Heimilisritið - 01.01.1946, Side 48

unum 1914—18, báðir aðiljar
orðið leiklausir í taflinu, mátt-
ur til sóknar og vamar af
beggja hálfu staðið um það bil
í járnum.
Enn er eins að geta. Ég hygg,
nð hvorugur hafi orðið fyrir
miklu manntjóni. Fátt sést af
gröfum.
París, 20. júní 1940.
Þeir, sem fóru í gær um veg-
inn til Orleans og Blois hafa
hryllilega sögu að segja. Þeir
telja, að þeir hafi séð fram með
veginum á að gizka 200,000
flóttamenn af öllum stigum,
ríka og fátæka, liggja á vegar-
brúnunum eða í skógarjöðrum
og svelta. Þessi múgur var mat-
arlaus, vatnslaus, klæðlaus, alls-
laus.
En þetta er lítill hluti allra
þeirra milljóna, sem flúðu frá
París og öðrum borgum undan
þýzka innrásarhernum. Fólkið
flúði og þusti í ofboði eftir al-
faravegum og hrifsaði í flýti
eitthvað af eignum sínum, bar
þetta á bakinu, ók því á reið-
hjólum eða barnavögnum og lét
börnin sín sitja ofan á. Brátt
varð þröng á vegunum. Her-
flokkar reyndu líka að komast
eftir þeim. Og svo komu Þjóð-
verjar fljúgandi og vörpuðu
sprengjum á vegina. Margir
hnigu niður dauðir eða deyj-
andi. Enginn matur, ekkert
vatn, ekkert skýli, engin hjúkr-
un. Bullitt áætlar, að um sjö
milljónir flóttamanna muni
vera hér á milli Parísar og Bor-
deaux. Hungur og dauði blasir
við þeim svo að segja öllum,
nema eitthvað sé aðhafst til
hjálpar undir eins. Þýzki her-
inn liðsinnir dálítið, en ekki
mikið. Hann verður að flytja
mest af matvælum sínum alla
leið frá Þýzkalandi. Rauði
Krossinn gerir það, sem honum
er unnt til hjálpar, en það er
allsendis ófullnægjandi. Þetta er
svo óskaplegt áfall, að jafnvel
í Kína hefur aldrei orðið annað
eins. En hversu mörgum Frökk-
um eða öðrum Evrópumönnum
hefur gengið það til hjarta, þó
að vatnsflóð eða drepsóttir hafi
þurrkað út nokkrar milljónir
Kínverja?
París, 21. júní 1940.
í dag afhenti Adolf Hitler
Frökkum vopnahlésskilmálasína
1 Compiégneskógi, nákvæmlega \
á sama stað og vopnahléssamn-
ingar voru undirritaðir eftir
heimsstyrjöldina klukkan 5, 11.
nóvember 1918. Til þess að full-
komna hefnd Þjóðverja, létu
þeir umboðsmenn sína og
Frakka koma saman í einka-
vagni Fochs hérshöfðingja, hin-
um sama og Foch sagði Þjóð-
46
HEIMILISRITIÐ