Fréttablaðið - 09.11.2012, Blaðsíða 6

9. nóvember 2012 FÖSTUDAGUR6
Kjörstaðir verða einnig opnir á laugardaginn
frá 10 -17 á eftirtöldum stöðum:
Lyngási 9 Garðabæ, Strandgötu 43 Hafnarfirði,
Hamraborg 11 Kópavogi, Hlégarði Mosfellsbær,
Eiðistorgi Seltjarnarnesi hliðarsal bókasafnsins
annarri hæð.
Stjórn Kjördæmisráðs
Minnum á að rafræn kosning Samfylkingarinnar í
Kraganum er hafin og lýkur klukkan 17. laugardaginn
10 nóv. nánari upplýsingar á samfylkingin.is
Amal Tamimi
3.-4. sæti
Geir Guðbrandsson
5. sæti
Magnús Orri Schram
2.-3. sæti
Stefán Rafn Sigurbjörnsson
3.-5. sæti
Anna Sigríður Guðnadóttir
3.-4. sæti
Katrín Júlíusdóttir
1. sæti
Margrét Gauja Magnúsdóttir
3.-4. sæti
Árni Páll Árnason
1. sæti
Lúðvík Geirsson
2. sæti
Margrét Júlía Rafnsdóttir
3.-4. sæti
Save the Children á Íslandi
1. Um hversu mikið verður fjár-
festingaáætlun ríkisins skorin niður
á næsta ári?
2. Hversu margar laxveiðiár
skiluðu 100 löxum eða meira í
sumar?
3. Hversu mörgum milljónum
verður úthlutað til Landspítalans til
tækjakaupa á næsta ári?
SVÖR:
1. Um 42 prósent 2. Tólf ár 3. 600
milljónum
SKIPULAGSMÁL Lögmannsstofan Lex
telur að aðferð Þjóðskrár við fast-
eignamat á Hörpu standist ekki lög.
Matið var kært til yfirfasteigna-
matsnefndar sem staðfesti úrskurð
Þjóðskrár. Eigendur Hörpu hafa
falið lögmannsstofunni að undir-
búa dómsmál. Pétur J. Eiríksson,
stjórnarformaður Portusar sem er
móðurfélag Hörpunnar, segir mark-
miðið með málssókninni vera að
lækka fasteignamatið umtalsvert.
„Við urðum sammála um það með
eigendum, ríki og borg, að dóm-
stólaleiðin væri rétta leiðin og hana
ætlum við að fara.“
Þjóðskrá notar kostnaðaraðferð
við fasteignamatið en þá er stuðst
við byggingarkostnað, en hann er
metinn 28 milljarðar króna. Undir
það tekur yfirfasteignamatsnefnd.
Aðrar aðferðir eru markaðsaðferð,
sem byggir á samanburði við sölu
sambærilegra fasteigna, og tekju-
aðferð, sem byggir á tekjum og fast-
eignum og kostnaði vegna þeirra.
Þjóðskrá leggur byggingarkostn-
að Hörpu til grundvallar fasteigna-
mati. Árið 2012 hækkaði matið úr
rúmum 17 milljörðum í rúma 20
og það hækkar í rúman 21 milljarð
árið 2013. Fasteignin er nú nær full-
kláruð og skýrir það hækkunina.
Portus og móðurfélag þess, Aust-
urhöfn-TR, fengu PwC og Capacent
til að leita gangverðs eignarinnar
út frá því hvert virði hennar væri
með hliðsjón af tekjum, gjöldum
og nýtingarmöguleikum. Að mati
Capacent er virði Hörpu 6,5 til 6,7
milljarðar en 6,8 milljarðar að mati
PwC.
Í álitsgerð Lex segir að sé sömu
aðferðum beitt á Hörpu og ýmis
önnur hús, svo sem Hof á Akureyri,
Flugstöð Leifs Eiríkssonar og ráð-
stefnumiðstöð Grand hótels, væri
fasteignamatið 15,1 milljarður.
Í álitsgerðinni segir jafnframt
að ekki sé aðeins hægt að horfa
til byggingarkostnaðar við Hörpu
sjálfa. Hann sé mjög hár vegna
hrunsins. Upphaflega hafi verið
gert ráð fyrir um 12 milljörðum, en
Þjóðskrá meti hann nú á 28 millj-
arða. Því sé ekki hægt að horfa
aðeins á hann heldur verði að horfa
til byggingarkostnaðar sambæri-
legra eigna.
Fasteignagjöld Hörpu fyrir 2012
námu tæplega 340 milljónum króna.
Umtalsverð lækkun á fasteigna-
mati gæti því þýtt tugi eða hundr-
uð milljóna króna lægri fasteigna-
gjöld. kolbeinn@frettabladid.is
Harpa í mál við ríkið
með fulltingi ríkisins
Aðferð Fasteignamats ríkisins við mat á virði Hörpunnar er ólögmæt að mati
Lögmannsstofunnar Lex. Eigendur Hörpu, ríki og borg, hafa falið lögmönnunum
að fara með málið fyrir dóm. Getur skipt hundruðum milljóna í fasteignagjöld.
HARPA Dómstólar munu kveða upp úr um hvernig fasteignamati Hörpu verður háttað. Ríki og borg standa að málshöfðuninni.
FRÉTTABLAÐIÐ/VALLI
DÓMSMÁL Íslenska ríkinu var heimilt að skerða
fjárframlög til Sólheima í Grímsnesi í fjárlögum
árið 2009. Hæstiréttur kvað í gær upp dóm í máli
Sólheima gegn ríkinu og sneri við dómi Héraðs-
dóms Reykjavíkur frá því í júlí í fyrra.
Forsaga málsins er sú að Sólheimar höfðuðu
mál á hendur ríkinu þar sem stofnunin taldi 4%
skerðingu sem varð á fjárframlögum til hennar í
fjárlögum ársins 2009 ólögmæta. Stofnunin hafði
áður gert þjónustusamning við ríkið sem kvað á
um að tiltekin upphæð yrði veitt til starfseminnar
á hverju ári frá 2004 til loka árs 2008.
Hæstiréttur komst að þeirri niðurstöðu að
Alþingi hefði haft vald til að ákveða fjárveitingu
til Sólheima og að Sólheimar gætu ekki byggt rétt
til frekari fjárveitingar á útrunnum samningi.
Ríkið var því sýknað af kröfum Sólheima sem
voru auk þess dæmdir til að greiða allan máls-
kostnað.
Héraðsdómur hafði hins vegar talið að ríkið
hefði vanefnt þjónustusamninginn. - mþl
Ríkinu var heimilt að skerða fjárframlög til Sólheima árið 2009:
Hæstiréttur hafnaði kröfu Sólheima
SÓLHEIMAR Sólheimar töldu að ríkinu hefði verið óheimilt að
skerða fjárframlög til sín vegna þjónustusamnings.
FRÉTTABLAÐIÐ/PJETUR
Við urðum sam-
mála um það
með eigendum,
ríki og borg, að
dómstólaleiðin
væri rétta leiðin.
PÉTUR J. EIRÍKSSON,
STJÓRNARFORMAÐUR PORTUSAR
STJÓRNMÁL Þingmenn Fram-
sóknarflokksins hafa lagt fram
þingsályktunartillögu um að fela
innan ríkisráðherra að undirbúa
lagabreytingu sem tryggi að börn
sem getin eru með tæknifrjóvgun
og kynfrumugjöf eigi rétt á upp-
lýsingum um uppruna sinn.
Í greinargerð með tillögunni
kemur fram að börn sem getin
eru með tæknifrjóvgun hafa ekki
sjálfstæðan rétt á að fá upplýsing-
ar um líffræðilega foreldra sína
ef gjafaegg eða -sæði er notað.
Nú er það svo að egg- eða sæð-
isgjafar geta óskað eftir nafn-
leynd og er heilbrigðisstarfsfólki
skylt að tryggja að sú ósk verði
virt. Þá má gjafinn ekki fá upp-
lýsingar um foreldra eða barn eða
öfugt. Ef ekki er óskað eftir nafn-
leynd getur barnið hins vegar
fengið aðgang að upplýsingum
um gjafann. Þingmennirnir vilja
horfa til reynslu nágrannalanda
við lagasmíðina. - þeb
Þingsályktunartillaga framsóknarmanna um börn getin með gjafakynfrumum:
Fái upplýsingar um upprunann
Í Svíþjóð er kveðið á um að börn eigi rétt á að vita um uppruna sinn. Í Finn-
landi eiga börn sem náð hafa 18 ára aldri rétt á að fá upplýsingar um upp-
runa sinn. Í Noregi og Bretlandi geta kynfrumugjafar ekki krafist nafnleyndar
og börn geta við 18 ára aldur fengið upplýsingar um uppruna sinn.
Þróunin hefur verið hvað hægust í Danmörku. Þar höfðu börn ekki rétt á
að fá þessar upplýsingar fyrr en í fyrra. Ef kynfrumugjafi óskar ekki nafn-
leyndar geta börn við 18 ára aldur fengið upplýsingarnar.
Hvernig er þetta í nágrannalöndunum? HEILBRIGÐISMÁL Bæjarráð Akur-eyrar skorar á SÁÁ að tryggja
rekstur samtakanna á Akureyri.
„Ljóst er að mikils virði er
fyrir alkóhólista og aðstandendur
þeirra að hafa aðgang að þeirri
aðstoð sem þar er veitt. Undan-
farin ár hefur þessi starfsemi
sýnt að full þörf er fyrir þessa
þjónustu,“ segir bæjarráðið sem
jafnframt vill viðræður um
hvernig ríkið geti stutt sveitar-
félögin til að byggja upp þjónustu
fyrir áfengis- og vímuefnasjúk-
linga og fjölskyldur þeirra. - gar
Áskorun frá bæjarráði:
Full þörf fyrir
SÁÁ á Akureyri
VEISTU SVARIÐ?