Læknablaðið - 15.03.1983, Page 39

LÆKNABLADID
87
7.5. »Usefulness of Roentgen Diagnostic
Coding«
(bókarkafli)
Ásmundur Brekkan
í: Proc. of Symp. on Computers in Diagnostic
Radiology, ISPRAD, Amsterdam 1980, bls.
502-507.
í þessum bókarkafla er fyrst lýst stuttlega og
með dæmum skráningarkerfum fyrir rann-
sóknir og greiningar, en síðan lýst vandkvæð-
um á gerð fyllilega rökrétts greiningarlista (sbr.
6. kafla).
Niðurstöður eru: »Since these diagnostic
coding systems inevitably partly rely upon
opinions and not on measurements or exact
reproducibility, the value of storage and retrie-
val of such information may be regarded
with some reservation, except for certain well
defined prospective or retrospective studies
on specified isolated findings«.
7.6. »Geislunarfrekar röntgenrannsóknir«
(Úrtaksrannsókn á konum 15-44 ára)
Ásmundur Brekkan
Læknablaðið 1981, 67: 234-237.
Á grundvelli upplýsinga, sem til eru úr eldri
athugunum annarsstaðar, um gildi (validitet)
ýmissa fremur geislunarfrekra röntgenrann-
sókna, svo sem af spjald- og lendarhrygg, voru
nýttar þær forsendur, sem einstaklingsbundin
tölvugeymsla rannsóknagagna gefa. Úr tölvu-
geymslu voru unnar skrár um allar konur á
aldrinum 15-44 ára, sem þessi rannsókn var
gerð á á 3 ára bili. Ástæða og niðurstöður
rannsókna voru metnar. — Efniviður verður
að teljast nægilega stór til þess að af honum
megi draga ályktanir, einnig um samskonar
rannsóknir á öðrum röntgendeildum, þar sem
ekki er aðstaða til tölvugeymslu. Athyglisvert
var við úrvinnsluna, hversu gott samræmi
(consistency) var í notkun greiningarlykilsins
milli ára.
7.7. »Röntgenrannsóknir á fslandi á áttunda
áratugnum«
Ásmundur Brekkan
Læknablaðið; 68: 32-37; 1982.
Þessi yfirlitsgrein er í raun framhald af 7.2. Frá
því er sú rannsókn var birt hafa allar röntgen-
deildir hér tekið upp sama skráningarkerfi
varðandi rannsóknir, hinsvegar eru enn ekki
fyrir hendi einstaklingstengdar tölvugeymdar
upplýsingar, nema frá Borgarspítala og því
ekki hægt að ráða í aðkomu, kyn eða aldurs-
flokkun, nema á grundvelli uþplýsinga frá
einni deild. Hins vegar virðast aðrar rann-
sóknir (7.2., 7.5., 7.8.) benda í þá átt, að af þeim
megi draga ályktanir um almenna hneigð.
7.8. »Röntgengreind krabbamein í ristli og
endaþarmi« — Úrvinnsla úr tölvuskrám
Krabbameinsfélagsins og Röntgendeildar
Borgarspítalans, 1975-1980
(Ásmundur Brekkan, Ólafur Kjartansson,
Hrafn Tulinius, Helgi Sigvaldason).
Læknablaðið — 69,3-10; 1983.
Tölvuskrár Röntgendeildar Borgarspítalans
og Krabbameinsskrár íslands nota sömu ein-
staklingseinkenningu, fæðingarnúmerið, sbr. 5.
kafla.
Æskilegt þótti að forvitnast um eftirtalin
atriði:
a) greiningarnákvæmni við röntgenrannsókn;
b) tíðni krabbameins í ristli hjá einstaklingum,
sendum í röntgenrannsókn;
c) tíðni annarra krabbameina hjá sama hópi.
Auðvelt reyndist að tengja saman þessar
tvær skrár og tölvuvinna upplýsingar, sem
voru einstaklingsbundnar (fæðingarnúmer)
og höfða til ofangreindra spurninga.
Niðurstöður þessarar rannsóknar, sem ekki
hefði verið framkvæmanleg nema með tölvu-
tengingum, benda til eftirfarandi:
a) 85-90 % greiningarnákvæmni;
b-c) marktækt fleiri krabbamein en búast
mætti við úr sambærilegu íbúaúrtaki.