Prentarinn - 01.12.2001, Síða 14

■ í -v mmÉsmmmm

íslenska auglýsingastofan er hópur af fólki.
í þessum hóp eru hönnuðir, teiknarar, viðskiptafræðingar, markaðsséní,
bókasafnsfræðingur, píanóleikari, lögfræðingur, guðfræðingur, búfræðingur,
bókmenntafræðingur, leikari, íþróttaþjálfari, björgunarsveitamaður,
hestavinur, saumakona, sérfræðingur Islands í David Bowie, sérfræðingur í
golfi, gamall tónlistarstjóri og ennþá eldri útvarpsfréttamaður, barnfóstri,
matreiðslumaður, nokkrir dagfarsprúðir sérvitringar, nokkrir áhugamenn
um knattspyrnu, myndarlegir strákar og myndarlegar konur og síðan alls
konar fólk sem er líka gaman að vinna með.
Fólkið á íslensku auglýsingastofunni hefur búið sér til starfsmannafélag.
Það heitir ísfólkið. Megintilgangur félagsins er að sýna fólki fram á með
raunverulegum dæmum að það sé skemmtilegt að vera í félaginu.
WWW.IS
Wilfried Emil Bullerjahn
Starfsmannafélagið Isfólkið heldur uppi
minningu óþekkta auglýsingamannsins
með því að gefa hverjum og einum
færi á að verða ódauðlegur í
félagsstarfi á meðan verk hans týna lífi
á átakasvæðum markaðslögmálanna.
Starfsmannafélagið Isfólkið styður
viðleitni starfsmanna til félagslegs
þroska með því að halda afmælispartí,
jólafagnað, árshátíðir, garðveislur og
skipuleggja aðrar ófýrirséðar
uppákomur.
Starfsmannafélagið Isfólkið sinnir
landfræðilegum áhuga starfsfólks með
því að skipuleggja haustlitaferðir á
söguslóðir.
Starfsmannafélagið ísfólkið leggur rækt
við sköpunarþrá starfsfólks með því að
efna til sýninga á myndrænum afurðum
þess í Gallerí Önd.
Starfsmannafélagið ísfólkið hefur að
kjörorði að það sé ekki skemmtilegt
að vera til nema það sé skemmtilegt á
Laufásvegi 49-51 og að það sé ekki skemmtilegt á
Laufásvegi 49-51 nema það sé skemmtilegt að vera til.
Félagsmenn reyna að lifa og starfa í þessum anda.
Árangurinn er misjafn
en þrestirnir syngja í
garðinum á vorin og
þakka fyrir brauðið
sem við gáfum þeim í
vetur.
í S F Ó L K I Ð