Dagblaðið Vísir - DV - 10.04.2007, Blaðsíða 13

Real Madrid færðist enn nær Barcelona
í spænsku deildinni um síðustu helgi. Real
Madrid vann 2-0 heimasigur á Osasuna á
sunnudag og er nú aðeins tveimur stigum
á eftir Börsungum sem trjóna í toppsætinu.
Raul braut ísinn á 24. mínútu en Robinho
gulltryggði síðan sigurinn í seinni hálfleik.
Allt er nú opið upp á gátt í spænska bolt-
anum en Madridingar hafa hlotið 54 stig. Bar-
celona tapaði á laugardag 0-1 fyrir Real Zara-
goza og Sevilla sem er í öðru sæti deildarinnar
mistókst að skora gegn Racing Santander en
sú viðureign endaði með markalausu jafntefli.
Sevilla er með 55 stig, stigi á eftir Barcelona.
Þar á eftir koma Valencia og Real Zaragoza en
bæði liðin hafa hlotið 50 stig.
„Það ríkir mikil gleði hjá okkur en við meg-
um ekki gleyma því að við erum enn á eftir
Barcelona og Sevilla. Bilið hefur þó minnk-
að og sjálfstraustið hjá mínum mönnum er í
botni í augnablikinu. Við spilum betur með
hverjum leik og skiptir miklu máli fyrir okkur
að halda því áfram. Næstu leikir eru algjörir
úrslitaleikir í þessari baráttu,” sagði hinn um-
deildi þjálfari Real Madrid, Fabio Capello, eft-
ir sigurinn á Osasuna.
Erfiðir tímar
Talsverður vandræðagangur var á Real
Madrid fyrr á leiktíðinni og skelltu flestir fjöl-
miðlar á Spáni skuldinni á Capello sem tók
við þjálfun liðsins fyrir tímabilið. Hann virð-
ist hinsvegar vera að ná að rétta úr kútnum og
Real Madrid hefur unnið þrjá leiki í röð.
Miðjumaðurinn Emerson sem fylgdi
Capello frá Ítalíu hefur orðið fyrir aðkasti frá
stuðningsmönnum spænska liðsins en hann
hefur ekki fundið sig í búningi liðsins. Þá hafa
margir leikmenn félagsins verið orðaðir við
önnur lið. Aðeins léttist á þeim orðrómi þegar
Ronaldo fór til AC Milan en nú er meðal ann-
ars mikið talað um að Raul sé á leið til Liver-
pool í sumar.
Brasilíski bakvörðurinn Roberto Carlos
opnaði sig í viðtali um helgina og greindi frá
því að hann hefur verið að berjast við ýmis
vandamál utan vallarins. „Síðustu tvö ár hafa
verið erfið. Fyrst sveik umboðsmaður minn
mig og svo fór ég í gegnum erfiðan skilnað við
eiginkonu mína. Núna er dóttir mín hjá mér
og þá líður mér betur,” sagði Carlos.
Hann hefur þegar tilkynnt það að hann
muni hætta hjá Real Madrid eftir tímabilið
en ætlar þó ekki að ákveða næsta skref fyrr en
eftir tímabilið. „Ég hef fengið tilboð frá Tyrk-
landi, Katar, Dubai og Englandi en ætla ekki
að ákveða mig fyrr en í sumar.”
Eiður varamaður
Sevilla hvíldi lykilmenn í leiknum gegn
Racing en framundan hjá þeim er leikur gegn
Tottenham í átta liða úrslitum UEFA bikars-
ins. Þrátt fyrir það voru þeir mun betri í leikn-
um en náðu ekki að nýta sér þau færi sem þeir
fengu í leiknum. Tono, markvörður Racing,
átti frábæran leik og þegar Sevilla tókst loks
að koma boltanum framhjá honum fór skot
Daniel Alves í þverslána.
Eiður Smári Guðjohnsen byrjaði á vara-
mannabekk Barcelona. Diego Milito skoraði
eina mark leiksins á 62. mínútu en fjórum mín-
útum síðar var Eiður settur inná. Stuttu eftir
að hafa komið inná fékk Eiður mjög gott færi
en skot hans sigldi framhjá og Real Zaragoza
hlaut öll stigin. Milito hefur nú skorað nítján
mörk á tímabilinu. Athygli vakti að Frank Rij-
kaard spilaði með þriggja manna vörn í leikn-
um en það bragð hans virkaði engan veginn
og mikil vandræði voru á öftustu línu.
Leikirnir framundan
Það er ljóst að mikil spenna verður á loka-
kafla spænsku deildarinnar en úrslit síðustu
umferðar voru aðeins til að auka hana til
muna. Sevilla á erfitt verkefni fyrir hönum um
næstu helgi en þá mætir liðið Valencia á úti-
velli. Real Madrid heimsækir Racing Santand-
er og verður fróðlegt að sjá hvort leikmenn
Racing haldi áfram að hafa áhrif á titilbarátt-
una og takist að sigra Madridinga. Næsti leik-
ur Barcelona verður gegn Mallorka.
elvargeir@dv.is
DV Sport þriðjudagur 10. apríl 2007 13
Mikil spenna á spáni
Spennan í spænska boltanum jókst enn frekar um Páskahelgina en Barcelona og Sevilla töpuðu stigum.
Real Madrid virðist hinsvegar komið á beinu brautina og hefur nú unnið þrjá leiki í röð.
Einn á kjammann
Eiður Smári kom inn sem varamaður en
náði ekki að finna leiðina að markinu.
Á beinu brautinni
real Madrid nálgaðist toppliðin með góðum sigri á
Osasuna.
Ekkert gekk
renato, leikmaður Sevilla, greinilega orðinn
pirraður á að ekkert gekk hjá hans liði að skora.
West Ham fyrst liða til að leggja Arsenal á Emirates vellinum:
Útlitið orðið bjartara hjá West Ham
West Ham á skyndilega von um
að ná að bjarga sér frá falli eftir að
hafa fengið níu stig úr síðustu þrem-
ur leikjum sínum í úrvalsdeildinni. Á
laugardag vann West Ham ótrúlegan
1-0 útisigur á grönnum sínum í Ars-
enal og varð þar með fyrsta liðið til að
leggja Arsenal á nýjum leikvangi fé-
lagsins, Emirates vellinum.
Illa hefur gengið hjá Arsenal að
undanförnu en leikmenn liðsins
virðast hafa misst áhugann eftir að
möguleikarnir á titli á þessu tíma-
bili hurfu. Liðið hefur tapað þremur
leikjum í röð en það hefur ekki gerst
í tvö ár.
„Þegar leikið er gegn einhverju
af toppliðunum fjórum þarf mark-
vörðurinn að fá 11 af 10 möguleg-
um,” sagði Alan Curbishley, stjóri
West Ham, eftir sigur liðsins á Arsen-
al. Robert Green, markvörður, sýndi
frábær tilþrif í rammanum og átti
nokkrar heimsklassa markvörslur.
„Ef Arsenal misnotaði ekki færin þá
varði hann. Svo einfalt var það.”
Næsti leikur West Ham verður
gegn Sheffield United en það verður
sannkallaður sex stiga leikur.
„Leikmenn Arsenal eru særðir
eftir áföllin á síðustu vikum og við
ákváðum að nýta okkur það. Leik-
menn lögðu sig alla fram í þetta
verkefni og uppskáru eftir því. Þeir
sem sáu leikinn eru kannski á þeirri
skoðun að þetta hafi ekki verið sann-
gjörn úrslit enda sótti Arsenal mun
meira. Það skiptir okkur samt ekki
máli því við berjumst bara fyrir stig-
unum,” sagði Curbishley. Arsenal
byrjaði leikinn af fullum krafti og átti
sjö marktilraunir á fyrstu tíu mín-
útum leiksins. Gestirnir náðu hins
vegar að standa af sér storminn og
skoruðu eina mark leiksins í við-
bótartíma fyrri hálfleiksins en þar
var Bobby Zamora að verki. Heima-
menn sóttu stíft í seinni hálfleik en
fundu ekki netmöskvana.
„Ég veit ekki hvað segja skal,”
sagði Arsene Wenger, knattspyrnu-
stjóri Arsenal, eftir leikinn. „Við hefð-
um átt að skora tíu mörk en töpum
leiknum 1-0. Það er mjög erfitt að átta
sig á því hvað gerðist. Hvernig getur
lið sem hefur svona mikla yfirburði
ekki tekist að skora? Þetta er vanda-
mál sem við höfum glímt við í allan
vetur,” sagði Wenger.
elvargeir@dv.is
Vonbrigði þessi áhorfandi hefur líklega ekki búist við að þurfa að horfa upp á tap.
watford
steinlá og
sigraði svo