Fréttablaðið - 09.11.2012, Blaðsíða 62

9. nóvember 2012 FÖSTUDAGUR42
HELGIN
„Stóra málið þessa helgi er
brúðkaup sem ég er að fara í
á laugardaginn hjá Áslaugu
vinkonu minni og honum Olla.
Sunnudagurinn fer svo líklegast
bara í að hvílast og jafna sig.“
Hugrún Hrönn Kristjánsdóttir, höfundur
bókarinnar Hulstur utan um sál.
„Það hefur aldrei verið skrifuð, svo ég muni
eftir, einlæg og heiðarleg vísindaskáldsaga á
Íslandi,“ segir Davíð Þór Jónsson.
Hann hefur sent frá sér vísindaskáldsöguna
Orrustan um Fold. Hún gerist á tunglinu Fold
þar sem lítil nýlenda manna hefur skotið rótum.
Þegar undarlegar verur taka að herja á íbúana
reynir á styrk þjóðarinnar.
„Það kom tímabil í sumar þar sem ég bjó einn
úti á landi og hafði ekkert að gera á kvöldin og
um helgar nema að spila tölvuleiki eða horfa
á sumardagskrána í Ríkissjónvarpinu,“ segir
Davíð Þór um tilurð bókarinnar. „Það hafði
blundað í mér löngun til að spreyta mig á skáld-
sögunni og ég ákvað að skrifa vísindaskáld-
sögu, bæði af því að ég hef gaman af svoleiðis
bókum og svo er enginn að skrifa þannig bækur
á Íslandi. Þetta er alvöru bókmenntategund sem
íslenskir útgefendur hafa ekki tekið alvarlega.“
Þegar Davíð Þór kynnti bókina fyrir íslensk-
um bókaforlögum fékk hann dræmar undir-
tektir. „Mér leið eins og þegar menn voru að
skrifa glæpasögur fyrir tuttugu árum. Menn
höfðu enga trú á þeim.“ Á endanum var það
Helgi Jónsson hjá Tindi á Akureyri sem ákvað
að gefa hana út. „Hann er hugrakkur og fram-
sýnn útgefandi, ekki eins og vondu kapítalist-
arnir fyrir sunnan.“
Davíð Þór, sem er fluttur til Þýskalands þar
sem konan hans býr, hafði mjög gaman af skrif-
unum og langar að halda þeim áfram. „Þetta er
eiginlega bókin sem mig langaði til að lesa eftir
íslenskan rithöfund. Fyrst enginn var að skrifa
hana ákvað ég að skrifa hana sjálfur.“ - fb
Samdi einlæga vísindaskáldsögu
ALVÖRU BÓKMENNTATEGUND Davíð Þór Jónsson
segir vísindaskáldsöguna vera alvöru bókmenntateg-
und sem útgefendur taka ekki alvarlega.
FRÉTTABLAÐIÐ/PJETUR
Leikarinn Benjamin Walker, sem
síðast lék titilhlutverkið í kvik-
myndinni Abraham Lincoln: Vamp-
ire Hunter og einnig í Flags of Our
Fathers í leikstjórn Clint Eastwood,
fer með aðalhlutverkið í prufuþætti
The Missionary í leikstjórn Balt-
asars Kormáks. Þátturinn verður
brátt sýndur á sjónvarpsstöðinni
HBO, en erlendar sjónvarpsstöðv-
ar eru vanar að sýna svonefnda
„pilot“-þætti til að kanna áhorf
áður en ráðist er í að framleiða
heila þáttaröð.
The Missionary gerist í Berl-
ín á sjötta áratug síðustu aldar og
segir frá bandarískum trúboða sem
aðstoðar unga konu við að undirbúa
flótta frá Austur-Þýskalandi. Þátt-
unum er lýst sem njósnasögu með
dramatísku ívafi. Handritshöfund-
ur sjónvarpsþáttanna er Charles
Randolph en hann skrifaði meðal
annars handritið að kvikmyndinni
Love and Other Drugs.
Mark Wahlberg verður einn fram-
leiðenda. Baltasar leikstýrði Wal-
hberg í kvikmyndunum Contraband
og 2 Guns og hefur samstarf þeirra
verið farsælt hingað til. - sm
Walker í The Missionary
AÐALHLUTVERK Benjamin Walker verður
í aðalhlutverki þáttanna The Missionary
ef af framleiðslu þeirra verður.
NORDICPHOTOS/AFP
Miðasala hafin á midi.is
Nánari upplýsingar á tiufingur.is
SÝNINGAR Í NORRÆNA HÚSINU
Í NÓVEMBER OG DESEMBER 2012
E.B. Fbl
J.V.J. DV
Fös. 9. nóv. kl. 17.00
Lau. 10. nóv. kl. 14.00 / 16.00
Sun. 11. nóv. kl. 14.00 / 16.00
Lau. 24. nóv. kl. 14.00 / 16.00
Sun. 25. nóv. kl. 14.00 / 16.00
Lau. 1. des. kl. 14.00 / 16.00
Sun. 2. des. kl. 14.00 / 16.00
Ath. aðeins þessar 3 sýningarhelgar!
Ö Ö
Ö
„Skrímslið litla systir mín er ein magnaðasta
leiksýning sem ég hef séð.“ I.G. Mbl
BARNALEIKSÝNING
ÁRSINS 2012
9. . : Ö
. : U :00 U
. : U :00 Ö
v. : Ö / 16:00
. : Ö / 16:00
1. . : 6:00
2. . : 6:00
„Ég saknaði íþróttarinnar og lang-
aði að byrja aftur. Þetta er þriðji
veturinn minn hjá Æsi núna,“
segir Valgerður Guðsteinsdóttir
sem hlaut gullverðlaun í sínum
þyngdarflokki á ACBC-hnefaleika-
mótinu sem var haldið í Gautaborg
um síðustu helgi.
Valgerður hafði æft íþrótt-
ina í svolítinn tíma á unglingsár-
um sínum og ákvað fyrir þremur
árum að hefja æfingar að nýju.
Hún æfir allt að sex sinnum í viku
með sérstökum keppnishópi hjá
Hnefaleikastöðinni og var þetta
hennar fyrsta alþjóðlega mót. Val-
gerður keppti í 57 til 60 kílóa seni-
or-flokki og mætti tveimur and-
stæðingum sem höfðu háð færri
en sex bardaga líkt og hún sjálf.
„Sú fyrri sem ég keppti á móti
var sænsk, en ég er ekki viss hvað-
an seinni andstæðingurinn var.
Ég mætti bara þeim sem ég átti
að mæta og hugsaði ekki meira út
í það. Ég vildi gera mitt besta og
fannst skipta mestu máli að vera
með góða tækni og sýna fallegt
box. Ég var ekki að reyna að rota
VALGERÐUR GUÐSTEINSDÓTTIR: ÉG VILDI GERA MITT BESTA
Kom heim með gull af al-
þjóðlegu hnefaleikamóti
FÉKK GULLIÐ Valgerður Guðsteinsdóttir hlaut gullverðlaun í sínum flokki á alþjóðlegu hnefaleikamóti sem fór fram síðustu helgi.
FRÉTTABLAÐIÐ/ANTON
■ ACBC-mótið er næststærsta
hnefaleikamót í heimi. Skammstöf-
unin stendur fyrir Angered Centrum
Box Cup.
■ Fyrsta ACBC-mótið fór fram árið
1987 og því var það haldið í 25.
sinn nú í ár.
■ Um sex hundruð manns kepptu á
mótinu í ár, þar af 25 Íslendingar.
■ Keppendur eru á aldrinum 10 til
35 ára.
NÆST STÆRSTA MÓT HEIMS
andstæðinginn í fyrsta höggi.“
Þegar hún er spurð nánar út í
tæknilegu hlið íþróttarinnar segir
hún: „Tæknin felst í því hvern-
ig þú notar líkamann í höggin.
Hreyfanleiki er líka mjög mikil-
vægur. Ég lærði grunninn minn
hjá þjálfara frá Kúbu og hann
lagði mikla áherslu á hreyfan-
leika. Vilhjálmur Hernandez
þjálfar mig núna og hann hefur
bætt miklu við þekkingu mína og
tækni.“
Að hennar sögn eru þær fáar
konurnar sem keppa í hnefaleik-
um hér á landi og því getur verið
erfitt að finna andstæðing til að
keppa á móti. „Það er eitt og hálft
ár síðan ég keppti síðast því það
eru bæði fáar konur sem keppa
og langt á milli móta. Það var eitt
mót vikuna áður en við fórum út,
en þá var engin til að keppa á móti
mér. Íþróttin hefur þó orðið vin-
sælli upp á síðkastið og það hafa
komið fram margir nýir og efni-
legir einstaklingar,“ segir Val-
gerður að lokum. - sara@frettabladid.is