Læknablaðið - 01.02.1970, Page 20

4
LÆKNABLAÐIÐ
atriðum, sem ákvarða tölu þeirra, fjölgun eða fækkun á hverjum
tíma. Vildi hann afla staðgóðrar þekkingar, til þess að unnt væri
að byggja á traustum og vísindalegum grundvelli allar ákvarð-
anh' um veiðar og tryggja þannig viðhald hæfilegs stofns án of-
fjölgunar.
Meðal þeirra framfaramála, sem Guðmundur beitti sér fyrir
og vann mikið að, voru kynbætur sauðfjár og notkun sæðinga í
því skyni. Þegar mæðiveikin geisaði og ekki varð séð, hvort tak-
ast mætti að útrýma henni með niðurskurði, hugleiddi hann það
ráð að ala upp með kynbótum fjárstofn, sem hefði aukinn við-
námsþrótt gegn veikinni. Hér sem oftar brýndi hann þó fyrir
mönnum aðgát, fyrirhyggju og öflun nauðsynlegrar grundvallar-
þekkingar, en varaði við smithættu og arfgengum göllum, sem
tjóni gætu valdið, ef gripið væri til viðtækra aðgerða í flausturs-
legri og vanhugsaðri bjartsýni.
Guðmundur ritaði margt um rannsóknir sínar bæði á íslenzk-
um og erlendum vettvangi, og verður það ekki talið upp hér. Þó
skal þess getið, að honum var falið að rita þrjá kafla í Inter-
national Encyclopedia of Veterinai-y Medicine, sem út kom 1966,
og fjöiluðu þeir um votamæði, þurramæði og garnaveiki. Sýnir
það, hvers álits hann naut meðal erlendra starfsbræðra. Hann rit-
aði margar greinar til leiðbeiningar íslenzkum hændum um marg-
vísleg efni, og má þar nefna auk karakúlpestanna, ormaveiki,
þyngd og þrif sláturlamba, lambasjúkdóma, lungnapest, sæðingar,
ýmsa hænsnasjúkdóma og fleira.
Á erlendu máli ritaði hann auk þess, sem fyrr greinir, um
mæðiveiki, ormaveiki, garnaveiki og sauðfjársjúkdóma almennt
á Islandi.
Eftir Iiann liggja meira en 40 prentaðar ritgerðir (sjá Skrá um
rit háskólakennara) og nokkrar óprentaðar.
Auk námsferða þeirra, sem fyrr er getið, fór Guðmundur til
Skotlands og Englands árið 1955 og sat þá sérfræðingafund um
garnaveiki í Weyhridge, en árið 1956 til Danmerkur og Svíþjóðar
og sat þá ráðstefnu í Stokkhólmi um sjúkdóma í ungviði.
Hann var kjörimi félagi í Vísindafélagi Islendinga 1957. Hann
var skipaður 1959 í nefnd til að semja reglugerð um búfjársæð-
ingar og 1962 í byggingarnefnd Tilraunastöðvar Háskólans að
Keldum.
Guðmundur var kvæntur Karólínu Sigríði Einarsdóttur cand.
mag. frá Miðdal. Frú Karólína lézt 1962 og varð mikill harmdauði
öllum, sem hana þekktu. Þau Guðmundur eignuðust þrjú börn,