Dagblaðið Vísir - DV - 10.04.2007, Blaðsíða 8

Skynsamleg hagstjórn felst í að ríkisstjórn hagi
efnahagsstefnu í samræmi við þróun hagsveiflunn-
ar. Ríkið á að halda að sér höndum á uppgangstím-
um, til að auka ekki á verðbólguþrýsting og leitast
við að draga úr opinberum framkvæmdum sem geta
beðið. Á samdráttartímum skiptir með sama hætti
miklu að ríkið hrindi í framkvæmd arðbærum verk-
legum framkvæmdum og hlutist til um kerfisbreyt-
ingar sem örvað geti hagkerfið. Þetta er grunnur hins
blandaða hagkerfis sem jafnaðarmenn hafa þróað á
Vesturlöndum á und-
anförnum áratugum.
Þessi hugmyndafræði
lá að baki þjóðarsáttinni á sínum tíma og var fylgt
hér á landi allt fram á síðustu ár.
Undanfarna áratugi hefur verið samstaða með-
al helstu stjórnmálaafla hér á landi um að stöðug-
leiki í efnahagsstjórn væri mikilvægasta markmiðið.
Núverandi ríkisstjórn hefur horfið frá þeirri stefnu-
mörkun. Það er þeim mun alvarlegra þegar haft er
í huga að sú stefnubreyting verður á sama tíma og
mjög reynir á í efnahagsstjórninni í kjölfar aukinnar
alþjóðavæðingar íslensks atvinnulífs og óheftra fjár-
magnsflutninga.
Óvitar með eldfæri
Ríkisstjórnin hefur sýnt fádæma lausatök í rík-
isfjármálum á kjörtímabilinu. Allir vissu í upphafi
kjörtímabilsins að fyrir dyrum væru stærstu fram-
kvæmdir Íslandssögunnar og því myndi reyna mjög
á agaða stjórn á ríkisfjármálum. Ríkisstjórnin hefur
hins vegar kynt undir þenslu með stórfelldri aukn-
ingu ríkisútgjalda og skattalækkunum, sem eng-
in innistæða er fyrir. Að því leyti hafa Geir Haarde
og Davíð Oddsson minnt á óvita með eldspýtur og
bensínbrúsa.
Ríkisstjórnin hefur heykst á því að leggja í sjóð til
seinni tíma. Við sölu Landssímans gafst ríkinu ein-
stakt tækifæri til að draga úr þenslu með því að taka
það fé úr umferð, til dæmis með því að nýta féð til
að greiða inn á skuld ríkisins vegna ófjármagnaðra
lífeyrisskuldbindinga. Það var ekki gert. Þvert á móti
var lofað eyðsluveislu með fyrirheiti um framlög í
ýmis misarðbær og misskynsamleg verkefni.
Kjaraskerðing er afleiðingin
Lausatök ríkisstjórnarinnar á efnahagsmálun-
um hafa verið mikið áhyggjuefni öllum þeim sem
vit hafa á og fylgst hafa með. Sérfræðingar OECD og
Alþjóðagjaldeyrissjóðsins hafa ítrekað gert athuga-
semdir við þessi lausatök árum sama. Sérfræðingar
innlendra greiningardeilda hafa tekið í sama streng.
Aðilar vinnumarkaðarins tóku fram fyrir hend-
ur ríkisstjórnarinnar með endurnýjun kjarasamn-
inga í upphafi síðasta árs og komu þannig í veg fyrir
verðbólgubál – að sinni að minnsta kosti. Nú síðast
lækkaði matsfyrirtækið Fitch lánshæfismat íslenska
ríkisins og vísaði í niðurstöðu sinni til skorts á trú-
verðugleika í hagstjórn ríkisins.
Almenningur fær að finna fyrir afleiðingum þess-
ara mistaka með rýrnandi kaupmætti vegna hækk-
andi verðtryggðra skulda og hækkandi íbúðaverðs.
Einstöku góðæri hefur verið sólundað með agaleysi í
efnahagsstjórn. Eftir standa heimilin skuldsettari en
nokkru sinni fyrr og atvinnulíf í fjötrum ofurvaxta.
Við eigum betra skilið.
þriðjudagur 10. apríl 20078 Umræða DV
Sjálfstæðisflokkurinn er merkilegt fyrirbæri. Eini flokkurinn sem
segist vera hægri flokkur en fórnar samt nánast öllu til að efla og
treysta tak ríkisins þar sem einstaka núverandi og fyrrverandi for-
ystumönnum flokksins þykir henta, eða þegar verjast þarf þeim
frjálsu einstaklingum sem eru forystufólkinu ekki að skapi. Þá er
ríkisvaldið eflt. Með sama hætti hefur Sjálfstæðisflokkurinn tekið
forystu í bitlingaútdeilingu, sem sést best þegar litið er til hversu
marga sendiherra Davíð Oddsson skipaði þá fáu mánuði sem hann
var utanríkisráðherra, með veitingum í stöður seðlabankastjóra og
hæstaréttardómara.
Þrátt fyrir að hafa gengið gegn flestu sem flokkurinn segist standa
fyrir þá virðast kjósendur ætla að gera sérstaklega vel við þennan
stærsta flokk landsins. Það er í raun ótrúlegt að Sjálfstæðisflokkur-
inn hafi gengið eins langt og raun
bar vitni þegar Ríkisútvarpið var
eflt á kostnað frjálsra fjölmiðla.
Það er með sama hætti merkilegt
að þegar flokkurinn hefur nýver-
ið gengið gegn eigin markmiðum
styrkist hann í skoðanakönnun-
um.
Eftir að hafa verið ráðandi í
landsmálunum í sextán ár er eðli-
legt að staða Sjálfstæðisflokks-
ins veki sérstaklega athygli. Samstarfsflokkurinn síðustu tólf árin
er í sárum eftir samstarfið. Þau eru viðbrögð kjósenda við undir-
lægjuhætti Framsóknarflokksins. Framsóknarflokkurinn hefur þol-
að niðurlægingu en fengið sárabætur, bita af borði þess sem hefur
öllu ráðið.
Sjálfstæðisflokkurinn eftirlét Framsóknarflokknum Búnaðar-
bankann og annað og fleira smærra. Bestu synir Framsóknar högn-
uðust vel og fyrir greiðann hefur flokkurinn þurft að kyngja bæði
stolti og reisn.
En hvers vegna kemst Sjálfstæðisflokkurinn upp með að gera allt
annað en hann lofar og hvers vegna sækir hann á þegar finna má
að svo mörgu sem flokkurinn hefur haft ótal tækifæri til að laga og
breyta?
Svarið er svo sáraeinfalt. Það er hræðsla sem er árangur af
hræðsluáróðri Sjálfstæðisflokksins. Flokkurinn hefur verið sam-
fellt í ríkisstjórn í sextán ár og hefur nánast án undantekninga borið
ábyrgð á ríkisfjármálum. Þau hafa sennilega aldrei verið eins traust
eins og nú. Sjálfstæðisflokkurinn mun gera mikið úr þeim árangri
sem hefur náðst og þeirri staðreynd að núverandi fjármálaráðherra
hefur lækkað skatta meira en dæmi eru til um. Hræðsluáróðurinn
verður mest notaða vopn Sjálfstæðisflokksins í kosningabaráttunni.
Íslendingar vilja eðlilega ekki missa þá velsældina og þess vegna
er eðlilegt að Sjálfstæðisflokkurinn flaggi núverandi stöðu og segi
henni ógnað takist ekki vel til í kosningunum.
Með þannig sókn verður Sjálfstæðisflokkurinn ekki sektaður fyrir
að hafa eflt ríkisfjölmiðilinn, skipað endalaust á bekki bitlinganna
og fært ríkisbanka sem fórn til stuðningsflokksins. Minni kjósenda
er takmarkað og Sjálfstæðisflokkurinn er í góðum málum.
Sigurjón M. Egilsson
Sjálfstæðisflokkurinn
Kjallari
Það er með sama hætti
merkilegt að þegar
flokkurinn hefur nýverið
gengið gegn eigin mark-
miðum styrkist hann í
skoðanakönnunum.
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson framkVæmDaStjóri: Hjálmar Blöndal
ritStjóri og áByrgðarmaður: Sigurjón m. Egilsson
fulltrÚi ritStjóra: janus Sigurjónsson
Umbrot: dV. Prentvinnsla: prentsmiðja Morgunblaðsins. Dreifing: Árvakur. dV áskilur sér rétt til að
birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð.
fréttaStjóri: Brynjólfur Þór guðmundsson auglýSingaStjóri: auður Húnfjörð
Hagstjórnarklúðrið hjá geir
Haarde og Davíð oddssyni
Landsfundir
Áhugamenn um stjórnmál hafa
í nægu að snúast næstu daga og
fram yfir helgi. Hvort tveggja Sjálf-
stæðisflokkurinn og Samfylking-
in efna til landsfunda sinna um
næstu helgi og má búast við ein-
hverjum tíðindum af þeim enda
hafa flokksþing og landsfundir
oft á tíðum skilað flokkum auknu
fylgi í næstu mælingum á eftir.
Þessir tveir stærstu stjórnmála-
flokkar landsins halda landsfundi
sína sömu helgi en við afar ólíkar
kringumstæður.
..í blíðu
..Sjálfstæðismenn eru farnir að
mælast með 40 prósenta fylgi sem
þeir gátu árum saman gengið að
sem vísu í könnunum þó það skil-
aði sér ekki allt á kjördag. Veldi
flokksins virðist því mikið eftir sex-
tán ára samfellda stjórnarsetu. Því
er verkefni Sjálf-
stæðismanna
fyrst og fremst
að tryggja stöðu
sína og treysta
fylgi flokksins
fyrir lokaslag-
inn, þann mán-
uð sem eftir er
fram að kosn-
ingum þegar landsfundi lýkur.
..og stríðu
..Samfylkingin virðist hins vegar
vera í tómu tjóni á sama tíma. Fylgi
flokksins mælist um eða undir tut-
tugu prósent-
um og sam-
kvæmt því hefur
rúmlega þriðji
hver kjósandi
flokksins frá
2003 snúið baki
við flokknum.
Samfylking-
arfólk þarf því
lífsnauðsynlega að koma sterkt út úr
landsfundinum um næstu helgi. Þar
verða flokksmenn að ná spjótum
sínum ætli þeir sér að eiga mögu-
leika á að snúa fylgistapinu við fyrir
kosningar.
SandKorn
Árni PÁLL Árnason
frambjóðandi skrifar
„Ríkisstjórnin hefur kynnt
undir þenslu með stórfelldri
aukningu ríkisútgjalda. Að
því leyti minna Geir og Dav-
íð á óvita með eldspýtur og
bensínbrúsa.“
Brautarholti 26 · 105 Reykjavík · 512 7000 · dv@dv.is
DV greiðir 2.500 krónur fyrir þau fréttaskot sem
leiða til frétta. Fyrir besta fréttaskot hverrar viku
eru greiddar 5.000 krónur og 10.000 fyrir besta
fréttaskot mánaðarins.
512 7070
frettaskot@dv.is
Brautarholti 26 · 105 Reykjavík · 512 7000 · dv@dv.is
DV greiðir 2.500 krónur fyrir þau fréttaskot sem
leiða til frétta. Fyrir besta fréttaskot hverrar viku
eru greiddar 5.000 krónur og 10.000 fyrir besta
fréttaskot mánaðarins.
512 7070
frettaskot@dv.is