Fréttablaðið - 04.08.2012, Side 6

4. ágúst 2012 LAUGARDAGUR6
HEILBRIGÐISMÁL Brýnt er að finna
úrræði fyrir geðsjúka fanga,
segir Páll Winkel fangelsismála-
stjóri en fangelsismálayfirvöld
lenda oft í því að þurfa að vista
geðsjúka án þess hafa aðstæður
né starfsmenn til þess.
„Við höfum allar aðstæður
til að vista sakhæft fólk,“ segir
Páll. „Fólk sem skilur þýðingu
refsingar og svo framvegis. En
við höfum hins vegar hvorki
aðstæður né starfsfólk til að
sinna alvarlega veikum föngum,
hvort sem þeir eru veikir líkam-
lega eða andlega. Í þeim til fellum
sem um líkamleg veikindi er að
ræða þá höfum við ekki lent í
neinum vandræðum með að koma
viðkomandi á spítala en þegar
veikindin eru andlegs eðlis þá
höfum við lent í stórkostlegum
vandræðum með að koma við-
komandi á viðeigandi stað. Um
þetta deilum við og starfsmenn á
geðdeildum.“
Hann segir það misjafnt hversu
oft slíkar aðstæður komi upp.
RÚV sagði nýlega frá því að
maður sem var á Kleppi í 15 ár
sé nú vistaður á Litla-Hrauni
og svo annar sem árum saman
hefur verið vistaður á réttargeð-
deildinni að Sogni, en hún var
nýlega flutt til Reykjavíkur.
„Við munum halda áfram að
berjast fyrir því að fólkið komist
á viðeigandi staði,“ segir Páll en
nú þegar hefur vandamálið verið
kynnt heilbrigðis- og velferðar-
yfirvöldum. - jse
Segir fangelsi hvorki hafa starfsmenn né aðstöðu til að vista geðsjúka:
Deilt um vist sjúkra fanga
PÁLL WINKEL FANGELSISMÁLASTJÓRI
Auðvelt er að koma líkamlega veikum
föngum á viðeigandi stað en öðru máli
gegnir um andlega veika segir Páll.
FRÉTTABLAÐIÐ/GVA
SLYS Engin slys urðu á fólki
þegar bíll valt á Ólafsfjarðar-
vegi í gærmorgun. Samkvæmt
upplýsingum frá lögreglu er
talið að orsök slyssins hafi
verið sú að ökumaður reyndi
að sveigja fram hjá fuglum á
veginum með þeim afleiðingum
að hann missti stjórn á bílnum.
Umferðarstofa vill brýna
fyrir ökumönnum að þó við-
leitni þeirra til að vernda dýr
í umhverfi sínu sé góð þá er
mikil vægast að skapa ekki
hættu við akstur.
Varast skal að kippa snögg-
lega í stýrið, einkum ef hraðinn
er mikill. Þá er minnt á að miklu
skipti að horfa langt fram á veg-
inn svo ekkert komi ökumanni á
óvart í umferðinni.
- bþh
Bílvelta á Ólafsfjarðarvegi:
Ökumaður
sveigði fram hjá
fugli og velti bíl
SVÍÞJÓÐ Sendiherra Svíþjóðar
í Hvíta-Rússlandi hefur verið
rekinn úr landi. Að sögn Carl
Bildts, utanríkisráðherra Sví-
þjóðar, er ástæðan sú að sendi-
herrann hafi sýnt mannréttinda-
málum of mikinn áhuga.
„Þetta sýnir hið rétta eðli
stjórnarinnar,“ sagði Bildt á
Twitter-síðu sinni.
Sænskir fjölmiðlar hafa einnig
eftir Bildt að það hafi aldrei verið
neitt leyndarmál að sendiherra
Svíþjóðar í Hvíta-Rússlandi hafi
verið í sambandi við stjórnarand-
stöðuna. Sænskir sendiherrar séu
það almennt. - gb
Hvít-Rússum nóg boðið:
Sendiherra Sví-
þjóðar rekinn
STJÓRNSÝSLA Innanríkisráðu neytið
hefur úthlutað þremur nýjum
listabókstöfum og kjósendur hafa
val um að setja kross við C, E og
G í alþingiskosningum í vor.
Samstaða – flokkur lýðræðis
og velferðar fékk úthlutað lista-
bókstafnum C. Lilja Móses dóttir
er forsvarsmaður flokksins.
Bjartsýnisflokkurinn, en Einar
Gunnar Birgisson er í forsvari
fyrir hann, fékk úthlutað lista-
bókstafnum E og Hægri grænir
– flokkur fólksins fékk listabók-
stafinn G. Forsvarsmaður hans
er Guðmundur Franklín Jónsson.
Bandalag jafnaðarmanna bauð
fram undir bókstafnum C en
Alþýðubandalagið undir G. - kóp
Þrír nýir listabókstafir:
C, E og G verða
á kjörseðlunum
KJÖRKASSINN
STJÓRNSÝSLA Edward Huijbens,
forstöðumaður Rannsóknarmið-
stöðvar ferðamála, segir fyrirætl-
anir kínverska fjárfestisins Huang
Nubos um uppbyggingu á Gríms-
stöðum á Fjöllum í hæsta máta
ótrúverðugar. Hann segir skoðun
heimasíðna fyrirtækja Nubos,
Zhongkun og Zhongkun Travel,
gefa til kynna að um fals sé að
ræða.
„Skoðun á heimasíðum þeirra
sýnir að orð vega þyngra en gerðir
og sýndarmennska ræður þar ríkj-
um. Staðhæfing-
ar í gögnum með
verkefninu um
visthæfa ferða-
þjónustu (eco-
tourism) eru
skólabókardæmi
um grænþvott
og hvergi liggur
neitt fyrir um
fjármögnun fyr-
irhugaðrar upp-
byggingar á Grímsstöðum annað
en orð forsvarsmanna Zhongkun.“
Edward er varabæjarfulltrúi
Vinstri grænna á Akureyri og sat
fund bæjarráðs á fimmtudag þar
sem málefni Grímsstaða voru á
dagskrá. Hann vill að Akureyrar-
bær dragi sig út úr GáF, félagi 6
sveitarfélaga um kaup á jörðinni.
„Sem sveitarstjórnarmaður þá
biðla ég til meirihlutans að gera
sér vandlega grein fyrir hvaða
hagsmuni bærinn telur sig vera að
verja með þátttöku í uppbyggingu
á Grímsstöðum á Fjöllum.“
Edward segir forsvarsmenn fjár-
festisins nú segjast ætla að fjár-
magna verkefnið allt með eigin
fé. Því hafi verið lýst yfir eftir að
Sakar fyrirtæki Nubos um
sýndarmennsku í verkefnum
Forstöðumaður Rannsóknarmiðstöðvar ferðamála segir fyrirætlanir á Grímsstöðum á Fjöllum ótrú-
verðugar. Fulltrúar minnihlutans á Akureyri vilja að bærinn dragi sig út úr félagi um kaup á jörðinni.
Formaður bæjarráðs segir bæjarfélagið ekki taka á sig neinar skuldbindingar fyrr en allt liggi ljóst fyrir.
Halla Björk Reynisdóttir, formaður bæjarráðs Akureyrar-
bæjar, segir stjórn GáF bíða eftir því hvað kemur út úr starfs-
hópi ríkisstjórnarinnar um málið. „Þetta hangir allt saman
og við bíðum bara róleg, erum ekkert stressuð yfir þessu.“
Bergur Elías Ágústsson, stjórnarformaður GáF, segir
hins vegar að félagið haldi sínu striki hvað sem vinnu
starfshópsins líður. „Við verðum að ræða saman og
sjá hvað kemur út úr því. Það liggur nú ekki alveg ljóst
fyrir hvað menn ætla sér að skoða, en við tökum því
fagnandi. Við höldum bara okkar striki áfram, það er
bara þannig. Við höfum samband og sjáum hvort þarf að
samræma einhverja vinnu.“
Bergur segir samninginn um verkefnið liggja að
mestu fyrir. „Það er verið að yfirfara orðalag og eitthvað
lagadótarí hjá þeirri lögfræðistofu sem er að aðstoða
okkur í þessu.“
Höldum okkar striki
GRÍMSSTAÐIR Forstöðumaður Rannsóknarmiðstöðvar ferðamála segir ýmislegt benda til að siglt sé undir fölsku flaggi
varðandi uppbyggingu á Grímsstöðum og áhugi á ferðaþjónustu sé takmarkaður. MYND/SIGGA HALLGRÍMS
EDWARD HUIJBENS
ívilnunarnefnd hafi krafist stað-
festingar lánveitenda, en upphaf-
lega áttu 70% stofnkostnaðar að
vera lánsfé. „Þetta og fleira bendir
til að áhugi á ferðaþjónustu sé
meiri í orði en á borði og verkefnið
virðist sigla undir fölsku flaggi.“
Halla Björk Reynisdóttir, for-
maður bæjarráðs Akureyrar og
fulltrúi L-listans, lista fólksins,
segir ekkert hafa komið fram sem
kalli á að bærinn dragi sig út úr
verkefninu. Beðið sé samnings-
draga frá GáF sem verði kynnt
fyrir bæjarráði áður en skrifað
verður undir nokkuð sem skuld-
bindur bæjarfélagið.
„Við fórum inn í verkefnið með
það fyrir augum að ef yrði af upp-
byggingu á ferðaþjónustu fyrir
austan myndum við sem samfélag
hagnast á því. Við vildum styðja
það á þeim forsendum og það hefur
ekkert breyst.“
Njáll Trausti Friðbertsson, vara-
bæjarfulltrúi Sjálfstæðis flokksins,
sat einnig bæjarráðsfundinn á
fimmtudag, en flokkurinn var and-
vígur þátttöku bæjarfélagsins í
GáF.
„Við vorum andvíg málinu þar
sem of mörgum spurningum var
ósvarað, til dæmis því hvort þetta
samræmdist hlutverki okkar sem
sveitarfélags.“ Njáll Trausti segir
eðlilegt að það komi til skoðunar að
Akureyrarbær dragi sig út úr verk-
efninu.
kolbeinn@frettabladid.is
FÓLK Annie Mist Þórisdóttir,
hraustasta kona á jarðríki, kom
heim í gær eftir að hafa sigrað
CrossFit-leikana í Los Angeles í
Bandaríkjunum annað árið í röð á
dögunum.
Tekið var á móti Annie Mist
fyrir utan húsnæði Crossfit
Reykjavík í Skeifunni í gær og
var fjöldi fólks saman kominn
til að bera þessa kjarnakonu
augum. Annie þakkaði fyrir sig og
minntist á hversu gott væri að hafa
breiðan hóp fólks á bak við sig.
Flestir keppinautar hennar hefðu
einungis haft fjölskyldur sínar sér
til stuðnings. - bþh
Annie Mist komin heim:
Mikilvægt að
hafa góðan
stuðning
FAGNAÐ Annie Mist var fagnað þegar
hún kom í æfingamiðstöð sína í
Skeifunni í gær. FRÉTTABLAÐIÐ/ERNIR
BANDARÍKIN Bandaríska alríkislögreglan FBI
finnur ekki lengur sín eigin skjöl um kvik-
myndaleikkonuna Marilyn Monroe. Skjölin
finnast heldur ekki á bandaríska þjóðskjala-
safninu í Washington, en þangað á að senda
skjöl af þessu tagi til geymslu.
Bandaríska fréttastofan AP fór fram á
að fá aðgang að þessum skjölum, nú þegar
fimmtíu ár eru liðin frá láti Monroe. Sam-
kvæmt bandarísku upplýsingalögunum á
leynd á skjölunum nú að vera aflétt.
Fréttastofan bíður enn svara við fyrir-
spurn um það hvenær skjölin voru flutt frá
lögreglunni.
Monroe fannst látin á heimili sínu í Los
Angeles 5. ágúst árið 1962. Niðurstaða
krufningar var sú að of stór lyfjaskammtur
hefði orðið henni að bana. Ekki var þó hægt
að fullyrða hvort hún sjálf hefði tekið lyfin
inn eða hvort um morð hafi verið að ræða.
Lát hennar var rannsakað á ný árið 1982
og var þá meðal annars byggt á skjölun-
um frá FBI, sem nú eru týnd. Vandlega var
þó búið að fara yfir skjölin og ýmsar upp-
lýsingar fjarlægðar úr þeim.
Ýmsar sögusagnir hafa komist á kreik um
andlát hennar, meðal annars vanga veltur
um að ástar samband hennar við John F.
Kennedy, þáverandi forseta, og Robert bróð-
ur hans, sem þá var dómsmálaráðherra, hafi
með einhverjum hætti blandast í málið.
- gb
Fréttastofan AP hefur farið fram á að fá 50 ára gömul skjöl um Marilyn Monroe afhent:
Bandaríska alríkislögreglan finnur ekki skjölin
MARILYN MONROE Bandaríska lögreglan fylgdist
grannt með henni eins og fleiri kvikmyndastjörnum
þess tíma. NORDICPHOTOS/AFP
Leggur þú land undir fót um
verslunarmannahelgina?
JÁ 22,5%
NEI 77,5%
SPURNING DAGSINS Í DAG:
Hefur þú farið í hvalaskoðun?
Segðu þína skoðun á visir.is