Prentarinn - 01.04.1994, Blaðsíða 13

Hluti starfsfólks Morgunblaðsins með viðurkenninguna frá IFRA.
Islenskir bókagerðarmenn gera
garðinn frægan í útlöndum
Finnska bókagerðarfélagið 100 ára
Þann 20. ágúst sl. hélt Finnska bókagerðarfé-
lagið 100 ára afmælisfagnað í Helsinki. I tilefni
af því heiðraði Sæmundur Arnason formaður
FBM finnska félaga með nærveru sinni og færði
félaginu að gjöf grafíkmynd eftir Ragnheiði
Jónsdóttir.
Fyrir skömmu hlaut Morgun-
blaðið gæðaverðlaun alþjóða-
samtaka blaðaútgefenda,
IFRA. Verðlaunin voru veitt
fyrir góða prentun, en tilgang-
ur þessara verðlauna er að ýta
undir hágæðalitaprentun í
dagblððum.
I
J
„Við höfum lengi verið með gæðavinnu í gangi
hjá okkur. Ekki með það í huga að vinna verð-
laun, heldur til að bæta vinnubrögðin hjá okk-
ur," sagði Ólafur Brynjólfsson verkstjóri hjá
Morgunblaðinu er Prentarinn spurði hann um
verðlaunin. „Þessi vinna hófst fyrir mörgum
árum, en við höfum myndað svokallaða gæða-
hópa sem taka fyrir ákveðin afmörkuð verkefni
og leysa þau. Vinnan tók verulegan kipp þegar
öll starfsemi Morgunblaðsins fór undir eitt þak
árið 1993. Þá jókst samgangur á milli deilda,
menn komust í meiri nálægð hver við annan og
öll samskipti urðu auðveldari.
í byrjun voru þau vandamál sem við tókum
á fyrst og fremst tæknilegs eðlis, þ.e.a.s. prent-
un, litgreiningar, filmuvinna og ýmsir hlutir
sem auðvelt er að mæla. Við vorum komnir
langt með þá vinnu þegar við fengum tilboð
um að vera með í þessari samkeppni. Þá vakn-
aði hjá okkur spurning: Hve góðir erum við í
samanburði við þá bestu erlendis?
Til þess að komast að því ákváðum við að
vera með. Það eina sem við þurftum að gera
var að senda þeim tíu eintök af þremur tölu-
blöðum af Morgunblaðinu prentuðum í sama
mánuði. Auk þess urðum við að litgreina
prufuform sem okkur var sendur og prenta
hann sem hluta af blaðinu. Þessi blöð vou síðan
skoðuð og borin saman við sjötíu önnur dag-
blöð frá tuttugu löndum. Niðurstaðan varð svo
sú að Morgunblaðið var valið í hóp 16 bestu
blaðanna sem saman mynda það sem kallað er
IFRA Colour Quality Club
Annars er þetta bara hluti af því gæðastarfi
sem við erum með í gangi hér á Morgun-
blaðinu. Við erum t.d. núna með ýmis umbóta-
verkefni í myndvinnslunni og auglýsingagerð-
inni," sagði Ólafur að lokum.
Við undirritun samningsins. Fremriröðf. v.:
Guðmundur Ingvarsson og Guðmundur Gíslason,
Lsj. Féiags garðyrkjumanna, Guðmundur Hilmars-
son og Örn Kjærnested, Sameinaða lífeyrissjóðnum.
Aftari röðf. v.: Þórarinn Gunnarsson. ÓLafur Björns-
son, Óiafur H. Steingrímsson og Guðmundur
Kristjánsson, allir frá Lsj. bókagerðarmanna
Sameining lífeyrissjóða
A félagsfundi FBM19. október sl. var sam-
þykkt, með fyrirvara um samþykki aðalfundar
FBM1995, að vinna að sameiningu Lífeyris-
sjóðs bókagerðarmanna og Sameinaða lífeyris-
sjóðsins á grundvelli samnings sem stjóm Líf-
eyrissjóðs þókagerðarmanna hefur undirritað.
Sameinaði lífeyrissjóðurinn hóf starfsemi
sína 1. júní 1992, en fyrirrennarar hans eru Líf-
eyrissjóður byggingamanna og Lífeyrissjóður
málm- og skipasmiða sem þá sameinuðust. Líf-
eyrissjóður Félags garðyrkjumanna hefur
einnig ákveðið að sameinast Sameinaða lífeyr-
issjóðnum.
Með sameiningunni er stefnt að því að skapa
stærri og öruggari sjóð, auka áhættudreifingu
og skapa möguleika til lægri rekstrarkostnaðar
og betri ávöxtunar á sjóðunum, þegar til lengri
tíma er litið. Þá er stefnt að því að auka og bæta
þjónustu við sjóðfélagana.
PRENTARINN 4/94 13