SÍB-blaðið - 01.12.1999, Qupperneq 11

taka til efni, þannig að við hin þurfum
ekki að gera annað en taka til hendinni.
Þessi samvera er mjög skemmtileg og
endar með sameiginlegu borðhaldi.
Annað tveggja er eldað á staðnum eða
pantað utan úr bæ. Þessi stund þykir á-
vallt hin skemmtilegasta og ég er ekki
frá því að fólk sé farið að bíða eftir
þessu árlega aðventukvöldi okkar stróix
í janúar.”
Hörður segir andann í bankanum
breytast verulega í desember. Fólk
verður einhvernveginn allt annað,
brosmilt og jákvætt, jafnvel þótt það sé
að koma í bankann til að borga reikn-
inga.”
Jólahlaðborð og pakkar
á Hornafirði
Jólaandi svífur yfir vötnum í Spari-
sjóði Hornafjarðar og nágrennis á að-
ventunni. Þegar tími gefst tekur starfs-
fólk sig saman eitthvert eftirmiðdegið
og skreytir sparisjóðinn. Að sjálfsögðu
er líka sett upp jólatré. í desembermán-
uði er viðskiptavinum boðið upp á kaffi
og piparkökur. Starfsfólk sparisjóðsins
hittist svo eina kvöldstund, þiggur létt-
ar veitingar og skiptist á jólapökkum.
Að sögn Gunnhildar Gísladóttur hjá
Sparisjóðnum er þó sjaldnast farið eftir
uppskriftum að jólaglöggi. „Við fáum
okkur frekar eitt glas af góðu víni og
borðum laufabrauð og annað góðgæti.”
Það er hefð fyrir því að starfsfólk fari
saman á jólahlaðborð. „Það er ó-
missandi þáttur í jólastemningunni og
höfum við gert þetta í nokkur ár,” segir
Gunnhildur. Hún segir starfsmenn gera
lítið af því að föndra saman. Jólaskraut-
ið er, eins og hjá flestum, aðkeypt enda
hefur fólk nú orðið nóg á sinni könnu í
frítímanum fram að jólum og föndrar
þá gjarnan í faðmi fjölskyldunnar.
Jólagleði og jólaball
í Seðlabankanum er á hverju ári hald-
in jólagleði sem er nýr siður þar á bæ,
nú þegar jólaglögg heyrir að mestu sög-
unni til. Að sögn Kolbrúnar Guðlaugs-
dóttur, deildarstjóra í afgreiðsludeild,
er boðið upp á léttar veitingar síðdegis
einn dag á aðventu. „Við þetta tækifæri
gleðjumst við ásamt starfsfólki Reikni-
stofu bankanna og Þjóðhagsstofnunar
sem stendur að þessu með okkur.”
Ekki er hefð fyrir því að jólahlaðborð
séu skipulögð af starfsmannafélaginu í
bankanum. Kolbrún segir það undir
starfsmönnum einstakra deilda komið
hvort farið sé á jólahlaðborð með
vinnufélögunum. „Þá tekur fólk sig sam-
an og skipuleggur það sjálft,” segir Kol-
brún.
Að vanda eru það börnin sem eru í
aðalhlutverki á jólum. í Seðlabankanum
er jólaball fastur liður á milli jóla og ný-
ars og fjölmennir starfsfólk þá gjarnan
ásamt börnum sínum til að dansa í
kringum jólatréð. Að sögn Kolbrúnar
eru jafnan tvö jólatré í húsinu, annað í
anddyrinu og hitt inn í matsal. „Vilji
menn skreyta vinnustaðinn eitthvað
frekar þá tekur fólk skrautið með sér að
heiman og skreytir í kringum sig.”
Lítið um hefðir í Stykkishólmi
Þær eru ekki margar hefðirnar sem
starfsfólk í Búnaðarbankanum Stykkis-
hólmi hefur komið sér upp á aðvent-
unni. Erna Guðmundsdóttir, ráðgjafi,
segir að viðskiptavinum sé þó ávallt
boðið upp á smákökur og kaffi á meðan
þeir reka sín erindi í bankanum þegar
líða tekur á jólamánuðinn. „Svo erum
við að sjálfsögðu með blómaskreyting-
ar og kertaljós á borðunum hjá okkur
til að skapa örlitla stemningu,” segir
Erna.
Úti við hanga jólaseríur í þakskegg-
inu en lítið er um trjágróður á banka-
lóðinni til að bera frekari ljósadýrð.
„Stundum förum við saman á jólahlað-
borð sem haldin eru á hótelinu hér í
bænum. Það er ekki orðið að fastri hefð
hjá okkur ennþá.”
Forvarnarstarf Styrktarsjóðs SÍB
Styrktarsjóður SÍB hefur meðal ann-
ars á stefnuskrá sinni að veita fé til
forvarna meðal félagsmanna. í því
skyni hefur verið samið við þá félaga
Pétur Einarsson og Valgeir Skagfjörð
um að bjóða upp á námskeið í Reykja-
vík og úti á landi fyrir þá sem vilja
hætta að reykja. Sú aðferð sem þeir
beita hefur gefist vel og um eða yfir
90% þátttakenda tekst að hætta að
reykja. Allir sem hafa hugleitt að losna
frá þessum ávana eru hvattir til að
notfæra sér þessi námskeið.
Þeir félagar, Pétur og Valgeir, nota
aðferð sem fundin var upp af stórreyk-
ingarmanninum, Allen Carr. Allen
reykti í 33 ár, frá 60 og upp í 100 sígar-
ettur á dag. Hann reyndi ótal sinnum
að hætta, með ýmsum aðferðum, en
mistókst alltaf. 1983 tókst honum
loksins að hætta þegar hann uppgötv-
aði aðferð sem dugði. Það var hlægi-
lega auðvelt fyrir hann, og fyllti hann
gleði og stolti frá upphafi. Næstu árin
þróaði hann þessa byltingakenndu að-
ferð sína á hundruðum námskeiða
með reykingamönnum. Aðferð Allen
Carr er nú notuð um allan heim, á
meira en 20 tungumálum, og hefur nú
þegar frelsað miljónir manna frá reyk-
ingum, auðveldlega og átakalaust.
Nánari upplýsingar um tímasetn-
ingu og staðsetningu námskeiða utan
Reykjavíkur verða birtar á heimasíð-
unni sib.is