Læknablaðið - 15.03.1983, Blaðsíða 4

64
LÆKNABLAÐID
í Læknablaðinu 8. tbl. 68. árg. 1982 birtist
grein, sem nefnist: Leghverfing (inversio uteri)
eftir Guðnýju Bjarnadóttur og dr. Gunnlaug
Snædal og eru þar rakin tilfelli þessa sjúkdóms
frá 1881 til 1981. Undirritaður getur bætt við
einu tilfelli við það, sem talið eru í ofannefndri
ritsmíð.
Par var um að ræða rúmlega tvítuga frum-
byrju er fæddi í byrjun mars 1981. Fæðing
gekk vel og barnið vó tæpar 14 merkur.
Fylgjan kom 15 mínútum eftir fæðingu; var
talsvert kölkuð og klofin og lék grunur á, að
eitthvað vantaði af belgjum. Eitthvað mun
hafa verið þrýst á legbotn til að flýta fyrir
fæðingu fylgjunnar og konan mun eitthvað
hafa rembst meðan fylgjan kom. Að mati
ljósmóður mun ekki hafa blætt meira en um
600 ml.
Undirritaður var kvattur á vettvang um 25
til 30 mínútum eftir að fylgjan fæddist. Kvart-
aði konan þá um mikla verki og í neðanverðu
kviðarholi yfir lífbeini og lagði þessa verki
niður í báða ganglimi. Hún var í losti. Þar sem
ástand konunnar var ekki í neinu samræmi við
áætlaðan blóðmissi vaknaði strax sú spurning
hvort um inversio uteri gæti verið að ræða og
staðfestist það við skoðun. Við þreifingu á
kvið fannst aðeins fyrir legi ef þreifað var
djúpt niður í grindarholið og kom þá reyndar
legbotinn út í vulva. Konan fékk síðan með-
ferð við lostinu og síðan var leginu snúið við
neðan frá í svæfingu. Konunni heilsaðist mjög
vel eftir aðgerðina, fékk enga fylgikvilla og
útskrifaðist sjö dögum síðar.
Petta er eina tilfellið sem ég hef séð á minni
læknisævi.
Keflavík 29.11.1982.
Kristján Sigurðsson