Fréttatíminn - 01.07.2011, Blaðsíða 54
Þetta er
klárlega
upprisa
ljóshærðra
kvenna í
Kópavogi.
Sjónvarpskonan Þóra Arn-
órsdóttir er sigurvegari í
spurningakeppni Fréttatímans
2010 til 2011. Þóra, sem er
aðstoðarritstjóri Kastljóss, bar
sigurorð af Katrínu Júlíus-
dóttur iðnaðarráðherra í úrslit-
um, 12–11, eftir hörkuspenn-
andi tvöfaldan bráðabana. Á
leið sinni í úrslitin lagði Þóra
fréttamanninn Andra Ólafs-
son, Hönnu Eiríksdóttur,
verkefnastýru UN Women, Ei-
rík Jónsson, sem viðurkenndi
svindl á bloggi sínu, hönnuðinn
Halldór Högurð og sagnfræð-
inginn Sigurlaug Ingólfsson.
Í verðlaun fær Þóra 30 þúsund
króna gjafabréf frá Sjávarkjall-
aranum.
Þóra segir í samtali við
Fréttatímann að hún hafi gam-
an af spurningakeppnum en
hafi ekki unnið síðan bekkur-
inn hennar vann í spurninga-
keppni Þingholtsskóla þrjú ár
í röð og bikarinn til eignar.
„Ég hélt að það væri toppurinn
á ferlinum og að ég væri út-
brunnin en svo kemur þetta.
Ég er greinilega á uppleið
aftur,“ segir Þóra og hlær.
Hún tileinkar sigurinn tveim-
ur hópum: „Þetta er klárlega
upprisa ljóshærðra kvenna í
Kópavogi og síðan vil ég til-
einka sigurinn stórkostlegum
félagsskap stelpna sem hafa
keppt í Gettu betur. Við erum
ekki margar en það er þeim
mun skemmtilegra hjá okkur.
Við hittumst, spilum spurn-
ingaspil, drekkum freyðivín og
borðum jarðarber,“ segir Þóra.
oskar@frettatiminn.is
Úrslit spurningakeppni Fréttatímans
Þóra bar sigurorð af Katrínu
Slappir í ráðningum
Slakt gengi A-landsliðs karla í
fótbolta hefur valdið töluverðri
reiði meðal knattspyrnu-
áhugamanna. Spjótin beinast,
sem eðlilegt er, helst að Ólafi
Jóhannessyni, þjálfara liðsins,
og vilja margir að
hann víki. Athyglis-
vert er að forysta
KSÍ, með Geir
Þorsteinsson for-
mann í fararbroddi, sleppur
alveg við gagnrýni jafnvel þótt
hún sé ábyrg fyrir því að ráða
landsliðsþjálfara. Og ef litið
er til árangurs stjórnarinnar í
ráðningum landsliðsþjálfara
undanfarin ár er hann jafn-
vel verri en hjá landsliðinu
sjálfu. Allt frá því að Guðjón
Þórðarson var ráðinn þjálfari
sumarið 1997 hefur stjórnin
slegið vindhögg. Fyrst kom
Atli Eðvaldsson, síðan Ásgeir
Sigurvinsson og Logi Ólafs-
son, þá Eyjólfur Sverrisson
og loks Ólafur Jóhannesson.
Varla fræknustu fjórmenningar
þjálfarasögu íslenska lands-
liðsins. En stjórnin virðist yfir
það hafin að axla ábyrgð. Sem er
skrýtið þar sem hún ber í raun
höfuðábyrgðina.
bókmenntir Yrsa sigurðardóttir
Yfir 20 þúsund eintök
seld af „Ég man þig“
J á, þetta er bara alveg ótrúlegt hjá stúlkunni. Það er ekkert lát á söl-unni á bókinni,“ segir Pétur Már
Ólafsson hjá Veröld um ótrúlega sölu á
Ég man þig eftir Yrsu Sigurðardóttur.
Pétur Már segir að nú hafi selst yfir tutt-
ugu þúsund eintök af bókinni, bæði inn-
bundinni og í kilju. Að sögn Péturs Más
hefur bókin verið í efstu sætum sölulist-
anna frá því að hún kom út í lok október.
Eftir því sem Fréttatíminn kemst næst
hafa selst um sextán þúsund eintök af
innbundnu bókinni og fimm þúsund í
kilju.
Óvenjulegt er að vinsælar jólabækur
seljist jafn vel í kilju og raun ber vitni
með bók Yrsu en Pétur Már segist helst
hafa þá skýringu að um sé að ræða fólk
sem hafi einfaldlega ekki treyst sér til að
lesa bókina í vetrarmyrkrinu. „Þetta er
draugasaga og margir vilja frekar lesa
hana í björtu,“ segir Pétur Már og hlær.
Bók Yrsu hefur hlotið frábærar við-
tökur og tvenn verðlaun, Tindabikkjuna,
verðlaun Glæpafélags Vestfjarða, og Blóð-
dropann, verðlaun Hins íslenska glæpa-
félags. Með þessum sölutölum hefur Yrsa
skipað sér á bekk með Arnaldi Indriða-
syni sem langsöluhæsti íslenski rithöf-
undurinn. Pétur Már bendir jafnframt
á að athyglisvert sé að skoða feril Yrsu
og bera hann saman við feril Arnaldar
Indriðasonar. „Það seldist ekki mikið af
fyrstu bókum Arnaldar og það var í raun
ekki fyrr en Kleifarvatn kom út árið 2004
sem hann fór að selja bækur af þeirri
stærðargráðu sem við þekkjum í dag –
yfir 20 þúsund eintök. Yrsa er núna að
gefa út sína sjöttu bók og slær algjörlega
í gegn,“ segir Pétur Már.
Yrsa vinnur nú að fimmtu bókinni um
lögfræðinginn Þóru sem fékk hvíld í síð-
ustu bók. Hún mun kom út fyrir þessi jól
og verður sjöunda glæpasaga hennar.
oskar@frettatiminn.is
Íslenskir bókaunnnendur geta ekki hætt að kaupa hryllingssögu Yrsu
Sigurðardóttur sem er komin í flokk með Arnaldi Indriðasyni yfir þá rithöf-
unda sem hafa selt einstaka bók í yfir tuttugu þúsund eintökum.
Glæpasögur sem selst hafa
í yfir 20 þúsund eintökum
2010 Ég man þig Yrsa Sigurðardóttir
2010 Furðustrandir Arnaldur Indriðason
2009 Svörtuloft Arnaldur Indriðason
2008 Myrká Arnaldur Indriðason
2007 Harðskafi Arnaldur Indriðason
2006 Konungsbók Arnaldur Indriðason
2005 Vetrarborgin Arnaldur Indriðason
2004 Kleifarvatn Arnaldur Indriðason
Ég man þig.
Yrsa Sigurðardóttir hefur slegið
í gegn svo um munar með hryll-
ingssögu sinni, Ég man þig.
Yrsa er núna
að gefa út sína
sjöttu bók og
slær algjörlega
í gegn.
Þóra Arnórs-
dóttir með
viðurkenn-
ingarskjalið
frá Frétta-
tímanum.
Ljósmynd/Hari
Spenna fyrir
lokabók þríleiks
Mikil eftirvænting ríkir fyrir útkomu loka-
bókarinnar í þríleik Jóns Kalmans
Stefánssonar sem kemur út í haust hjá
Bjarti. Þríleikurinn hófst með Himnaríki
og helvíti árið 2007, sem hlaut lof
gagnrýnenda. Tveimur árum síðar kom
Harmur englanna og nú lítur dagsins ljós
Hjarta mannsins, þriðja og síðasta bókin
í þríleiknum. Að sögn þeirra sem séð hafa
handritið munu aðdáendur Jóns ekki verða
fyrir vonbrigðum með bókina sem hnýtir
saman alla þá þræði sem ofnir voru í fyrstu
tveimur bókunum með glæsibrag.
Stjörnublaðamaður
á vergangi
Það hefur farið ótrúlega hljótt en þau undur
og stórmerki gerðust fyrir nokkru að hinum
margverðlaunaða stjörnublaðamanni Jóhanni
Haukssyni var sagt upp störfum á DV. Ljóst er
að skarð Jóhanns er vandfyllt en eftir því sem
næst verður komist kastaðist í kekki með honum
og ritstjórafeðgunum Reyni Traustasyni og
Jóni Trausta Reynissyni. Þegar slíkt gerist þarf
ekki að spyrja að leikslokum og skiptir þá engu
hvort menn eru stjörnublaðamenn eður ei. Ekki
er vitað hvar Jóhann ber niður næst.
Gott verð
á pallaefni!
Fáðu tilboð í efni
fyrir pallinn í BYKO!
Gerðu allt klárt fyrirpallinn!
50 dægurmál Helgin 1.-3. júlí 2011