Fréttatíminn - 12.08.2011, Qupperneq 20

Þ
ótt þættirnir séu
í eðli sínu ólíkir
fjalla þeir báðir um
blóðuga valda-
baráttu og hefur
verið líkt við hina rómuðu
glæpaþætti, The Sopranos.
Game of Thrones er sagður
minna einna helst á það að
Sopranos-fjölskyldan léti að sér
kveða í Miðgarði, með vísan til
Hringadróttinssögu, en glæpa-
foringinn Tony Soprano og allt
hans hyski er síðan sagt minna
einna helst á pissudúkkur í
samanburði við hina grjót-
hörðu Borgia-fjölskyldu.
Syndugur páfi
Heldur er nú samt ómaklega
vegið að Tony og félögum í
þessum mannjöfnuði þótt
Borgia-fjölskyldan geti
sjálfsagt talist fyrsta glæpa-
fjölskyldan á Ítalíu sem beitti
af krafti þeim bolabrögðum
sem mafíufamilíur síðari tíma
gerðu að sínum. The Borgias
segir blóði drifna sögu fjöl-
skyldunnar sem fór mikinn í
valdataflinu á Ítalíu á blóma-
tíma endurreisnarinnar.
Jeremy Irons leikur höfuð
fjölskyldunnar, kardínálann
Rodrigo Borgia, sem kemst
á páfastól með svikum og
vélabrögðum. Þegar hann
er orðinn Alexander páfi VI
syndgar hann af miklum krafti
og beitir öllum brögðum til
þess að skara eld að sinni köku
og efla völd og áhrif fjölskyld-
unnar. Fjandmenn hans reyna
að sama skapi allt sem í þeirra
valdi stendur til að koma
Rodrigo frá þannig að enginn
skortur er á pólitískum fléttum
og flokkadráttum á bak við
tjöldin í þessari mögnuðu
sögu.
Machiavellískir skúrkar
Borgia-fjölskyldan kom frá
Spáni og var því utangarðs í
veldi rótgróinna ítalskra valda-
fjölskyldna en með klækjum
og miskunnarleysi hafði
hún betur í valdabaráttunni.
Rodrigo hafði sitt fram með
mútum, kúgun, pyntingum
og morðum og naut þar sonar
síns, Cesare, sem var vægast
sagt óvandur að meðulum og
andskotanum grimmari þrátt
fyrir að vera vígður maður.
Niccolò Macchiavelli fylgd-
ist með uppgangi Borgia-fjöl-
skyldunnar og vélabrögðum
Cesare og Rodrigo og jós af
þeim reynslubrunni þegar
hann skrifaði Furstann, hið
sígilda leiðbeiningarit um
hvernig halda skuli völdum og
auka þau. Segja má að Borgia-
fjölskyldan sé nokkurs konar
frum-mafíufjölskylda þannig
að Mario Puzo sótti eðlilega
innblástur í sögu hennar þegar
hann skrifaði bók sína The
Godfather um uppgang Vito
Corleone innan ítölsku mafí-
unnar í Bandaríkjunum.
Safaríkur sagnfræðispuni
Þessir nýju þættir um Borgia-
fjölskylduna eru runnir undan
rifjum írska leikstjórans og
handritshöfundarins Neils
Jordan. Hann skrifar handrit
fyrstu þáttanna og gætir þess
að allt sé þetta löðrandi í kyn-
þokka og ofbeldi. Hann lætur
sögulegar staðreyndir heldur
ekki spilla dramatíkinni og
hasarnum þegar hann vinnur
upp úr safaríkri sögu Rodrigos.
Jordan á að baki kvikmyndir
á borð við The Company of
Wolves, Mona Lisa, The Crying
Game, Interview with the
Vampire og Michael Collins og
hlaut á sínum tíma Óskarsverð-
launin fyrir handrit sitt að The
Crying Game.
Hann dregur enga dul á að
útgáfa hans af sögu Borgia-
fólksins sé ekki 100% rétt. Slíkt
sé fyrir sögubækur en hann
bjóði hins vegar upp á spenn-
andi glæpadrama sem byggi á
raunverulegum persónum og
atburðum. „Ég hef óslökkv-
andi þorsta í sögulegt efni og
ef eitthvað þar kveikir hjá mér
hugmyndir þá nota ég það.“
Ofbeldi og nekt í ævintýra-
heimi
Söguleg nákvæmni skiptir
aftur á móti engu máli í hinum
geysivinsælu verðlaunaþátt-
um, Game of Thrones. Þótt
þættirnir gerist á miðöldum
er sögusviðið ævintýraheim-
urinn Sjö konungsríki Westors.
Þáttunum hefur verið líkt við
Hringadróttinssögu en hér er
þó ekki um neitt barnaefni að
ræða þar sem ekkert er gefið
eftir þegar ofbeldi og kynlíf
eru annars vegar.
Tengingin við Hringadrótt-
inssögu nær því í raun vart
lengra en til sögusviðsins og
heimsmyndarinnar en þar
fyrir utan fer breski leikarinn
Sean Bean með eitt aðalhlut-
verkanna í fyrstu þáttaröðinni
en hann lék hinn breyska
Boromir með miklum ágætum
í þríleik Peters Jackson um
Hringadróttinssögu.
Game of Thrones er enn ein
rósin í hnappagat kapalstöðv-
arinnar HBO sem á heiðurinn
af Boardwalk Empire, Deadwo-
od, The Sopranos, The Wire og
True Blood. Game of Thrones
hefur ekki síst verið hrósað
fyrir gott handrit, sterkan leik
og vandaðar tæknibrellur.
Hvergi var stigið feilspor í
fyrstu þáttaröðinni og ytra
bíða áhorfendur í ofvæni eftir
framhaldinu.
Svikráð í sjö ríkjum
Þættirnir eru byggðir á vin-
sælli bókaröð Georges R. R.
Martin, A Song of Ice and Fire,
og sækja nafn sitt til fyrstu
bókarinnar, A Game of Thro-
nes. Bækurnar segja frá harka-
legri valdabaráttu konungs-
fjölskyldnanna sjö sem ríkja
í Westor sem allar stefna að
yfirráðum yfir hinu eina sanna
konungssæti, The Iron Throne.
Eðli málsins samkvæmt er því
setið á svikráðum í mörgum
skúmaskotum og allir taka
þátt í valdataflinu hvort sem
um er að ræða drottningar,
konunga, riddara, liðhlaupa,
svikara, lygara eða heiðarlega
menn.
Undir þessu öllu kraumar
svo losti og græðgi þannig að
úr verður hörkuspennandi og
ágengt ævintýri sem heldur
áhorfendum við efnið þar sem
pólitísk plottin draga hvergi
úr aðdráttaraflinu sem liggur
ekki síst í krassandi kynlífi og
hressilegu ofbeldi.
Kynlíf, völd og morð. Amen.
Fokdýrir sjónvarpsþættir sem horfa til fortíðar njóta mikilla vinsælda þessi misserin. Bandarískar kapalstöðvar hafa
verið duglegar við að framleiða gæðaþætti þar sem ekkert er til sparað í búningum og sviðsmyndum. Metnaðurinn
er slíkur að hver þáttur jafnast á við úrvals kvikmynd hvað útlit, kvikmyndatöku og aðra tæknivinnslu varðar. Þá
þykir við hæfi að tefla fram þekktum leikurum í burðarhlutverkum. Miðaldaævintýrið Game of Thrones og endur-
reisnardramað The Borgias eru ágæt dæmi um þætti af þessu tagi. Sýningar á Game of Thrones hefjast á Stöð 2 í
ágúst og í lok mánaðarins byrjar The Borgias á Skjá einum.
Rómverjar sukka
í sjónvarpinu
Metnaðarfullt samstarf
HBO og BBC gat af sér tvær
þáttaraðir um dramatíska tíma
í sögu Rómarveldis. Fyrri röðin
fjallaði um uppgang Júlíusar
Sesars og lauk með morði
hans en í framhaldinu tókust
þeir á Markús Antóníus og
Oktavíanus á milli þess sem
þeir eltu uppi tilræðismenn
Sesars til þess að koma þeim
fyrir kattarnef.
Atburðarásin var bundin
saman með sögum af ævin-
týrum rómversku riddaranna
Titus Pullo og Lucius Vorenus
sem höfðu, eins og Forrst Gump
síðar, sérstaka tilhneigingu til
að vera viðstaddir sögulega
atburði og þannig kom það til
dæmis í hlut Pullos að drepa
Cicero í seinni þáttaröðinni.
Mikið var lagt upp úr bún-
ingum og sviðsmynd þessara
dýru þátta sem auk þess gerðu
markvisst út á villimennsku
Rómverja, grimmilegt ofbeldi
og sukksamt kynlíf.
Lucius Vorenus fer á hörk-
unni í gegnum sögulega
atburði í ROME.
Spartacus:
Blood and Sand
Nafntogaðasti skylmingaþræll
allra tíma, Spartacus, fór
mikinn í þessum þáttum Starz
TV-sjónvarpsstöðvarinnar.
Ofbeldið í þáttunum er yfir-
gengilegt og bardagaatriðin í
skylmingahringnum eru nánast
splatterar. Sömu sögu er að
segja af kynlífsslýsingum
þáttanna sem jaðra við að
vera klám þar sem eins lítið og
mögulegt er skilið eftir fyrir
ímyndunaraflið.
Það vantar því ekkert upp á
kraftinn í þessa þáttaröð sem
hefst á því að Spartacus er
gerður að þræl og lýkur með
uppreisn skylmingaþrælanna
sem Spartacus leiddi en þar
byrjar hann á því að ganga milli
bols og höfuðs á húsbónda
sínum og yfirstéttarvinum
hans.
Velski leikarinn Andy
Whitfield lék Spartacus
með miklum mannalátum í
þáttunum sem voru sýndir
2010. Það sama ár greindist
hann með krabbamein og fram-
haldsserían Spartacus: Gods of
the Arena fjallaði því um átök
skylmingaþrælanna áður en
Spartacus kom til sögunnar.
Vonast er til að þráðurinn verði
tekinn upp aftur á næsta ári og
þá stígi Spartacus fram aftur,
hvort sem Whitfield mun leika
hann eður ei.
Skilmingaþrælarnir í
Spartacus eru ófeimnir við
að stripplast og vart má á
milli sjá hvort þeir kunna
betur fantabrögð eða
hvílubrögð.
Um 83 milljónir Banda-
ríkjamanna sátur límdar
við skjáinn í nóvember árið
1980 þegar tilræðismaður
J.R. Ewing var afhjúpaður.
Slíkt áhorf er með öllu
óhugsandi í dag.
Gullöld framhalds-
þáttanna er liðin
Haustið 2004 hófu göngu
sína í bandarísku sjónvarpi
nokkrir þættir sem urðu á
meðal vinsælustu sjónvarps-
þátta síðasta áratugar. Lost,
Desperate Housewives, Grey’s
Anatomy og House. Sjö árum
síðar eru þessi spútnik öll
ýmist horfin eða að brenna út.
Áhorfendum hefur fækkað ár
frá ári á meðan fólk horfir enn
á raunveruleikaþætti á borð
við American Idol og Dancing
With the Stars. ABC-sjónvarps-
stöðin lét þau boð út ganga
á dögunum að Desperate
Housewives myndu hætta í maí
á næsta ári og sumir telja að
brotthvarf húsmæðranna muni
í raun marka endalok kostn-
aðarsamra framhaldsþátta hjá
stóru stöðvunum.
Tækniframfarir hafa breytt
og eru að gerbreyta því hvernig
fólk horfir á sjónvarp og krafan
um að geta brotist úr viðjum
dagskrárinnar og horft þegar
manni hentar best er orðin
hávær enda er slíkt alltaf að
verða auðveldara með fram-
förum í stafrænni tækni.
11,4 milljónir horfðu á Graý s
Anatomy á síðasta tímabili í
Bandaríkjunum samanborið við
19,8 milljónir á öðru ári þátta-
raðarinnar þegar vinsældir
hennar náðu hámarki. House
hefur tapað nánast helmingi
áhorfenda sinna á síðustu
fjórum árum. Sjöundi árgangur
þáttanna dró 10,3 milljónir að
sjónvarpstækjunum en sá þriðji
náði 19,4 milljónum. Örvænt-
ingarfullu eiginkonurnar mega
líka muna sinn fífil fegri því 11,9
milljónir horfðu á síðustu seríu
en 23,7 milljónir fylgdust með
þáttunum fyrsta árið.
Með þessar tölur í huga er
í raun með ólíkindum að E.R.
hafi, þegar best lét, verið með
rúmlega 30 milljón áhorfendur.
Friends fóru aldrei niður fyrir
20 milljónir og Roseanne, sem
seint telst til stórvirkja í sjón-
varpi, var með áhorfendur á
bilinu 21,9 – 30,5 milljónir þegar
hún var vinsælust. Áhorfstölur
verða enn fjarstæðukenndari
þegar farið er aftar í tíma en
um 83 milljónir Bandaríkja-
manna fylgdust með Dallas
þegar upplýst var hver skaut
J.R.
Áhorfstölur sem þessar heyra
sögunni til og eru með öllu
útilokaðar í neysluumhverfi 21.
aldarinnar þannig að sjónvarps-
stöðvarnar eru í örvæntingu að
reyna að laga sig að breyttum
tímum.
Sean Bean er í fremstu víglínu grimmi-
legrar valdabaráttu sjö konungsvelda í
Westor í fyrstu seríu Game of Thrones.
Jeremy Irons leikur hinn fláráða
Rodrigo Borgia sem varð Alexander
páfi IV með klækjum og ofbeldi.
20 sjónvarp Helgin 12.-14. ágúst 2011