Fréttablaðið - 04.01.2013, Síða 2

4. janúar 2013 FÖSTUDAGUR| FRÉTTIR | 2
Ómar, er búin að vera mikil
keyrsla á ykkur?
„Já, við höfum þurft að
gefa allt í botn.“
Ómar Þröstur Hjaltason er annars forsvars-
manna bílstjóraþjónustunnar Keyrðu mig
heim, sem sérhæfir sig í að skutla bílum heim
fyrir drukkna eigendur. Frétt um þjónustuna
var vinsælasta dægurfrétt ársins 2012 á Vísi.
SLYS „Eftirlitsmaður úr vinnu-
véladeild fer í framhaldi af þessu
tilviki og skoðar aðstæður sem
sköpuðust þarna og þennan til-
tekna stiga,“ segir Helgi Haralds-
son, deildarstjóri tæknideildar
Vinnueftirlitsins. Búnaður verður
skoðaður, mögulegt slit, staðsetn-
ing neyðarhnappa og merkingar.
„Síðan munum við yfirfara
okkar skoðanir og vinnulag til að
sjá hvort við getum gert eitthvað
meira til að fyrirbyggja svona í
framtíðinni. Við Íslendingar erum
nú bara þannig gerðir að slys eru
algjörlega óásættanleg, svo ég tali
nú ekki um slys á börnum.“
Fréttablaðið greindi frá slysi í
gær þar sem móður tveggja ára
stúlku tókst naumlega að losa
dóttur sína úr stígvéli sem fest
hafði í rúllustiga í verslunar-
miðstöðinni Firði í Hafnarfirði
laust fyrir jól. Stúlkan hlaut
minni háttar meiðsl en stígvélið
gjöreyðilagðist og var því mikil
heppni að hún losnaði. Stiginn
hafði verið vottaður af Vinnueftir-
litinu í nóvember síðastliðnum.
Þúsundir misalvarlegra slysa
og óhappa verða í rúllu stigum
á ári hverju um allan heim.
Öryggis vandamál varðandi rúllu-
stiga eru vel þekkt, sérstaklega
erlendis, og segir Helgi það koma
fyrir að fólk, þá sérstaklega börn,
missi tær og jafnvel stærri útlimi
í stigum.
„Það er mjög margt sem getur
farið úrskeiðis; hönnunin, við-
haldið, þjónustan og svo auðvitað
hegðun þeirra sem nota stigann,“
segir Helgi. „Hér á landi eru þó
bara örfáir stigar og þjónustan og
viðhaldið því yfirleitt í lagi.“
Vinnueftirlitið framkvæmir
Vinnueftirlitið fer yfir
verkferla í kjölfar slyss
Vinnueftirlitið skoðar nú tildrög rúllustigaslyssins í Firði rétt fyrir jól. Verkferlar
verða yfirfarnir í kjölfar slyssins. Þúsundir misalvarlegra rúllustigaslysa verða í
heiminum á hverju ári. Öll slys eru óásættanleg, segir deildarstjóri eftirlitsins.
DULIN HÆTTA Þúsundir slysa verða í rúllustigum um allan heim, en víða erlendis
er eftirliti ábótavant, samkvæmt deildarstjóra Vinnueftirlitsins. FRÉTTABLAÐIÐ/VILHELM
● Tólf ára stúlka slasaðist mjög alvarlega eftir að hafa fest höfuðið á milli
rúllustiga og efri hæðar verslunarmiðstöðvar á leið sinni upp. Stúlkan festi
hárið í stiganum þegar hún beygði höfuð sitt til að sjá á neðri hæðina.
Stúlkan var færð í dái á sjúkrahús með blóðtappa í höfði.
Bangkok, Taílandi– september 2012
● Þriggja ára drengur missti þrjá fingur í rúllustigaslysi í verslunarmiðstöð.
Ekki er vitað hvað varð til þess að drengurinn festi fingurna í stiganum
en hann datt niður með hönd sína fasta á milli og var fluttur alvarlega
slasaður á sjúkrahús.
Sydney, Ástralíu– desember 2012
● Fjórir slösuðust þegar rúllustigi í verslunarmiðstöð bilaði og brotnaði í
sundur. Hjólin undir stiganum brotnuðu og á nokkrum sekúndum lyftust
heilu tröppurnar upp svo fólk þurfti að flýja niður eða upp til að bjarga sér.
Enginn slasaðist þó alvarlega.
Bellevue, Washington-ríki í Bandaríkjunum– júlí 2012
Festi hárið og endaði í dái á spítala
öryggisskoðanir á rúllu stigum
einu sinni á ári. Þá er meðal
annars leitað eftir því hvort til
staðar sé þjónustusamningur
vegna stigans svo reglubundið
eftir lit sé tryggt. Slíkum samn-
ingum geti verið ábótavant víða
erlendis. sunna@frettabladid.is
DANMÖRK Nýjar og strangari reglur um gjafa-
sæði í Danmörku gætu orðið til þess að sæðis-
bankinn Cryos International í Árósum, stærsti
sæðisbanki heims, hætti að sjá Dönum fyrir
sæði. Þetta kemur fram í frétt á vef danska
ríkis útvarpsins, DR.
Nýja reglugerðin kveður á um að tryggt verði
að tólf börn hið mesta verði til með sæði hvers
sæðisgjafa. Ole Schou, forstjóri Cryos, segir
ómögulegt að tryggja slíkt og því sé útséð um
að fyrirtækið geti séð læknastofum í Danmörku
fyrir sæði. „Afleiðingarnar eru þær að barn-
laust fólk verður að leita til útlanda, ættleiða
börn eða vera áfram barnlaust,“ segir Schou.
Yfirlæknirinn á Ciconia-lækna stofunni
í Árósum, sem hefur reitt sig á sæði frá
Cryos, segir þess ekki langt að bíða að
afleiðingarnar komi í ljós. „Við, og aðrar
stofur í Danmörku, verðum þurrausin eftir
tvær vikur, kannski þrjár.“
Um 250 konur hafa fengið gjafasæði í Dan-
mörku ár hvert en nú er allt útlit fyrir að
mikill samdráttur verði strax í ár, þar sem
fyrirtækin hafa ekki leyfi til innflutnings á
sæði.
Enn verður þó leyfilegt að nota sæði sem
hefur verið gefið af fjölskyldumeðlimi, eða ef
sæðið var pantað fyrir árslok 2012. - þj
Þrengt að frjósemismeðferðum með reglum um að aðeins megi geta tólf börn með sæði hvers gjafa:
Sjá fram á landlæga sæðisþurrð í Danaveldi
SÆÐI Dönsk stjórnvöld hafa hert á reglugerðum um
sæðisgjafir, sem óttast er að geti valdið sæðisþurrð í
landinu. NORDICPHOTOS/AFP
VINNUMÁL Hvorki gengur né rekur í kjaraviðræðum
hjúkrunarfræðinga og Landspítala háskólasjúkra-
húss.
„Deilan er enn í hnút og stjórnvöld virðast því
miður ekki gera sér grein fyrir alvöru málsins,“
segir Elsa Björk Friðfinnsdóttir, formaður Félags
íslenskra hjúkrunarfræðinga. „Það hefur ekkert
gerst síðan fyrir jól,“ segir hún og minnir á að það
styttist í að hjúkrunarfræðingar gangi út.
Í desember sögðu 240 hjúkrunarfræðingar upp
störfum á spítalanum vegna óánægju með vinnuað-
stöðu og launakjör. Uppsagnir þeirra taka gildi 1.
mars næstkomandi. Í hópnum eru hjúkrunarfræð-
ingar með mikla sérhæfingu og útlit er fyrir að
starfsemi spítalans muni raskast verulega nái upp-
sagnirnar fram að ganga.
Síðan í desember hafa staðið yfir viðræður um
endurskoðun á stofnanasamningi Landspítalans við
hjúkrunarfræðinga.
Elsa segist vita til þess að heilbrigðisráðherra hafi
verið í fríi og það kunni að skýra hægari gang í við-
ræðum undanfarið. Hún bendir á að nú séu komnir
fjórir mánuðir síðan ráðherra ætlaði að hækka laun
forstjóra spítalans, en það hafi verið dropinn sem
fyllti mælinn hjá hjúkrunarfræðingum. „Ráðherra
ber því ansi mikla ábyrgð á því sem komið er. Á
þessum tíma hefur bara verið fundað og varpað
fram hugmyndum, en án árangurs.“ - óká
Enn er allt í hnút í kjaradeilu hjúkrunarfræðinga við Landspítalann:
Segir ráðherra bera mikla ábyrgð
UMHVERFISMÁL Skipulagsstofnun segir að þótt áhrif af fyrirhuguðum
mannvirkjum við Þríhnúkagíg séu að langmestu leyti afturkræf geti
þau ásamt stígagerð haft neikvæð áhrif á verndargildi gígsins. Þá séu
framkvæmdirnar innan vatnsverndarsvæðis.
„Allar framkvæmdir og rekstur innan þess valda álagi á svæðið og
ljóst að aukin starfsemi hefur í för með sér aukið álag og eykur um
leið hættu á mengunarslysum,“ segir Skipulagsstofnun, sem setur
annars vegar skilyrði um að hámarkshraði á veginum að gígnum verði
70 kílómetrar á klukkustund og hins vegar að fyrir liggi niðurstöður
um endurskoðun vatnsverndar á höfuðborgarsvæðinu. - gar
Skipulagsstofnun vill hraðatakmarkanir og góða vatnsvernd:
Aðeins ekið á 70 að Þríhnúkagíg
ÞRÍHNÚKAGÍGUR Eftirsóttur áfangastaður ferðamanna.
MIKIL ÁBYRGÐ Elsa Friðfinnsdóttir segir stjórnvöld ekki átta
sig á alvörunni í kjaradeilu hjúkrunarfræðinga og ríkisins.
FRAMKVÆMDIR Snjóbræðslukerfi
sem lagt var undir Klapparstíg
í nýafstöðnum endurbótum á
milli Laugavegar og Hverfisgötu
verður tengt öðru hvoru megin
við helgina.
Að sögn Ólafs Ólafssonar, yfir-
manns mannvirkjaskrifstofu
Reykjavíkurborgar, náðist ekki
fyrir jól eins og til stóð að tengja
nýju hitalagnirnar í götunni við
snjóbræðslustöð sem sett var upp
í bílastæðahúsi í Traðarkoti. Um
sams konar kerfi er að ræða og
komið var fyrir við endurbætur
á Klapparstíg ofan Laugavegar
fyrr á nýliðnu ári. - gar
Endurbætur á Klapparstíg:
Snjóbræðslan
brátt í gagnið
HVERAGERÐI
Vilja 100 herbergja hótel
Einkahlutafélagið Stracta Construction
hefur óskað eftir viðræðum við bæjar-
stjórnina í Hveragerði um úthlutun
lóðar vegna uppbyggingar allt að 100
herbergja hótels með veitingastað og
fundarsölum. Bæjaryfirvöld hyggjast
ræða við fulltrúa félagsins um mögu-
leikana á slíkri uppbyggingu.
ALMANNAVARNIR
Hættustigi aflétt
Hættustigi almannavarna á Vest-
fjörðum og á Hofsósi var aflétt í gær.
Hús höfðu verið rýmd vegna yfir-
vofandi snjóflóðahættu. Snjókoma
undanfarna daga hefur víða haft mikil
áhrif á færð á vegum og valdið víðtæku
rafmagnsleysi.
SPURNING DAGSINS
ÚTSALA
38
ÞREP
Laugavegi 49 / sími 561 5813