Fréttablaðið - 17.12.2012, Page 40

FÓLK|HEIMILI
FÓLK ER KYNNINGARBLAÐ sem býður auglýsendum að kynna vörur og
þjónustu í formi viðtala og umfjallana ásamt hefðbundnum auglýsingum.
Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir
Sölumenn: Jónína María Hafsteinsdóttir, jmh@365.is, s. 512 5473 | Sverrir Birgir
Sverrisson, sverrirbs@365.is, s. 512 5432 | Elsa Jensdóttir, elsaj@365.is, s. 512-5427
Áslaugu Katrínu Aðalsteins-dóttur finnst mikilvægt að hafa gaman af því sem hún
gerir og að sinna öllum þáttum
frá fyrstu hugmynd til fullunn-
innar vöru með sömu ánægju. Hún
hefur frá því í október 2008 rekið
fyrir tækið Ösku sem framleiðir
meðal annars tréplatta, bókastoðir,
bókamerki og skartgripi. „Vörurnar
mínar eru grafískar, formin eru
sterk og þær hafa fleiri en eitt nota-
gildi,“ segir Áslaug Katrín.
„Í hönnunarferli og allri sköpun
skiptir máli að fylgja innsæinu,
hafa hjartað á réttum stað og njóta
hvers skrefs sem er tekið. Þá er
eins og allt gangi upp á einfaldan
hátt. Allar vörur og pakkningar eru
framleiddar á Íslandi og ég sé um
mikinn hluta framleiðslunnar sjálf.
Fyrir mér er stór hluti af því að vera
hönnuður og listakona fólginn í
því að hafa efniviðinn í höndunum,
finna eiginleika hráefnisins, gera
tilraunir og fá fleiri hug-
myndir út frá því.
Sumt af því sem ég
geri er eingöngu
handunnið og
annað að einhverju
leyti.“
Áslaug Katrín
segist skapa nánast
allt milli himins og jarðar,
stóra hluti sem smáa. „Aska
stendur í raun á þremur fótum
en stígur misþungt til jarðar. Ég
stunda myndlist og hönnun og er
líka menntaður landslagsarkitekt.
Verkefnin mín eru stundum árs-
tíðabundin en núna er mest að gera
í hönnuninni þó myndlistin sé til
staðar líka. Fjölbreytt verkefni og að
hafa nóg fyrir stafni hentar mér vel
og það skiptir mig máli að það fylgi
eitthvað jákvætt því sem Aska gerir,
bæði ferlinu og vörunni.”
Sem dæmi um það er hjartalaga
tréplatti sem kallast Ást. Plattinn
er í tveimur hlutum sem hægt er að
raða saman á nokkra vegu og hlut-
arnir falla hvor inn í annan, þess
vegna er Ást í Ást. „Fólk sem hefur
keypt plattann hjá mér segist nota
hann sem skreytingu á vegg, á borð,
undir heit matarílát eða til að raða
saman.“ Með hjartaplattanum fylgir
kort sem á stendur: Í Ást er Ást. Ef
þú vilt gefa eitthvað þarftu að eiga
það. Ef þú vilt eiga eitthvað þarftu
að gefa það. Til að geta
tekið á móti og gefið
Ást þarftu að elska
þig.
Næstkomandi
laugardag verða
vörurnar frá Ösku
til sýnis á jólabasar
á vinnustofu Tíru á
horni Brekkugötu og
Lækjargötu í Hafnarfirði.
„Við verðum nokkrir hönnuðir þar
saman á milli 13 og 18. Þar verður
heitt súkkulaði og kaffi í boði,
kertaljós og almenn huggulegheit.
Einnig verður lifandi tónlist þar sem
Þórunn Lárusdóttir syngur lög af
nýrri plötu sinni.“
Aska selur vörur sínar í safnbúð
Listasafns Íslands, Álafossbúðinni
og á www.aska.is.
■ lilja.bjork@365.is
MEÐ HJARTAÐ Á RÉTTUM STAÐ
ÁST ER Í ÁST Áslaug Katrín Aðalsteinsdóttir hannar fjölbreyttar nytjavörur, skart og skrautmuni meðal
annars úr viði, pappa og málmi undir merkinu Aska.
ASKA Áslaug Katrín
Aðalsteinsdóttir hannar
hitaplatta, skartgripi,
bókastoðir, kertastjaka
og fleira undir merkinu
Aska.
MYND/ANTON
Tíramísú er vinsæll
ítalskur réttur sem
auðvelt er að gera.
Tíramísú er ítalskur eftirréttur með kaffi
og líkjör sem er afar vinsæll um allan heim.
Þetta er réttur sem margir halda upp á og
fá aldrei leið á. Einfalt er að gera réttinn og
best að gera hann degi fyrir neyslu. Tíramísú
geymist ágætlega í nokkra daga í ísskáp.
Það sem þarf:
3 eggjarauður
3 eggjahvítur
50 g sykur
200 g rjómaostur
1 dl rjómi, þeyttur
2 pakkar Lady fingers
2-3 bollar sterkt kaffi
Súkkulaði
Amaretto-möndlulíkjör eða Grand Marnier
Þeytið saman eggjarauður og sykur þar til
blandan verður létt og ljós. Hrærið rjóma-
ostinum saman við og síðan rjómanum.
Stífþeytið eggjahvíturnar og blandið þeim
varlega saman við eggjablönduna. Leggið
fingurkökurnar örstutt í kaffi- og líkjörs-
blönduna, eina í einu og leggið síðan í
botninn á fallegu fati. Þegar kökurnar hylja
botninn er helmingnum af eggja- og rjóma-
ostablöndunni hellt yfir. Leggið þá annað lag
af kaffivættum kökum og síðan blönduna.
Stráið vel af rifnu súkkulaði yfir. Vel má
sleppa áfenginu eftir smekk hvers og eins.
Notið þá einungis sterkt kaffi.
Gott tíramísú
Save the Children á Íslandi