Prentarinn - 01.12.2001, Qupperneq 18
Litum i eigin barm
Verkefni úr
Margmiðlunarskólanum.
Umræðan undanfarin ár hefur
mikið snúist um margmiðlun,
möguleika hennar og framtíð. í
því samhengi Itafa ntenn velt fyrir
sér hvort prentverk rnuni minnka
verulega eða leggjast jafnvel af
santhliða grósku margmiðlunar.
Menn hafa þó áttað sig á því að
svo verði að öllum líkindum ekki,
en margir eru einmitt þeirrar
skoðunar að fagfólk í prentiðnaði
geti og eigi að nýta sér þessi nýju
mið. Þessu sjónarmiði er ég sam-
mála í megindráttum enda nýtist
sú þekking, sem prentiðnaðurinn
býr yfir, vel á þeim fjölmörgu
miðlum sem margmiðlunin býður
upp á.
Margmiðlun er ungt fag og
mjög mörgum hulin gáta. Þrátt
fyrir það hafa margir „tölvu-
grúskarar“ verið duglegir að
koma sér áfram með því að læra á
viðeigandi forrit og komast
þannig sjálfmenntaðir inn í at-
vinnulífið. Þessir menn eru í
mörgum tilfellum mjög klárir ein-
staklingar en margir hverjir eru
ekki fagmenn. Eg leyfi mér að
segja það þar sem þarna er fólk
sem ekki hefur lært fagleg vinnu-
brögð hvað útlit, uppbyggingu og
skipulag varðar. Til að benda á
dæmi sem flestir prentsmiðir
kannast eflaust við, þá er ekki
nóg að kunna á Quark til að vinna
gott tímarit, kunna á FreeHand og
„Vá! flott auglýsing". Nei, við
þekkjum gjaman verkefni frá
grúskurum úr og getum bent á
hvað betur hefði mátt fara. Þetta
er nokkuð sem ég er hræddur um
að við kunnunt ekki þegar marg-
miðlunin er annars vegar, en þar
sem við þekkjum grunninn ættum
við auðveldlega að geta tamið
okkur notkun nýrra verkfæra fyrir
nýja miðla.
Eins og allir vita rekur Prent-
tæknistofnun í samvinnu við Raf-
iðnaðarskólann glæsilegan skóia,
Margmiðlunarskólann. Sú stað-
reynd að forkóifar prentiðnaðar-
ins á Islandi eru orðnir svo með-
vitaðir um möguleika margmiðl-
unar að þeir stofna skóla sem
helgar sig þessum fræðum er
vissulega stórkostlegur hlutur og
ætti að vekja áhuga hjá fagfólki í
prentiðnaði. Með þetta að leiðar-
ljósi ákvað ég að líta aðeins í
kring um mig og skoða hvað
prentiðnaðurinn hefur fram að
færa og sótti ég í þann miðil sem
er hvað aðgengilegastur, Netið.
Eftir þá skoðunarferð sá ég margt
gott en því miður allt of margt
sem mér finnst að betur mætti
gera.
Hver er slóðin?
Eg skoðaði nokkuð marga vefi
en helst þá sem ég átti kost á að
finna á leitarvélum og þá sem ég
gat giskað á nafnið á. Einmitt
þama komum við að því fyrsta
sem mér finnst að betur mætti
fara. Mjög fáar síður virðast
geyma upplýsingar fyrir leitarvél-
ar og gerir það fólki erfitt um vik
að nálgast vef fyrirtækjanna.
Mjög lítið mál er að setja slíkar
upplýsingar inn á vefinn og ég tel
mjög sniðugt að skrá síður inn á
vefi eins og leit.is eða finna.is þar
sem slíkir vefir em oft stökkpall-
ur fólks út á Netið.
Skipulag
Þegar fyrirtæki setur upp vef
þarf að ákveða strax hvert hlut-
verk hans á að vera. Þetta atriði er
mjög mikilvægt svo hann skili
því sem ætlast er til. Okkur
myndi til dæmis ekki detta í hug
að gefa út bækling með „bara
svona einhverjum upplýsingum,
af því að hinar smiðjurnar voru
að gefa út bækling". Þetta virðist
samt vera hugsunargangur mjög
margra þegar kemur að vefsmíði.
Við þurfum að skipuleggja vef-
inn, gera ráð fyrir því hverjir
skoða hann, hvað við viljum segja
þeirn og með hvaða hætti. Þetta er
algjört grunnskref. Það fyrsta sem
ætti að byrja á er að teikna upp
nokkurskonar skema þar sem
teikna mætti inn þær leiðir sem
notandinn getur farið, þær upp-
lýsingar sem hann á að sjá á leið
sinni og þannig skipuleggja livað
er mikilvægast og hvað mætti
vera dýpra niður á.
Útlit
Utlitshönnun vefjar á að mínu
mati ekki að hefjast af fullri al-
vöru fyrr en skipulag vefjarins er
alveg írágengið, þetta gerir vinnu
við hönnun hnappa, grunna og
annarra grunnforma mun auð-
veldari og mun spara tíma og
þannig peninga. Mér finnst of
áberandi að ,jón í undirbúningn-
um“ sé fenginn til að redda
heimasíðu fyrir fyrirtækið og sest
hann þá gjarnan fyrir framan
Photoshop eða álíka verkfæri og
byrjar að fikta. Eins og menn vita
næst ekki nærri nógu markviss
vinna með slíkum vinnubrögðum
og verður seint brýnt nógu oft
fýrir mönnum að skipuleggja
verkið fyrst, hanna það næst og
svo geta menn sest við samsetn-
ingarvinnuna.
Niðurlag
Kannski hef ég hljómað svolít-
ið neikvæður um það sem við í
prentiðnaðinum erum að gera en
það má ekki líta svo á að við
séum ekki að gera neitt gott.
Þvert á móti eru margir góðir vef-
ir á Netinu en það kom mér mjög
á óvart að við skyldum hunsa þau
fræði sem við sjálf höfum predik-
að í mörg ár, þ.e. að skipuleggja
verkefnin vel og sýna þannig fag-
leg vinnubrögð.
Pétur Marel Gestsson,
prentsmiður og nemandi á 2.
ári við Margmiðlunarskólann.
18 ■prentarinn