Fréttablaðið - 25.01.2013, Qupperneq 6
25. janúar 2013 FÖSTUDAGUR| FRÉTTIR | 6
DÓMSMÁL Hæstiréttur dæmdi í
gær Björn Bjarnason, fyrrver-
andi dómsmálaráðherra, sekan um
meiðyrði í garð athafnamannsins
Jóns Ásgeirs Jóhannessonar.
Meiðyrðin birtust í bók Björns,
Rosabaugi yfir Íslandi, þar sem
hann sagði að Jón Ásgeir hefði
hlotið dóm fyrir fjárdrátt og verið
sakfelldur fyrir ákæruliði þar sem
hann var sýknaður.
Björn leiðrétti rangfærslurnar á
vef sínum og í síðari útgáfum bók-
arinnar. Hæstiréttur segir leið-
réttingarnar þó ekki hafa verið
nákvæmar og þær dugi ekki til að
fría Björn sök í málinu.
Björn var í héraði dæmdur til
að greiða Jóni Ásgeiri 200 þúsund
krónur í miskabætur, en Hæsti-
réttur er ósammála því. „Verður
ekki talið að hin ómerktu ummæli,
að teknu tilliti til leiðréttingar
og opinberrar afsökunarbeiðni
[Björns] og stöðu [Jóns Ásgeirs] og
þátttöku hans í opinberri umræðu
um málefnið, hafi slík áhrif á
persónu og æru [Jóns Ásgeirs] að
fullnægt sé skilyrðum […] til að
dæma honum miskabætur úr hendi
Björns,“ segir í dómnum. - sh
Hæstiréttur ómerkir ummæli Björns Bjarnasonar um Jón Ásgeir Jóhannesson:
Jón fær engar bætur frá Birni
BJÖRN
BJARNASON
JÓN ÁSGEIR
JÓHANNESSON
FJARSKIPTI Öll þau fjögur fyrirtæki
sem hugðust taka þátt í uppboði
Póst- og fjarskiptastofnunar (PFS)
á tíðniheimildum fyrir háhraða
farnetsþjónustu, svokallað 4G, upp-
fylla skilyrði PFS til þátttöku. Þetta
kemur fram á vef stofnunarinnar.
Fyrirtækin sem um ræðir eru
365 Miðlar ehf., Fjarskipti ehf.
(Vodafone), Nova ehf. og Síminn hf.
og tíðniheimildirnar verða á 800
MHz og 1800 MHz. Uppboðið fer
fram hinn 11. febrúar næstkom-
andi. - þj
Póst- og fjarskiptastofnun:
Öll fjögur með
í uppboði á 4G
HEIMURINN
1
2
34
VEISTU SVARIÐ?
1. Hvaða Hollywood-stjarna keypti
handrit af Gesti Vali Svanssyni?
2. Hver sigraði í þriggja stiga keppn-
inni í Stjörnuleik KKÍ?
3. Hvar er lóðin sem Félag múslíma á
Íslandi fær undir mosku?
SVÖR
1. Adam Sandler, 2. Magnús Þór Gunnars-
son, 3. Sogamýri.
Á L E I Ð T I L Ú T L A N D A
OPTICAL STUDIO
FRÍHÖFN LEIFSSTÖÐ
Verslaðu á hagstæðara verði í okkar fullbúnu
gleraugnaverslun á fríhafnarsvæðinu í Leifsstöð
Sjónmælingar (tímapantanir):
Optical Studio Smáralind, s. 528 8500 og Optical Studio Keflavík, s. 4213811
ALLT AÐ 50% ÓDÝRARI
EN SAMBÆRILEG VARA Á MEGINLANDI EVRÓPU
Umgjörð: Lindberg Spirit
FRAKKLAND, AP „Ég var sýknuð,“
sagði Florence Cassez, frönsk kona
sem setið hefur sjö ár í fangelsi í
Mexíkó grunuð um aðild að mann-
ráni. „Ég þjáðist sem fórnarlamb í
meira en sjö ár.“
Hún var látin laus eftir að hæsti-
réttur Mexíkó ógilti sextíu ára fang-
elsisdóm vegna alvarlegra galla á
upphaflegu réttarhöldunum árið
2005.
Henni var fagnað sem þjóðhetju
í Frakklandi þegar hún kom þang-
að í gær. Laurent Fabius utanríkis-
ráðherra tók á móti henni og í dag
er búist við að hún hitti François
Hollande forseta.
Fórnarlömb mannránanna og
aðstandendur þeirra í Mexíkó eru
samt engan veginn sannfærð um
sakleysi hennar.
„Við borguðum lausnargjaldið, en
þau drápu hann samt,“ segir Mich-
elle Valadez, sem segir að glæpa-
gengi undir forystu þáverandi kær-
asta Cassez hafi rænt manni sínum
og haldið honum í gíslingu í þrjá
mánuði.
Cassez segist aðeins hafa búið á
búgarði í Mexíkó með Israel Vall-
arta, hinum mexíkóska kærasta
sínum, en ekkert vitað af því að
gíslar væru hafðir þar í haldi.
Réttarhöldum yfir Vallarta er
ekki lokið og óvíst hvaða áhrif
niður staða hæstaréttar í máli
Cassez hefur á þau réttarhöld.
Hæstiréttur taldi ljóst að við upp-
haflegu réttarhöldin hefði með
margvíslegum hætti verið brotið
á mannréttindum Cassez, auk þess
sem formgallar væru á réttarhöld-
unum sjálfum.
Meðal annars hefði lögregla farið
með hana aftur á staðinn stuttu
eftir að hún var handtekin í því
skyni að sviðsetja handtökuna fyrir
fjölmiðla.
„Ef hún hefði verið afhent dóms-
yfirvöldum og fengið samstundis
aðstoð frá ræðismanni þá hefði
ekki verið hægt að gera þessa svið-
setningu, og þá hefði málið litið allt
öðruvísi út,“ segir Arturo Zaldivar,
dómari í hæstarétti.
„Við munum aldrei komast að raun
um hvort Florence er sek eða sak-
laus,“ segir Luiz Gonzalez Placencia,
formaður mannréttindanefndar
Mexíkóborgar. „En við vitum fyrir
víst að ákveðnir einstaklingar hafa
brotið gegn reglum um rétta máls-
meðferð.“ gudsteinn@frettabladid.is
Látin laus í Mexíkó
eftir sjö ár í fangelsi
Florence Cassez var dæmd í sextíu ára fangelsi í Mexíkó fyrir aðild að mann-
ránum. Hún er nú komin til Frakklands eftir að hæstiréttur Mexíkó ógilti dóminn
vegna formgalla. Fórnarlömbin þó engan veginn sannfærð um sakleysi hennar.
FAGNAÐ SEM ÞJÓÐHETJU Í FRAKKLANDI Florence Cassez ræddi við fjölmiðla í
gær ásamt lögfræðingi sínum og Laurent Fabius, utanríkisráðherra Frakklands, sem
er annar frá hægri á myndinni. NORDICPHOTOS/AFP
FLORENCE CASSEZ Sat í sjö ár í fang-
elsi í Mexíkó. NORDICPHOTOS/AFP
Aðalmeðferð hafin
1INDLAND Aðalmeðferð er hafin í hópnauðgunarmálinu í Nýju-Delhi á Ind-landi. Fimm menn eru ákærðir fyrir að hafa nauðgað ungri konu í strætis-
vagni og misþyrmt bæði henni og félaga hennar með þeim afleiðingum að
hún lést á sjúkrahúsi. Réttarhöldunum verður hraðað sérstaklega í samræmi
við nýja heimild um að hraða kynferðisbrotamálum í réttarkerfinu.
Forða sér frá Bengasí
2LÍBÍA Bresk, þýsk og hollensk stjórnvöld hvetja landa sína til að forða sér hið fyrsta frá borginni Bengasí í Líbíu. Þau segjast hafa upplýsingar um að
nú steðji ógn að Vesturlandafólki í borginni. Fyrr í vikunni yfirheyrði bandarísk
þingnefnd Hillary Clinton, utanríkisráðherra Bandaríkjanna, um viðbrögð
Bandaríkjanna við árás á sendiherra Bandaríkjanna í Bengasí á síðasta ári.
Cameron treystir Bretum
3SVISS David Cameron, forsætisráðherra Breta, segist treysta því að Bretar kjósi að vera áfram
í Evrópusambandinu þegar efnt verður til þjóðar-
atkvæðagreiðslu, eins og hann boðaði í ræðu sinni á
miðvikudag. Á ráðstefnu um efnahagsmál í Davos í
Sviss sagðist Cameron sannfærður um að sér tækist
að fá aðildarríki Evrópusambandsins til að samþykkja
breytingar sem Bretar geta sætt sig við.
Rannsaka geðheilbrigði og byssuofbeldi
4 BANDARÍKIN Sérstök nefnd, sem á að rannsaka skotárás Adams Lanza í barnaskólanum í Newtown í Connecticut 20. desember, hóf störf í gær.
Dannel P. Malloy, ríkisstjóri í Connecticut, fer fyrir nefndinni sem er hvött til
að rannsaka sérstaklega tengsl milli geðheilbrigðis og byssuofbeldis. For-
maður sams konar nefndar og rannsakaði skotárásina í Columbine árið 1999
benti á að ávallt virðast vera tengsl milli geðheilbrigðis og ofbeldis með
skotvopn í árásum sem þessum. Aðalsaksóknarinn í máli Adams Lanza vill
ekki láta af hendi upplýsingar um geðheilsu Lanza, þar sem það gæti skemmt
fyrir rannsókn lögreglu sem talið er að ljúki ekki fyrr en í júní.