bakú í fyrramálið. Þau syngja bak-
raddir með Gretu Salóme og Jónsa í laginu
Never forget, sem keppir fyrir hönd Íslands í
Eurovision. Lífið ræddi við söngkonuna Ölmu
Rut sem segir stemninguna í hópnum alveg frá-
bæra. Hópurinn er búinn að æfa nánast á hverj-
um degi síðastliðnar vikur og atriðið verður alltaf
sterkara og sterkara. Ferðalagið á morgun er
nokkuð langt. Hópurinn tekur þrjár flugvélar
og lendir í Bakú aðfaranótt sunnudags. Ekki
gefst mikill tími til hvíldar því þau vakna síðan
eldsnemma á sunnudagsmorgun til að mæta
á fyrstu sviðsæfinguna í Kristalshöllinni. En
hópurinn er vel stemmdur og ætlar að sjálfsögðu
að standa sig vel á æfingunni. Gísli, Alma, Guðrún og Pétur syngja bakraddir í Eurovision í ár.
LANGT FERÐALAG FRAM UNDAN