Bændablaðið - 19.09.2013, Qupperneq 8

Bændablaðið | Fimmtudagur 19. september 20138
Fréttir
Umsóknarfrestur um framlög
til jarðræktar og hreinsunar
affallskurða, samkvæmt reglum
nr. 707/2013, er til 20. september
næstkomandi. Bændur sem hafa
endurræktað sérstaklega vegna
kalskemmda sl. vor geta einnig
sótt um sérstakan stuðning til
endurræktunar vegna þess.
Sérstaklega skal áréttað að
ekki er nóg að úttekt hafi farið
fram á kalskemmdunum í vor
heldur þarf einnig að sækja um
styrk til endurræktunarinnar og
skulu þær merktar sérstaklega.
Umsækjendur geta skráð umsóknir
sínar um jarðræktarstyrki rafrænt
í gegnum Bændatorgið á www.
bondi.is. Umsóknum má einnig
skila skriflega til BÍ eða viðkomandi
búnaðarsambands. Umsóknar-
eyðublöð að finna á heimasíðu BÍ.
Framlög til jarðræktar:
Umsóknarfrestur rennur út
á morgun, 20. september
Aðalfundur Landssamtaka skógareigenda, LSE:
Skógrækt er atvinnugrein sem tekur
langan tíma að byggja upp
Aðalfundur Landssamtaka
skógar eigenda var haldinn á
Hótel Örk í Hveragerði nýlega.
Félag skógareigenda á Suðurlandi
tók á móti skógarbændum þetta
árið í samstarfi við stjórn og
starfsmann LSE, en fundurinn
færist á milli landshluta og bera
skógarbændafélögin á viðkomandi
stað þungann af undirbúningi
fundarins.
Rask í uppbyggingu vegna
niðurskurðar
Edda Björnsdóttir, formaður LSE, setti
fundinn og flutti skýrslu stjórnar. Í máli
sínu kom hún inn á þann niðurskurð
á fjármagni sem landshlutabundnu
skógræktarverkefnin hafa orðið fyrir
undanfarin ár og það rask sem orðið er
á uppbyggingu skógarauðlindarinnar
sem hófst fyrir tveimur áratugum.
Edda benti á að ef mönnum væri
alvara í að byggja upp þessa auðlind
yrðu stjórnvöld að framfylgja þeim
markmiðum sem lögfest hefðu verið
með landshlutaverkefnunum. Einnig
kom hún inn á mikilvægi þess að
koma mönnum í skilning um að
skógrækt er atvinnugrein sem tekur
langan tíma að byggja upp svo hún
verði sjálfbær.
Þetta var síðasta skýrsla Eddu,
en hún gaf ekki kost á sér til
áframhaldandi setu í stjórn LSE eftir
sextán ár sem formaður samtakanna.
Voru Eddu færðar þakkir fyrir gott og
óeigingjarnt starf í þágu LSE.
Ný stjórn kjörin á fundinum
Ýmis mál voru lögð fyrir fundinn,
m.a um eignarhald á kolefnis-
bindingu í skógrækt, breytingar á
lögum samtakanna, endurskoðun á
uppbyggingu félagskerfis skógar-
bænda og áskorun til stjórnvalda um
að vinna eftir lögum nr. 95 frá 2006
um landshlutaverkefni í skógrækt.
Kosið var í stjórn LSE eftir
breyttum lögum um stjórnarkjör,
þar sem samþykkt var að formaður
væri kosinn fyrst beinni kosningu
og síðan fjórir stjórnarmenn, einn úr
hverjum landshluta, og fimm manna
varastjórn, einnig einn úr hverjum
landshluta.
Jóhann Gísli Jóhannsson var
kjörinn formaður LSE en aðrir
stjórnar menn eru María E. Ingva-
dóttir, Suður landi, Anna Ragnars-
dóttir, Norðurlandi, Bergþóra
Jónsdóttir, Vesturlandi og Sighvatur
Jón Þórarinsson, Vestfjörðum.
Gönguferð um skáldagötur
Eftir að fundi lauk bauð Félag
skógar eigenda á Suðurlandi í
göngu ferð um skáldagöturnar í
Hveragerði undir leiðsögn Svans
Jóhannessonar (Jóhannesar úr
Kötlum). Þaðan var gengið sem leið
lá upp að Reykjum þar sem Guðríður
Helgadóttir, forstöðumaður starfs- og
endurmenntunar LBHÍ, og Bjarni
Diðrik Sigurðsson, brautarstjóri
skógfræði og landgræðslubrautar
LBHÍ, tóku við hópnum. Gengið var
um skóginn á Reykjum og skoðað
m.a. hvaða áhrif hverirnir sem
opnuðust eftir Suðurlandsskjálftann
2008 hafa haft á skóginn.
Eftir gönguferðina buðu Land-
búnaðar háskólinn og Suðurlands-
skógar fundargestum upp á veitingar
í fallegum lundi á Reykjum. Þar naut
fólk gestrisni þessara aðila og samveru
við skógarbændur undir trompet-
leik Ásu Berglindar Hjálmarsdóttur,
tónlistarmanns úr Þorlákshöfn.
Skógarbændur enduðu þessa
skemmtilegu helgi með árshátíð
sem haldin var á Hótel Örk. Allt
skipulag og undirbúningur vegna
fundarins, gönguferðar og árs hátíðar
var í höndum Félags skógareigenda
á Suðurlandi og voru þeim færðar
kærar þakkir fyrir móttökurnar,
einnig Suðurlandsskógum og
Landbúnaðarháskóla Íslands fyrir
þeirra framlag.
/MÞÞ
Bernharð Þór Bernharðsson,
útibússtjóri í fimm útibúum
Arion banka á Vesturlandi, segir
að nú sé farið í átak í áætlanagerð
með fyrirtækjum á Vesturlandi í
samstarfi við Háskólann á Bifröst.
„Við erum þar að horfa á fyrirtæki
í ferðaþjónustu, bændur og
sjávarútveg.“
Bernharð er ekki ókunnur sveita-
störfum, en hann er menntaður
garðyrkjufræðingur og var einnig
kúabóndi.
Námskeiðið hófst fyrir helgi
og þá kom saman 18 manna
hópur á námskeiðið. Fulltrúar frá
greiningardeild Arion banka fjölluðu
þar um stöðu mála og horfurnar fram
undan með tilliti til fyrrnefndra
atvinnugreina. Bernharð flutti síðan
erindi um áætlanagerð og hverju
hann teldi að slík vinna væri að skila
fyrir þá aðila sem eru í viðskiptum
við bankann. Vilhjálmur Egilsson,
rektor á Bifröst, kynnti verkefni
sem felst í því að nemendur skólans
heimsæki einstök fyrirtæki í þessum
greinum og geri kostnaðargreiningu
á rekstrinum. Einnig stilla nemendur
upp áætlunum í samráði við eigendur.
Hugmyndin er síðan að nemendurnir
mæti aftur í fyrirtækin eða á búin í
vor og fari yfir stöðuna og hvernig
hafi gengið að fylgja áætlunum eftir.
„Hugmyndin með þessu er að
reyna að fá menn til að nýta meira
áætlanagerð í sínum rekstri,“ segir
Bernharð. Hann segir að þetta
verkefni sé að frumkvæði stjórnenda
Háskólans á Bifröst, auk þess sem
samtök sveitarfélaga á Vesturlandi
styði fjárhagslega við verkefnið
ásamt bankanum auk þess að útvega
til þess starfskraft.
„Þá má geta þess að við
Sindri Sigurgeirsson [formaður
Bændasamtaka Íslands] vorum
saman með rekstrarnámskeið á
vegum Landbúnaðarháskólans á
síðastliðnum vetri. Við héldum eitt
slíkt námskeið á Hvanneyri og annað
í Húnavatnssýslum. Það tókst mjög
vel. Ég hafði sérstaklega gaman að
þessu og að fá að kynnast því enn
betur hvað það eru margir virkilega
góðir bændur á Íslandi. Þarna voru
hörku bændur á námskeiðunum sem
sumir hafa náð mjög góðum árangri
og hefur m.a. tekist að lágmarka
áburðarkostnað sinn með markvissri
ræktunarstefnu.“
Engin bremsa á lánum til
landbúnaðar
Talsvert hefur verið rætt um
erfiðleika í sveitum við að fá
fjármagn í bönkum í nýframkvæmdir
og þróun eftir efnahagshrunið 2008.
Bernharð segist líka hafa heyrt þessa
umræðu en slíkt sé allavega ekki
uppi á teningnum hjá Arion banka.
„Þetta er alls ekki rétt, því við
erum að lána töluvert bæði til
landbúnaðar og ferðaþjónustuaðila
og þar er þó nokkur uppbygging í
gangi. Stór hluti af okkar lánabók
hér á Vesturlandi er í landbúnaði
og þar er mjög lítið um vanskil
og erfiðleika. Þá hefur verið mjög
lítið um afskriftir hjá okkur vegna
lána til landbúnaðar. Við höfum því
mikinn áhuga á því að taka frekari
þátt í uppbyggingu í þessari grein.
Þó að einstaka bændur séu mikið
skuldsettir er staðan alls ekki þannig
almennt.“ /HKr.
Arion banki, Háskólinn á Bifröst og sveitarfélög:
Kenna bændum og eigendum fyrirtækja
að nýta áætlanagerð í rekstri
Eftir að fundi lauk bauð Félag skógareigenda á Suðurlandi í gönguferð um skáldagöturnar í Hveragerði undir
leiðsögn Svans Jóhannessonar (Jóhannesar úr Kötlum).
Edda Björnsdóttir lét af formennsku í Landssamtökum skógareigenda eftir
16 ára setu í því embætti.
Ýmis mál voru lögð fyrir fundinn, m.a. um eignarhald á kolefnisbindingu í
skógrækt, breytingar á lögum samtakanna og endurskoðun á uppbyggingu
Bernharð Þór Bernharðsson, útibússtjóri Arion banka, Vilhjálmur Egilsson,
rektor Háskólans á Bifröst, og Hafsteinn Gunnar Hauksson frá greiningar-
deild Arion banka.
Svipmyndir af fyrsta námskeiðinu í
Borgarnesi.