Fjarðarpósturinn - 18.12.2008, Blaðsíða 24
Nýlega var vígt glæsilegt 470
m² barnaheimli í Kiberley í S-
Afríku. Heimili þetta er fyrir
munaðarlaus börn og börn
eyðnismitaðra foreldra en eyðni
er enn mjög útbreidd í S-Afríku
þar sem stéttarskipting er.
Ákvörðun um byggingu dag -
heimilisins var tekin á fundi í
Rótarýklúbbi Hafnarfjarðar fyrir
rúmum tveimur árum síðar.
Verkefninu óx fiskur um hrygg,
húsið stækkaði til að mæta þörf -
inni og meiri búnaði var bætt við
en í upphafi var ætlað. Samtals
kostaði bygging barnaheimilis -
ins um 12 milljónir kr. sem náð -
ist að greiða áður en gengi
íslensku krónunnar féll.
Rótarýklúbbur Hafnarfjarðar
fékk til liðs við sig Rótarýklúbb í
Kimberley og Rótarýklúbb
Reykja vík-Austurbær en saman
sóttu klúbbarnir til alþjóðalega
Rótarýsjóðsins sem jafnaði
framlag klúbbanna. Þetta dugði
þó ekki til og lagði þá einn félagi
í Rótarýklúbbi Hafnarfjarðar,
Guðmundur Jónsson og hans frú
Gígja Jónatanssdóttir, til það sem
á vantaði.
Það voru stoltir fulltrúar
klúbb anna sem voru við vígslu
hússins 20. október sl. en þar
voru mættir borgarstjórinn í
Kimberley, borgarfulltrúar, full -
trúar fylkisstjórnarinnar, rótarý -
félagar og fulltrúar Rauða-kross
S-Afríku sem vinnur mikið
hjálpar starf á þessum slóðum.
En það voru aðrir sem voru
brosmildari, það voru öll börnin
sem njóta munu þjónustu í hús -
inu og fjölmargir foreldrar.
Í húsinu munu um 200 börn
njóta dagheimilisþjónustu auk
um 350 skólabarna sem munu
geta nýtt húsið að skóla loknum
til læra og fá mat en mörg þeirra
koma í skólann svöng.
Rekstrarfélag heimilisins leigir
húsið á 1 rand á ári, um 10 krón -
ur, en húsið má ekki nota til
neins annars en fyrir munaðar -
laus börn og börn alnæmis sjúkl -
inga úr þessu hverfi. Sjálfs -
eignar stofnun á lóðina og húsið
og neyðarsjóður hefur verið
stofnaður til að tryggja að rekstur
hússins raskist ekki. Verkefnið
hefur alls ekki verið einfalt en
sjálfboðaliðar úr klúbbunum
hafa lagt fram gríðarlegt starf og
ekki er hjá komist að nefna til
viðbótar þau Gunnhildi Sig -
urðar dóttur sem var frum kvöðull
að þessu verkefni eftir störf með
Rauða-krossinum á svæðinu og
Björns Dagbjartssonar. Eru
rótarý félagar mjög stoltir af
þessu verkefni þó margir hafi
verið efins að hægt væri að
kljúfa svona stórt verkefni –
svona langt í burtu.
Lét heimafólkið í ljós mikið
þakklæti fyrir þennan hlýhug fá
Íslandi.
24 www.fjardarposturinn.is Fimmtudagur 18. desember 2008 1983-2008
Stoðtækni ehf
Jón Gestur Ármannsson
sjúkraskósmiður
Lækjargötu 34a - 220 Hafnarfjörður
533 1314 - 533 1516 - jon@stodtaekni.is
Sérsmíðaðir skór
Göngugreiningar
Innleggjasmíði
Skóbreytingar
Almennar
skóviðgerðir
Rótarýfélagar kosta barnaheimili
Reistu dagheimili fyrir 200 fátæk börn í Galeshewe í Kimberley, S-Afríku
Ömurleg aðstaðan í gamla leikskólanum.
Nýi leikskólinn í Galeshewe í Kiberley tilbúinn til notkunar.
Gunnhildur Sigurðardóttir og
for seti Rkl. í Kiberley klippa á
borða og vígja leikskólann.