Fréttatíminn - 23.09.2011, Qupperneq 6

Utanríkismálanefnd í Evrópureisu
Utanríkismálanefnd hefur verið á ferðalagi til Finnlands, Eistlands, Lettlands og
Danmerkur frá því á sunnudag og kemur heim í dag, föstudag. Markmið ferðarinnar
var, að því er fram kemur á vef Alþingis, að kynna sér ýmsa þætti er varða aðild
ríkjanna að Evrópusambandinu. Í Helsinki áttu nefndarmenn m.a. fund með
Alexander Stubb Evrópumálaráðherra, stóru nefnd finnska þingsins sem fer með
Evrópumál og fulltrúum í skógar- og landbúnaðarráðuneytinu. Sérstaklega var
horft til áhrifa Evrópusambandsaðildar á finnskan landbúnað auk þess sem staða
evrunnar var rædd. Í Tallinn og Rígu var fundað með Evrópunefndum og utanríkis-
málanefndum þinganna og sjónum annars vegar beint að aðildarviðræðum Eistlands
og Lettlands við Evrópusambandið og hins vegar að viðbrögðum við yfirstandandi
fjármálakreppu. Í Kaupmannahöfn átti utanríkismálanefnd m.a. fund með fulltrúum
í utanríkisráðuneytinu um formennsku Dana í ráðherraráði Evrópusambandsins
sem hefst um áramótin. Af hálfu utanríkismálanefndar tóku þátt í fundunum Árni
Þór Sigurðsson formaður, Valgerður Bjarnadóttir varaformaður, Ólöf Nordal, Helgi
Hjörvar, Sigmundur Davíð Gunnlaugsson, Ragnheiður E. Árnadóttir, Björgvin G.
Sigurðsson og Birgitta Jónsdóttir. - jh
 Tímabundnar ráðningar
Bjarni ætlar ekki að
verða þrásetumaður
Bjarni Harðarson ætlar ekki að verða eilífur augnakarl í sjávar-
útvegs- og landbúnaðarráðuneytinu þótt tímabundin ráðning hans
í starf upplýsingafulltrúa sé sífellt framlengd. Stjórnsýslufræðingur
segir ráðningar hjá hinu opinbera í miklum ólestri.
T ímabundin ráðning Bjarna Harðarsonar í starf upplýs-ingafulltrúa í sjávarútvegs-
og landbúnaðarráðuneytinu verður
nú um mánaðamótin framlengd til
áramóta. Bjarni hefur þá starfað í
ráðuneytinu í vel rúmt ár.
Sigurbjörg Sigurgeirsdóttir, lekt-
or við Háskóla Íslands, segir að þar
sem ráðning Bjarna sé sífellt fram-
lengd vakni spurningar um hvort
Jón Bjarnason, sjávarútvegs- og
landbúnaðarráðherra, hafi eftir allt
saman verið að fara fram hjá reglum
um hvernig standa eigi að ráðning-
um í opinber störf. „Ráðningar hjá
hinu opinbera hafa verið í þvílíkum
ólestri. Það er skelfilegt og skamm-
arlegt að þetta skuli ekki vera lag-
fært. Tillögur og hugmyndir um
hvernig standa eigi að ráðningunum
eru til og það er spurning hvort ekki
sé vilji eða geta til að fara eftir þeim.“
Ekkert framtíðarstarf
Bjarni var ráðinn í starfið í október
í fyrra og samkvæmt fréttum DV
náði fyrsti tímabundni samningur-
inn til janúarmánaðar. Síðan hefur
tímabilið ítrekað verið framlengt.
Starfið hafði verið auglýst og 29
sóttu um. Enginn var boðaður í við-
tal. Umboðsmaður Alþingis ályktaði
að ráðningin hefði ekki verið brot á
lögum þótt ekki hefði verið farið að
góðum stjórnsýsluháttum.
Sjálfur segist Bjarni, sem sat á
þingi fyrir Framsóknarflokkinn og
er nú í Vinstri grænum, ekki taka
það nærri sér þótt hann sé aðeins
ráðinn tímabundið í hvert sinn. „Ég
hef verið að vinna [sem upplýsinga-
fulltrúi] þrátt fyrir að eiga í rauninni
gott starf fyrir austan. Ég myndi
ekki vilja hafa þetta öðruvísi, enda
reikna ég alls ekki með að verða hér
augnakarl í ráðuneyti. Það er ekki
framtíðarsýn mín.“
Eygló Harðardóttir, þingmaður
Framsóknarf lokksins, segir að
menn eigi hvorki að gjalda fyrir
pólitíska fortíð sína né njóta hennar
þegar ráðið sé í opinber störf. Sömu
hæfnisreglur eigi að gilda um alla.
Svo hafi virst sem ráðherrar hafi
margir ráðið pólitískt í störf upplýs-
ingafulltrúa ráðuneytanna, sem sé
sárt fyrir þá sem sóttu um og höfðu
til að bera mikla hæfni í störfin. Nýtt
stjórnarráðsfrumvarp ætti að ráða
bót á þessu.
Myndi sækja um aftur hjá
ríkinu
Soffía Sigurgeirsdóttir, sem er með
BA-gráðu í sálfræði og MSc í al-
þjóðasamskiptum auk þess að hafa
starfað til fjölda ára að kynningar-
og markaðsmálum, var ein þeirra 29
sem sóttu um starf upplýsingafull-
trúa á sínum tíma. Hún gagnrýndi
hve ófaglega var staðið að ráðning-
unni og segir útlistun ráðuneytisins
ekki hafa breytt skoðun sinni. Ferl-
ið kæmi þó ekki í veg fyrir að hún
sækti um slíkt starf aftur, væri hún í
atvinnuleit – sem hún sé ekki.
Gunnhildur Arna Gunnarsdóttir
gag@frettatiminn.is
Tímabundið?
Steindór Grétar Jónsson,
fyrrum framkvæmda-
stjóri Ungra jafn-
aðarmanna, vinnur enn
í efnahagsráðuneytinu,
sem Árni Páll Árnason
stýrir, nú ári eftir að
hann var ráðinn til átta
vikna í starf sérfræðings.
Pressan greindi frá
þessu nú í vikunni og
einnig að hann hefði
verið fastráðinn eftir
að starfið var auglýst
og fjöldi sótt um. Ráð-
herrann mun hafa vikið
af fundi þegar kom að
því að ráða Steindór.
Ríkisstjórnin hefur
verið gerð afturreka
með mannaráðningar
sem hafa þótt pólitískar.
Til að mynda ráðningu
Runólfs Ágústssonar
í starf umboðsmanns
Alþingis.
Bjarni
Harðarson
ætlar sér ekki
að verða upp-
lýsingafulltrúi
í ráðuneyti til
frambúðar.
Hann hverfur
til starfs síns
austanfjalls
þegar rétti
tíminn kemur.
Ljósmynd/Hari
Helgin 23.-25. september 2011