Aðventfréttir - 01.05.1992, Qupperneq 3

SUMARMÓT AÐ
HLÍÐARDALSSKÓLA 1992
Spjallað á sumarmótí.
Árlegt sumarmót safnaðarins var
haldið að Hlíðardalsskóla dagana 31.
júlí-2. ágúst s.l. Mótið var með líku
sniði og undanfarin ár, þó lauk mótinu
á sunnudagskvöldinu í stað mánudags
hádegis eins og verið hefur.
Ræðumaður mótsins var Björgvin
Snorrason og hafði hann valið orðin:
„Drottinn kemur“ sem kjörorð
mótsins. Björgvin fjallaði um
uppfyllingu spádóma Biblíunnar á
mótinu sérstaklega með tilliti til stöðu
mála í Evrópu í dag.
Allt efni mótsins var hljóðritað og
fæst á skrifstofu Samtakanna á
hljómsnældum fyrir kr. 1,800.
Mótið hófst á föstudagssíðdegi þ.
31. júlí á að mótsgestum var úthlutað
herbergi af húsmóður mótsins, Lailu
Guðmundsson. Sjaldan hefur aðsókn
verið meiri en með útsjónarsemi tókst
að útvega gistiaðstöðu fyrír alla. Síðan
var boðið til kvöldverðar kl. 19:00.
Setningarsamkoma mótsins hófst
kl. 20:30 og var efni Björgvins þá:
„Sigur frelsis Guðs“.
Á hvíldardagsmorgninum var
hvíldardagsskólinní umsjá Þrastar B.
Steinpórssonar.formannshvíldar-
dagsskóladeildar Samtakanna. Hann
og Bjami Sigurðsson í sameiningu sáu
Björgvin Snorrason,
aðalrceðumaður mótsins.
um yfirferð lexíunnar sem peim fórst
mjög vel úr hendi. Efni Björgvins á
guðsþjónustunni var: „öruggt frelsi
hinstrúaða."
Hádegisverður var snæddur í formi
lukkupotts eins og undanfarin ár en
öll skipulagning máltíða var í höndum
Jeanette Snorrason og tókst það allt
sérlega vel. Kl. 15:00 var
síðdegissamkoma en þá fjallaði
Björgvin um „hlutverk Evrópu í ljósi
spádóma Ritningarinnar" og kl. 16:30
sýndi hann heimildarmynd sembreska
sjónvarpsstöðin BBC lét gera um
stöðu Rómverskkaþólsku kirkjunnar
í Evrópu og Bandaríkjunum.
Um kvöldið var söngsamkoma á
sal í umsjá Esterar Ólafsdóttur og
Karenar Sturlaugsson. Mikið var um
létta og skemmtilega tónlist á þessari
samkomu og fór hún einkar vel fram
í alla staði öllum þeim sem til staðar
voru til mikillar ánægju.
Mikil og góð tónlist einkenndi í
raun þetta mót og átti Ester veg og
vanda að skipulagningu hennar. Það
sannaðist enn einu sinni að mikið er
um hæfileikafólk á tónlistarsviðinu
innan okkar raða.
Kvöldhressing var á boðstólum
eftir söngsamkomuna og þarnæst,
eftir sólarlag, skemmtu yngri
mótsgestirnir og hinir ungu í anda sér
konunglega á sal á kvöldvöku. Síðan
var „marserað“, sungið umhverfis
varðeld og að lokum farið í sund
þannig að hinir úthaldssömustu fóru
í rúmið þegar líða tók á seinni hluta
nætur!
Efni mótsskólans fyrir hádegi á
sunnudeginum var: „Hrun
Sovétríkjanna", en síðdegis voru
frjálsar umræður á sal um þetta efni
og annað sem fjallað hafði verið um
á mótinu. Um kvöldið var síðan
lokasamkoma.
Mótið var vel sótt og ber að þakka
öllum sem lögðu sitt af mörkum til að
gera það ánægjulegt og eftirminnilegt.
Ekki minnst ber að þakka Björgvin
sem bar fram tímabæran og
áhugaverðan boðskap sem
mótsgestir munu lengi búa að. Síðast
en ekki síst viljum við þakka Guði fyrir
nærveru Anda hans og ríkulegar gjafir
hans okkur til handa á þessu móti.
EG.
Erling, Erlendur og fleiri í
borðstofu.
Aðventfréttir S. 1992
3