Prentarinn - 01.12.2002, Blaðsíða 4
Inngangur
Könnun þessi fór fram i september 2002.
Könnunin var gerð símleiðis með viðtölum
sem byggðust einkum á opnum spurningum.
Þess var ávallt gætt í byrjun samtals að skýra
viðmælendum frá því að könnunin væri
gerð til að félagið gæti bætt starfsemi sína
og þjónað betur þörfum félagsmanna. Rætt
var við 100 manns sem valdir voru af handa-
hófi úr félagaskrá FBM.
Könnunin beindist að ímynd félagsins í
liugum félagsmanna og hinum ýmsu þáttum starfseminnar sem snúa að
þeim.
í skýrslu þeirri sem fylgir hér á eftir eru dregnar saman helstu niður-
stöður hvað varðar hverja spurningu fyrir sig. Gerð er grein fyrir svör-
um með skífu- og súluritum, en einnig fylgir hverri spurningu nokkur
fjöldi ummæla, sem lýsa nánar viðhorfum þeirra sem svöruðu.
Samantekt
Nokkuð hátt hlutfall þeirra sem spurðir eru um sterkar og veikar hlið-
ar FBM hefur ekki svör við þessum spurningum. Þetta bendir til þess
að ímynd félagsins sé óljós og að félagið standi mörgum félagsmönn-
um ekki nálægt. Styrkur félagsins var einkum séður í þeirri þjónustu
sem félagið veitir, svo og stuðningi félagsins og margvíslegum réttind-
um sem félagsmenn eru aðnjótandi. Er þetta stærra hlutfall heldur en í
fyrri könnunum hvað þennan þátt varðar en hins vegar minnkandi hlut-
fall aðspurðra sem nefnir til samstöðu og félagsanda sem sterkar hlið-
ar félagsins. Helstu veikleikar félagsins voru taldir slök kjarabarátta
svo og tengslaleysi félagsins við félagsmenn og skortur á sýnileika.
Almenn ánægja er með þjónustu af hendi skrifstofu félagsins. Það
sem viðmælendur lýstu ánægju með var hversu aðgengileg og persónu-
leg þjónustan væri. Þeim fannst yfirleitt vel tekið á móti sér af starfs-
mönnum og þeir væru liprir og reiðubúnir til að veita greinargóð og
skjót svör og leysa úr málum félagsmanna. Það sem viðmælendum
fannst að betur mætti fara var einkum tengsl og áhugi og hvernig lands-
byggðin væri afsett um ýmsa þjónustu.
Innan við fimmtungur aðspurðra kvaðst leita til trúnaðarmanns og er
þetta minnkandi hlutfall frá fyrri könnunum. Rúmlega þrír fjórðu af
þeim sem leituðu til trúnaðarmanns voru ánægðir með reynslu sína af
því. Rúmlega tveir þriðju af viðmælendum töldu sig hafa reynslu af eða
skoðun á félagsstarfinu. Tæpir þrír fjórðu þeirra voru ánægðir eða
mjög ánægðir með félagsstarfið en rúmlega fjórðungi fannst það að-
eins sæmilegt eða ábótavant. Töldu þeir dauft yfir því og það höfðaði
ekki til þeirra, einnig kom fram á landsbyggðinni að félagsstarfið væri
allt miðað við höfúðborgarsvæðið. Tveir þriðju viðmælenda voru
ánægðir með félagsheimili FBM á Hverfisgötu og bar töluvert á hlýj-
um tilfinningum í garð hússins og sögu þess. Nær þriðjungur hafði hins
vegar enga skoðun á þessu máli eða athugasemdir um óhagkvæmni og
kostnað í þessu sambandi. Yfirleitt ríkir ánægja með Prentarann, blað
félagsins, en nokkuð er um athugasemdir um að hann höfði ekki til
allra, t.d. frá grafískum hönnuðum. Greinilegt er að fréttabréfið og þær
tilkynningar sem sendar eru út til félagsmanna eru almennt lesin af
þeim. Um helmingur aðspurðra hafði heimsótt heimasíðu FBM og svo
virðist sem nokkuð almenn ánægja ríki hjá þeim sem það hafa gert.
Rúmur þriðjungur viðmælenda hefur gert ráðningarsamning við vinnu-
veitanda sinn.
Skýr skilaboð koma í þessari könnun til forystumanna FBM um
mikilvægi þess að skipulagðar séu heimsóknir þeirra á vinnustaði fé-
lagsmanna. Þrír tjórðu aðspurðra töldu mikilvægt að FBM starfaði
áfram sem sjálfstætt félag. Fjórðungur taldi svo ekki vera eða hafði efa-
semdir. Aðeins fjórðungur viðmælenda taldi sig vita hvað fælist í því
að FBM gerðist aðili að Alþýðusambandi Islands.
1. Hver finnst þér vera helsti styrkur
Félags bókageröarmanna?
Svörun var 69% og skiptust svörin þannig: Þjónusta/ stuðningur /
réttindin 57%
Gott/öflugt félag 19%
Samstaða/ félagsandinn 10%
Saga/ hefðin 7%
Lítill / enginn 7%
2. Hverjar finnst þér vera veikar hliðar
félagsins?
Svörun var 57% og skiptust svörin þannig:
Kjarabaráttan Tengslaleysi / 39%
skortur á sýnileika 21%
Fámennt / veikt 14%
Áhugaleysi / kraftleysi 12%
Staða fagmanna 9%
Engin 5%
Hér á eftir fara nokkur ummæli sem
fram komu í vibhorfskönnuninni:
Hver fUinst þér vera helsti styrkur Félags
bókagerðarmanna?
© Var áður í Félagi grafískra hönnuða. Það
eru meiri afslættir og styrkir t.d. í sjúkra-
þjálfún hjá FBM og það er sterkur þáttur.
© Hvað þeir halda rosalega vel utan um fé-
lagsmenn sína. Þeir eru annað af tveimur
félögum á landinu sem styrkja tæknifrjóvg-
anir og taka þátt í gleraugnakostnaði.
© Langur stéttarferill og reynsla okkar þess
vegna. Félagið styður vel við bakið á
félagsmönnum.
© Styðja vel við bakið á okkur varðandi
endurmenntun.
4 ■ PRENTARINN