Dagblaðið Vísir - DV - 10.04.2007, Blaðsíða 2
þriðjudagur 10. apríl 20072 Fréttir DV
InnlendarFréttIr
ritstjorn@dv.is
„Við getum ekki annað en tekið þessu
persónulega en ég hafna því algjör-
lega að ég eigi í persónulegum erjum
við séra Hjört Magna. Það er of langt
gengið hvernig hann hagar málflutn-
ingi sínum,“ segir Magnús Björnsson,
prestur í Digraneskirkju. Hann og
sjö aðrir prestar innan þjóðkirkjunn-
ar hafa ákært Hjört Magna Jóhanns-
son, prest Fríkirkjunnar í Reykjavík,
til siðanefndar prestafélagsins vegna
ummæla hans um þjóðkirkjuna og
biskup hennar.
Prestarnir eru ósáttir við ummæli
Hjartar Magna um Þjóðkirkjuna í
fréttaskýringaþættinum Kompási um
miðjan febrúar. Í ákærunni er talað
um tæpitungulaus viðhorf Hjartar
um stöðu trúfélaga og þá sérstaklega
skoðun hans á Þjóðkirkjunni. Þar tal-
ar Hjörtur Magni meðal annars um að
ríkisfyrirkomulagið sem við búum við
sé búið að missa allan trúverðuleika.
Fyrirkomulagið í dag segir hann ekki
kristilegt heldur byggi það á forræð-
ishyggju sem sé tímaskekkja. Þá seg-
ir hann að hver sú trúarstofnun sem
telur sig hafa höndlað sannleikann
verði stórhættuleg ef ekki djöfulleg.
Stofnunin eigi að breytast því það sé
guð einn sem sé óbreytnalegur og ef
hún geri það ekki og láti fólk dýrka sig
í stað Guðs sé fyrsta boðorðið brotið.
Þá eru líka kærð ummæli Hjart-
ar í fjórum predikunum. Þar á með-
al er predikun þar sem Hjörtur Magni
gagnrýnir að samkynhneigðir fái ekki
hlutdeild í hjónabandinu. Biskup segi
þann hóp vanhelga hjónabandið þar
sem hann stundi ekki kynlíf í réttum
tilgangi og leggur Hjörtur til, að því er
virðist á léttum nótum, að sett verði
á laggirnar eftirlitssveit sem gangi úr
skugga um að hjón stundi örugglega
kynlíf í réttum tilgangi og hugsi rétt á
meðan á því standi.
„Við erum orðin fullsödd af þess-
um ítrekuðu fullyrðingum sem stand-
ast ekkert,“ segir Magnús.
Þjónaði í Fríkirkjunni
Magnús Björnsson þjónaði í af-
leysingum í Fríkirkjunni í Reykjavík í
fimm mánuði og sótti um starfið sem
Hjörtur Magni síðan fékk. „Ég var á
þessum tíma að leita mér að starfi
og fannst gott að starfa í Fríkirkj-
unni sem er frábær söfnuður,“ seg-
ir Magnús. Hann er ekki sá eini af
þeim átta sem kvitta undir kæruna
sem starfað hefur fyrir Fríkirkjuna
heldur einnig Bryndís Malla Elídótt-
ir.
Magnús segir ekki annað hægt,
fyrir presta Þjóðkirkjunnar, en að taka
ummæli Hjartar Magna til sín því
gangrýnin á kirkjuna falli líka á presta
hennar. Þetta er ekki í fyrsta skipti
sem þeir Magnús og Hjörtur Magni
eru ósammála því fyrir nokkru síðan
deildu þeir í fjölmiðlum um ferming-
arfræðslu fríkirkjubarns innan þjóð-
krikjunnar. „Ég vísaði einni konu á
að tala við sóknarprestinn í Kárs-
neskirkju um fermingarfræðslu fyrir
barnið sitt, því þau bjuggu í því presta-
kalli. Því fannst Hirti Magna eðlilegt
að slá upp,“ segir Magnús. Í Digranes-
kirkju er það samt svo að fermingar-
börn þurfa að vera í þjóðkirkjunni til
að fermast í sókninni og fá fermingar-
fræðslu. „Magnús er ríkisstarfsmaður
og samkvæmt sinni köllun og siðregl-
um prestafélagsins er hann skyldug-
ur að þjóna öllum sem til hans leita,“
segir Hjörtur Magni.
„Það var alltaf gott samstarf á milli
Fríkirkjunnar og Þjóðkirkjunnar eða
þar til Hjörtur Magni kom til starfa.
Það er sérkennilegt að síðan þá hef-
ur verið stöðug úlfúð í garð þjóðkirkj-
unnar,“ segir Magnús.
Draga athyglina frá meginefninu
Hjörtur Magni segist standa fylli-
lega við öll ummæli sín. Hann hafi
verið að gagnrýna stofnunarumgjörð
og þá hróplegu mismunun sem er
á milli trúfélaga hér á landi þar sem
þjóðkrikjan fái tvo milljarða króna
umfram sinn lýðræðislega hlut. „En
þessir menn vilja snúa þessu upp í
einhver persónuleiðindi og eru stór-
lega móðgaðir fyrir það að ég skuli
gagnrýna stofnunina. Ég held að þetta
sé leið til þess að forðast að horfa
á megininntak málflutnings míns.
Leiða athyglina frá meginefninu eins
og Þjóðkirkjan hefur áður gert í stór-
um málum,“ segir Hjörtur Magni.
Hjörtur bendir á að líka séu kærð
ummæli hans um málefni samkyn-
hneigðra í predikunarstól. Þar seg-
ist Hjörtur ekki tala óvarlega heldur
sé hvert einasta orð ígrundað. „Það
er athyglisvert að þjóðkirkjuprestar
kæri að fjallað sé um málefni sam-
kynhneigðra í predikunarstól í ev-
angelískri kirkju. Ég er hræddur um
að þeir sem skrifa undir kæruna séu
mikið bókstafstrúarfólk,“ segir Hjört-
ur Magni.
HjörDís rut sigurjónsDóttir
blaðamaður skrifar: hrs@dv.is
Átta prestar hafa kært Hjört Magna jóhannsson Fríkirkjuprest í Reykjavík til siða-
nefndar Prestafélags Íslands fyrir ummæli hans um þjóðkirkjuna. Tveir prestanna hafa
áður starfað í afleysingum við Fríkirkjuna í Reykjavík. Hjörtur Magni segist standa við
öll sín ummæli og telur þá sem kæra mikið bókstafstrúarfólk.
Magnús vildi verða
Fríkirkjuprestur
„Það var alltaf gott
samstarf á milli
Fríkirkjunnar og
Þjóðkirkjunnar eða
þar til Hjörtur Magni
kom til starfa.“
Magnús Björnsson prestur
í Digraneskirkju Magnús
segir prestana átta fullsadda
af ítrekuðum fullyrðingum
Hjartar Magna sem ekki eigi
við rök að styðjast.
Hjörtur Magni jóhannsson prestur í
Fríkirkjunni í reykjavík Hjörtur Magni
bendir á að ummæli hans um samkyn-
hneigða í predikunarstól séu meðal
ákæruefna.
Fjöldi manns í
Hallgrímskirkju
„Við erum mjög ánægð með
kirkjusókn um hátíðarnar,“ segir
séra Jón Dalbú Hróbjartsson,
prestur í Hallgrímskirkju.
Á föstudaginn langa bauð
kirkjan upp á upplestur passíu-
sálma í fimm klukkustundir og
komu að sögn séra Jóns um 1100
manns til að hlusta. Síðar um
kvöldið var frumflutt verk eftir
Sigurð Sævarsson, Hallgríms-
spassía, sem er byggð á passíu-
sálmum Hallgríms Péturssonar
og hlýddu um fimm hundruð
manns á. Alls komu á þriðja þús-
und manns í Hallgrímskirkju yfir
hátíðarnar og sagðist séra Jón
vera sérlega ánægður með þann
fjölda í ljósi þess hve margir séu
farnir að njóta frísins utan höf-
uðborgarinnar.
Fjórir á
ofsahraða
Fjórir ökumenn voru
teknir í fyrrinótt fyrir of
hraðan akstur á Reykjanes-
brautinni. Allir ökumennirn-
ir voru ungir að árum og sá
sem hraðast ók mældist á 145
kílómetra hraða.
Tveir ökumenn voru
kærðir fyrir að virða ekki
stöðvunarskyldu. Lögreglan á
Suðurnesjum þurfti einnig að
hafa afskipti af tíu ökumönn-
um mótorhjóla og einum
ökumanni bifreiðar sem allir
voru kærðir fyrir akstur utan
vega þar sem þeir óku um
Sandvík á Reykjarnesi.
eimskip
í svikamyllu
Eimskip hefur varað við-
skiptavini sína og starfsmenn
við svikapósti sem gengið hefur
á milli þeirra undanfarið. Póst-
urinn er merktur fyrirtækinu og
er einnig á nafni Yong Lee sem
þykist vera starfsmaður fyrir-
tækisins. Í póstinu er fólki boðið
starf og himinhá laun. Í kjölfar-
ið er þess krafist að fólk gefi upp
helstu upplýsingar um sig sjálft
og að lokum er beðið um banka-
númer. Slíkir póstar eru alls ekki
óalgengir.
Ólöglegar
veiðar
Varðskip Landhelgisgæsl-
unnar stóð lítinn handfæra-
bát að verki við meintar
ólöglegar veiðar inni á frið-
unarsvæði í Faxaflóa í gær.
Löggæslumenn frá varð-
skipinu fóru um borð í bát-
inn og athuguðu skipsskjöl
og afla og tóku skýrslu af
skipstjóranum. Í framhaldi
þurfti skipstjórinn að halda
til hafnar í Reykjavík þar sem
lögregla höfuðborgarsvæðis-
ins tók á móti honum. Hann
á von á kæru frá Landhelgis-
gæslunni vegna veiðanna.
Á þriðja hundrað fjölskyldur leituðu til Fjölskylduhjálpar Íslands fyrir páskáhátíðina:
Gátu ekki gefið öllum páskaegg
„Við gátum hjálpað öllum þeim
sem til okkar leituðu. Því miður þurft-
um við að velja vel hverjir fengu egg
og þær fjölskyldur sem fengu afhent
fengu aðeins eitt. Við náðum bara
að gefa fyrstu fjölskyldunum páska-
egg því við fengum ekki nóg,“ segir
Ásgerður Jóna Flosadóttir, formaður
Fjölskylduhjálpar Íslands.
250 fjölskyldur leituðu til Fjöl-
skylduhjálpar Íslands fyrir páskahá-
tíðina og fengu afhentar matargjaf-
ir. Fjörutíu fjölskyldum var vísað frá
í fyrstu umferð en á endanum náðist
að afgreiða alla. Helst skorti páskaegg
því innan við fimmtungur þess sem
þörf var fyrir fékkst gefins. Það er ein-
göngu sælgætisgerðin Góa sem hefur
styrkt Fjölskylduhjálpina og að þessu
sinni með fjörtíu og átta páskaeggj-
um. Aðrar sælgætisgerðir hafa ekki
gefið páskaegg. Aðspurð segir Ásgerð-
ur Jóna það hafa verið miður að geta
ekki gefið öllum páskaegg. Í sumum
tilvikum fengu fjölskyldur með mörg
börn eitt egg og sumar barnafjölskyld-
ur fengu ekkert. „Okkur var bara gefið
ákveðið magn af páskaeggjum. Þörfin
var langt umfram það sem við náð-
um að anna því það sem við áttum
var aðeins brotabrot af því sem vant-
aði. Við höfum beðið Nóa og Síríus
en þeir harðneituðu. Við erum bara
mjög ánægð hversu vel gekk hjá okkur
í ár og erum mjög þakklát Helga í Góu
fyrir páskaeggin undanfarin ár,“ segir
Ásgerður Jóna. Ingibjörg Þórðardótt-
ir, fjögurra barna móðir, er ein þeirra
sem þáði aðstoð Fjölskylduhjálpar Ís-
lands fyrir páskana. Hún segir þetta í
fyrsta sinn sem hún hafi þurft á aðstoð
að halda. „Ég er mjög þakklát fyrir allt
sem við fengum. Þessi matargjöf gerði
páskana skemmtilegri fyrir okkur og
bjargaði þessu alveg. Því miður fyr-
ir krakkana fengum við engin páska-
egg og það þótti þeim leiðinlegt,“ segir
Ingibjörg. trausti@dv.is
Fjölskylduhjálpin í Kolaporti Meðlimir Fjölskylduhjálparinnar hafa selt hluti í
Kolaportinu til að fjármagna starfsemi sína.