Fréttatíminn - 18.01.2013, Blaðsíða 24

E va Sigurðardóttir er íslensk kvikmyndagerðarkona sem bú-sett er í Bretlandi. Hún var á dögunum tilnefnd til BAFTA-verðlaunanna ásamt samstarfsfólki fyrir stuttmyndina
Good Night. Hún hefur búið í Bretlandi síðustu átta ár og segist
vera komin með rætur þar, þótt hugurinn sé oft heima á Íslandi,
en hér á hún fjölskyldu sem hún reynir að heimsækja sem oftast.
Eva flutti fyrst til útlanda aðeins 13 ára gömul og fór í heimavistar-
skóla i Tékklandi til að flýja einelti.
„Þá langaði mig bara að prófa eitthvað nýtt. Ég var lögð í mikið
einelti í grunnskóla svo ætli ég hafi ekki verið að flýja það. Ég átti
bara að vera í eitt ár en suðaði mig í gegnum þau öll. Mér fannst
svo gaman. Pabbi var með mér úti fyrst um sinn, en hann er kenn-
ari. Mamma var bara ein eftir heima en pabbi fór svo heim að ári
liðnu. Ég hins vegar grátbað um
að fá að vera áfram og fékk það,
sem betur fer. Þetta var skemmti-
legur og mótandi tími fyrir mig,“
segir Eva. Hún flutti síðan til
Þýskalands að menntaskólanum
loknum, þar var hún í ár. Hún kom
heim til Íslands í eitt ár en fljótlega
fór hún að finna fyrir útþránni á
nýjan leik. Hún hélt því til Bret-
lands þar sem hún hefur búið
síðustu átta árin, í Lundúnum.
„Ég hef verið að bralla ýmislegt
hérna, svona kvikmyndatengt.
Ég lærði sjónvarpsþáttagerð og
vann meðal annars hjá BBC. Ég
hef verið mikið að klippa og vinna
barnaefni svo ég hef horft á minn
skammt af því, lélegu og góðu,“ út-
skýrir Eva. Í dag starfar hún fyrir
Save the children, eða Barnaheill.
Þar er hún framkvæmdastýra
yfir ljós- og kvikmyndadeild auk
þess að eftirvinna stuttmyndina
Red sem tekin var upp í London
í september. „Ég er mikil stutt-
myndakona, það er svona mitt
form. Ég hef unnið að myndum
í fullri lengd en þetta finnst mér
öllu skemmtilegra.“
Stuttmyndin Good Night fjallar
um tvær fjórtán ára stúlkur sem
ákveða að segja skilið við barn-
æskuna í eina kvöldstund. Þær
klæða sig upp á fullorðinslegan
hátt, öllu kynþokkafyllra en hæfir
aldri og laumast út á lífið. Þegar á
götuna er komið reynir á þolrifin
og mörkin milli leikgleði tveggja
táningsstúlkna og raunverulegrar
tælingar verða þokukenndari.
Myndin hefur hlotið mikið lof og
auk BAFTA-tilnefningarinnar,
hefur hún unnið til verðlauna
á stuttmyndahátíðum víða um heim. Eva segir það vera mik-
inn heiður að vera tilnefnd til jafn stórra og virtra verðlauna og
BAFTA. „Þetta kom mikið og vel á óvart og við erum öll alveg í
skýjunum.“
María Lilja Þrastardóttir
marialilja@frettatiminn.is
Loft innan fárra mínútna
Ilmur af mentól og eukalyptus
Andaðu
með nefinu
Otrivin Menthol ukonserveret, nefúði, lausn. Innihaldslýsing: Xýlómetazólínhýdróklóríð 1
mg/ml. Ábendingar: Bólgur og aukin slímmyndun í nefi, kinnholum og nefkoki. Skammtar
og lyfjagjöf: Fyrir fullorðna og börn eldri en 12 ára: 1 úði í hvora nös 3 sinnum á sólarhring
eftir þörfum, lengst í 10 sólarhringa og ekki úða oftar en að hámarki 3 úða í hvora nös á
sólarhring. Snýttu þér. Fjarlægðu glæru plasthettuna. Skorðaðu úðaflöskuna milli fingran-
na. Úðað er með því að þrýsta kraganum niður að flöskunni. Hallaðu höfðinu örlítið fram.
Stúturinn á úðaflöskunni er settur upp í nösina. Úðað er einu sinni, um leið og andað er að
sér inn um nefið. Farðu eins að í hina nösina. Ekki má nota lyfið ef þú ert með ofnæmi fyrir
einhverju innihaldsefnanna, ef þú hefur gengist undir aðgerð í gegnum nefið eða munninn
eða ert með þrönghornsgláku. Ráðfærðu þig við lækni áður en lyfið er notað ef þú ert: Þun-
guð, með barn á brjósti, næmur fyrir adrenvirkum efnum, ert með skjaldvakaóhóf, sykursýki,
háþrýsting, æðakölkun, slagæðargúlp, blóðtappa í hjarta, óreglulegan eða hraðan púls, er-
fiðleika við þvaglát, æxli í nýrnahettum, þunglyndi og ert á lyfjameðferð við því. Geymið þar
sem börn hvorki ná til né sjá. Lesið allan fylgiseðilinn vandlega áður en byrjað er að nota
lyfið. Sjá notkunarleiðbeiningar í fylgiseðli. Markaðsleyfishafi:Novartis Healthcare. Umboð á
Íslandi: Artasan ehf., Suðurhrauni 12a, 210 Garðabæ.
Hugurinn er alltaf heima hjá
fólkinu mínu þó ræturnar
séu vissulega grónar hér.
Kom vel á óvart
Eva Sigurðardóttir er íslensk kvikmynda gerðarkona sem búsett er í London. Hún flutti frá Íslandi
til Tékklands aðeins 13 ára, meðal annars til þess að flýja einelti. Í dag vinnur hún í þágu barna
hjá Save the Children auk þess að sinna kvikmyndagerðinni af miklum móð. Hún var, ásamt sam-
starfsfólki, tilnefnd til bresku BAFTA-verðlaunanna fyrir stuttmyndina Good Night.
Eva vinnur nú að stuttmyndinni Red
sem fjármögnuð var af vinum og
vandamönnum í gegnum vefsíðu. „Það
er svona á mörkunum hvort að sniðugra
væri að fá sér bara aukavinnu,“ segir
Eva og hlær. En það ku vera mikil kúnst
að fylgja fjármögnunarferlinu eftir.
Kvikmyndagerðarkonan Eva Sigurðardóttir á setti nýjustu myndar sinnar. Hún segir það mikinn heiður að vera tilnefnd til BAFTA.
24 viðtal Helgin 18.-20. janúar 2013