Fréttablaðið - 17.11.2012, Síða 102

17. nóvember 2012 LAUGARDAGUR| MENNING | 70
Djöflaterta og mjólk-urglas – fullkomin samsetning! Upp-skriftir að svona klassískri köku eru alveg óteljandi og
svipað og með lasanja á Ítalíu,
þar sem hver fjölskylda á sér
sína uppskrift sem oft og tíðum
er haldið leyndri, þá ætlum við
ekki að gera það. Hér er komin
okkar uppáhalds djöflaterta
sem að okkar mati er algjörlega
sér á báti. Uppskriftin er ekk-
ert leyndarmál, því hana á ein af
skemmtilegri sjónvarpskokkum
sem sjást á skjánum, Ina Garten
sem kemur fram undir nafn-
inu Barefoot Contessa. Kakan
er draumi líkust og við erum á
því að hlutföllin í henni séu full-
komin. Þess vegna viljum við
ekki breyta bollamálum sem eru
í upprunalegu uppskriftinni yfir í
grömm eða desilítra.
Annars er það um djöflatertu
að segja að hún er mjúk, loft-
kennd súkkulaðilagkaka sem á
uppruna sinn í Norður-Ameríku
en vitað er af fyrstu djöflatertu-
uppskriftinni árið 1905. Það sem
einkennir djöflatertu umfram
súkkulaðiköku er að í botnana fer
kakó en ekki brætt súkkulaði og
kaffi eða heitt vatn í staðinn fyrir
kalda mjólk. Það sem aðgreinir
djöflatertu einnig frá súkkulaði-
köku er að í hana er notað meira
af lyftiefnum, sem gerir hana
léttari og svampkenndari.
Vitað er að í upprunalegum
uppskriftum að djöflatertu var
notuð rifin rauðrófa, álíka og
gulrætur eru notaðar í gulrótar-
köku. Við það varð kakan mýkri,
blautari og jafnframt sætari –
sem sagt ríkari að bragðgæðum
og fékk á sig þennan dökka lit.
Þaðan er nafnið komið en djöfla-
tertan hefur alltaf verið álitin
andstæðan við hvítu svampbotn-
ana sem ganga á ensku undir
nafninu englakaka, angel food
cake. Dökki liturinn kallaði á það
að kakan væri því kölluð djöfla-
kaka eða devil’s food cake.
Botnar
1 ¾ bolli hveiti
2 bollar sykur
¾ bolli kakó
2 tsk. lyftiduft
1 tsk. natron
1 tsk. salt
1 bolli mjólk eða rjómi
½ b. olía, t.d. repju-, hnetu- eða isio-olía
2 egg
1 tsk vanilludropar
1 bolli heitt kaffi
Hitið ofn í 180 gráður. Setjið öll
þurrefnin í hrærivélarskál, hrærið
saman á lægstu stillingu og látið
þau blandast vel. Bætið þá mjólk
eða rjóma, olíu, eggjum, van-
illudropum og kaffi saman við og
hrærið vel en varlega því blandan
er frekar þunn. Hellið í tvö smurð
bökunarform, kakan fer best í
23 cm formi því þá ná botnarnir
meiri þykkt og kakan er veglegri og
reisulegri að bera fram. Setjið í ofn
og bakið í 25-35 mínútur. Stingið í
botnana með kökuprjóni eftir 25
mínútur og athugið hvort hann
kemur hreinn út. Ef svo er þá eru
botnarnir bakaðir. Gætið að því að
baka þá ekki of mikið, þá verða þeir
þurrari en þeir eiga að vera. Kælið
áður en kremið fer á þá.
Krem
160 g suðusúkkulaði
225 g mjúkt smjör
1 eggjarauða
1 tsk. vanilludropar
1 ¼ bolli flórsykur
1 tsk. kaffiduft
2 tsk. heitt vatn
Bræðið súkkulaðið og kælið án þess
að það taki að harna. Hrærið það
þá saman við mjúkt smjörið, í um 3
mínútur. Setjið eggjarauðuna saman
við og hrærið áfram þar til súkkulaði-
blandan er glansandi og kekkjalaus.
Bætið vanilludropum og flórsykri út
í og hrærið rólega. Látið kaffiduftið
leysast upp í heitu vatninu og hellið
varlega saman við kremið. Hrærið
áfram þar til kremið er mjúkt og létt.
Smyrjið kremi ofan á annan botninn,
leggið þá hinn þar ofan á. Smyrjið
kökuna vandlega með kreminu, topp
og hliðar. Mörgum þykir betra að
kæla súkkulaðiköku eins og þessa
áður en hún er borin fram. Það er al-
farið ykkar ákvörðun því hún er alltaf
jafn góð. Berið fram með þeyttum
rjóma, ís, mascarpone-kremi, grískri
jógúrt, ávöxtum, berjum … eða bara
eina og sér. Hún stendur fyllilega
undir því.
● ● ●
Kremið sem gefið er upp á kökuna
er aðeins meira sparikrem en
maður nennir kannski alltaf að
gera! Hér er uppskrift að ekta
djöflatertusmjörkremi sem móðir/
tengdamóðir okkar gerir alltaf á sína
útgáfu. Fljótlegt en ótrúlega gott og
hægt að nota á marga vegu, sbr. á
bollakökur.
Djöflatertukrem Guðrúnar
2 ½ bolli flórsykur
½ bolli kakó
½ tsk. salt
6 msk. mjúkt smjör
1 msk. kalt kaffi
1 tsk. vanilludropar
5 msk. rjómi
Hrærið saman þurrefnin í hrærivél
eða með þeytara og látið þau
blandast vel. Bætið smjörinu, kalda
kaffinu og vanilludropunum saman
við, hrærið aðeins og bætið þá rjóm-
anum út í. Rjóminn mýkir kremið
og notið meira af honum ef kremið
er stíft og óþarflega óþjált. Hrærið
kremið þar til það er mjúkt og fallegt
áferðar. Smyrjið á kökuna og sigtið
flórsykri, kakói, súkkulaðispæni eða
kókos yfir upp á gamla mátann.
Berið fram.
Kakan og kremið
Djöflatertan góða
Ef fólk væri beðið um að nefna eina uppáhaldsköku sem það ætti sér, er ekki ólíklegt
að það myndi nefna djöflatertu. Djöflatertan gengur undir ýmsum nöfnum en það er
eitthvað við svona einfalda köku sem kallar fram minningar sem flestir vilja halda í.
Halla Bára Gestsdóttir
Gunnar Sverrisson
homeanddelicious.com
➜ ...hún er mjúk, loftkennd súkkulaðilagkaka sem á uppruna
sinn í Norður-Ameríku en vitað er af fyrstu djöflatertuupp-
skriftinni árið 1905. Það sem einkennir djöflatertu umfram súkk-
ulaðiköku er að í botnana fer kakó en ekki brætt súkkulaði og
kaffi eða heitt vatn í staðinn fyrir kalda mjólk. Það sem aðgreinir
djöflatertu einnig frá súkkulaðiköku er að í hana er notað meira
af lyftiefnum, sem gerir hana léttari og svampkenndari.
Skiðadeild Víkings stendur fyrir árlegum Skíðamarkaði með notaðan
skíðabúnað sunnudaginn 18. nóvember milli kl. 11 og 14.
Markaðurinn verður í Víkinni, íþróttahúsi Víkings í Fossvogi.
Markaðurinn er opinn öllum.
Boðið verður til sölu skíðabúnaður, skíðafatnaður, skór og skautar.
Fagleg ráðgjöf á staðnum.
Allir eru hvattir til að taka rækilega til í geymslum og skúrum og koma
með notaðan búnað til að selja á markaðnum, mikil eftirspurn er eftir
notuðum búnaði.
Tekið verður á móti búnaði til sölu í Víkinni á laugardeginum
17. nóvember milli kl. 9:30 og 11:30 og svo aftur milli 15:30 og 18:00
Markaðurinn er nú haldinn í 6. skiptið og hefur notið mikilla vinsælda
meðal skíðaiðkenda í Reykjavík. Fjölmargir hafa eignast skíði á alla fjöl-
skylduna á góðu verði og aðrir hafa losað um pláss í geymslum sínum.
Kökubasar og heitt á könnunni.
Skíðamarkaður Skíðadeildar Víkings
Skíðamarkaðurinn hefur vakið mikla athygli, gríðaleg sala verið á
búnaði og ma rgir k omið b únaði í v erð se m a nnars hefði rykfallið
og svo hafa margir gert ótrúlega góð kaup.
SKEMMTILEGIR KARAKTERAR
OG SKRAUTLEGT LÍF
Hugljúf og fyndin samtímasaga.
En þó að hún fjalli um fólk í blokk í Reykjavík
hér og nú fer hún víða í tíma og rúmi,
jafnvel alla l eiðina aftur í Miklahvell ...
ÞAÐ ERU ENGINN HÖFT Á VIÐSKIPTUNUM Á VÍSI
FRÉTTIR VIÐSKIPTI SPORT UMRÆÐAN ÚTVARP LÍFIÐ SJÓNVARP
- oft á dag