Fréttablaðið - 04.01.2013, Qupperneq 50

4. janúar 2013 FÖSTUDAGUR| MENNING | 34
OBLIVION (apríl)
Leikstjóri: Joseph Kosinski
(Tron: Legacy)
Leikarar: Tom Cruise, Olga
Kurylenko.
Íslendingar hljóta að bíða spenntir
eftir þessari vísindaskáldsögumynd
sem var tekin að hluta til upp hér á
landi í sumar. Cruise leikur viðgerðar-
mann sem reynir að bjarga mannkyn-
inu eftir að stríð hefur lagt jörðina
í rúst.
STAR TREK: INTO DARKNESS
(maí)
Leikstjóri: J.J. Abrams (Lost)
Leikarar: Chris Pine, Zachary
Quinto.
Þetta er önnur myndin í þríleik um
Star Trek-gengið. Fyrsta myndin kom
út 2009 og fékk fínar viðtökur. Tekjur
í miðasölunni námu hátt í 400 millj-
ónum dollara en myndin sjálf kostaði
um 150 milljónir.
MONSTERS UNIVERSITY (júní)
Leikstjóri: Dan Scanlon
Raddir: John Goodman, Billy
Crystal.
Þessi Pixar-teiknimynd gerist tíu
árum á undan Monsters, Inc. sem
kom út 2001 og sló rækilega í gegn.
Sulley og Mike hittast í menntaskóla
og ganga í sama bræðrafélagið. Fyrst
eru þeir miklir óvinir en svo tekst
með þeim vinátta.
WORLD WAR Z (júní)
Leikstjóri: Marc Forster (Quantum
of Solace)
Leikarar: Brad Pitt, Mireille Enos.
Spennumynd sem fjallar um Gerry
Lane, starfsmann Sameinuðu þjóð-
anna, sem leitar leiða til að stöðva
kolbrjálaða uppvakninga sem eru að
leggja undir sig heiminn.
MAN OF STEEL (júní)
Leikstjóri: Zach Snyder (300)
Leikarar: Henry Cavill, Amy
Adams.
Framleiðandinn Warner ætlar
að blása nýju lífi í skikkjuklædda
ofurmennið í þessari mynd, sem
verður sú sjötta í röðinni. Sú síðasta,
Superman Returns, kom út 2006 og
stóð ekki undir væntingum.
THE LONE RANGER (júlí)
Leikstjóri: Gore Verbinski (Pirates
of the Caribbean)
Leikarar: Armie Hammer, Johnny
Depp.
Depp og Verbinski hafa áður starfað
saman við Pirates Of The Caribbean-
myndirnar vinsælu. The Lone Ranger
er byggð á samnefndum sjónvarps-
þáttum um grímuklæddan löggæslu-
mann (Hammer) og vin hans,
indíánann Tonto (Depp).
THE HANGOVER PART III
(ágúst)
Leikstjóri: Todd Phillips (Old
School)
Leikarar: Bradley Cooper, Zach
Galifianakis.
Þriðja og síðasta myndin í Hangover-
seríunni vinsælu. Í þetta sinn verður
Alan Garner (Galifianakis) í stærra
hlutverki en áður eftir að faðir hans
deyr. Núna er ferðinni heitið til Las
Vegas eins og í fyrstu myndinni.
THE HUNGER GAMES:
CATCHING FIRE (nóvember)
Leikstjóri: Francis Lawrence (I Am
Legend)
Leikarar: Jennifer Lawrence, Josh
Hutcherson.
Önnur myndin í þríleik byggðum
á skáldsögum Suzanne Collins um
Katniss Everdeen. Í þessari snýr
hún heim eftir að hafa unnið 74.
árlegu Hungurleikana. Ekki er þó allt
með kyrrum kjörum heima fyrir því
bylting er í vændum.
ANCHORMAN: THE LEGEND
CONTINUES (desember)
Leikstjóri: Adam McKay (Step
Brothers)
Leikarar: Will Ferrell, Christina
Applegate.
Margir bíða spenntir eftir þessu
framhaldi af gamanmyndinni
Anchorman: The Legend of Ron
Burgundy sem kom út 2004. Lítið
hefur heyrst af söguþræðinum en
ljóst er að fréttaþulurinn Ron Burg-
undy verður áfram aðalpersónan.
THE HOBBIT: THE DESOL-
ATION OF SMAUG (Desember)
Leikstjóri: Peter Jackson (The Lord
of the Rings)
Önnur myndin í þríleiknum um
hobbitann Bilbó Bagga og ævintýri
hans. Myndirnar gerast á undan
Hringadróttinssögu og eru byggðar
á samnefndri sögu J.R.R. Tolkien frá
árinu 1937.
Tíu heitustu kvikmyndirnar 2013
Margar áhugaverðar kvikmyndir eru væntanlegar frá Hollywood árið 2013. Eins og oft áður eru framhaldsmyndir áberandi, þar á meðal
Hangover Part III og sjötta Súperman-myndin.
OBLIVION
THE HANGOVER PART III
The Great Gatsby (maí)
Kick Ass 2 (júní)
Elysium (ágúst)
Sin City 2 (október)
Old Boy (október)
➜ Fimm aðrar athyglis-
verðar árið 2013
gullaldarinnar
á Kringlukránni
28. og 29. desember
og á þrettándagleði Kringlu-
krárinnar 4. og 5. janúar
með Gunnari Þórðarsyni
úr Hljómum, Ásgeiri Óskarssyni Stuðmanni,
Jóni Ólafssyni úr Pelican og
Óttari Felix úr Pops.

Tónlist sjötta og sjöunda
áratugarins. Rætur rokksins.
Stanslaust stuð.
Gullkistan
i