Læknablaðið - 15.01.1989, Qupperneq 9

LÆKNABLAÐIÐ
3
NABLAÐIÐ
THE ICELANDIC MEDICAL JOURNAL
Læknafélag íslands og LR
Læknafélag Reykjavíkur
75. ARG. - JANÚAR 1989
LÆKNABLAÐIÐ 75 ÁRA
Með útgáfu þessa tölublaðs hefst sjötugasti og
fimmti árgangur blaðsins. Hér verður fjallað
stuttlega um síðustu 15 árin í sögu blaðsins og er
vísað í Læknablaðsannál Magnúsar Ólafssonar í
tilefni af 50 ára afmælinu (1965; 50: 9-12) og
ritstjórnargrein í tilefni sextugsafmælisins (1974;
60:156-8), samanber og Fréttabréf lækna 1985; 3:
2.
Lengst af voru ritstjórar þrír og þá oftast einn
aðalritstjóri, en frá 1965 voru þeir fimm. Árið
1972 var brugðið á það ráð að fækka ritstjórum í
tvo og skyldi annar sjá um félagslegt efni, en hinn
um fræðilegt efni. Haustið 1976 hóf Sigurjón
Jóhannsson blaðamaður störf hjá blaðinu.
Markar það tímamót, að blaðið fékk þá í fyrsta
sinn launaðan starfsmann. Tveimur árum síðar
tók Jóhannes Tómasson við af Sigurjóni, fyrst í
hlutastarfi en frá 1983 i fullu starfi. Sáust þess
fljótlega merki, að ritstjórn hafði verið efld:
Fyrsta fylgirit Læknablaðsins (um siðamál
lækna) kom út 1977 og alls eru þau orðin nítján.
Handbók lækna kom út 1981, 1983 og 1984 og
hafa þar verið birt ýmis lög og reglur er varða
lækna. Þá vitnar það og um aukna starfsemi að
frá ársbyrjun 1980 hefir faglegur hluti
Læknablaðsins komið út tíu sinnum á ári, 15.
hvers mánaðar, og blaðsíðufjöldi hefir aukist úr
200 til 280 í um 420 síður.
Félagslegi hluti efnisins vildi verða nokkuð
útundan m.a. af ýmsum tæknilegum ástæðum og
því hófst 1. janúar 1983 útgáfa Læknablaðsins á
Fréttabréfi lækna, sem kemur út fyrsta dag hvers
mánaðar. Sú útgáfa kallaði fljótlega á aukna
þjónustu á skrifstofu læknafélaganna og þar kom
í ársbyrjun 1985 að Birna Þórðardóttir var ráðin
að Læknablaðinu. Hefir verkum þannig verið
skipt af ritstjórn að Birna er ritstjóri
Fréttabréfsins en Jóhannes ritstjórnarfulltrúi
Læknablaðsins.
í kjölfar nýrrar skipunar hefir ritstjórn þurft að
taka upp ný vinnubrögð. Árið 1978 ákváðum við
Bjarni Þjóðleifsson að óska eftir því við stjórnir
L.í. og L.R., að niður yrði felld sú tvískipting
ritstjórnar sem fyrr var lýst og að þriðji ritstjórinn
yrði ráðinn að blaðinu. Sá fjórði bættist í hópinn
árið 1981. Bjarni Þjóðleifsson hætti í ritstjórn í
árslok 1985 og ári síðar var skipaður maður í hans
stað og jafnframt bætt við fimmta ritstjóranum.
Var nú komin aftur á sama skipan og ákveðin
hafði verið rúmum tuttugu árum áður, sjá
Fréttabréf lækna í janúar 1989.
Starfshættir ritstjórnar hafa gerbreytzt samhliða
þessu. Allar greinar um fagleg efni eru nú sendar
í dóm, samanber Læknablaðið 1985; 71: 377-8 og
er það trú okkar að þetta fyrirkomulag hafi orðið
blaðinu til framdráttar og greinahöfundum til
góðs.
Enn er ótalinn einn þáttur útgáfustarfseminnar,
en það er íðorðasafn lækna, sem hefir verið gefið
út af Læknablaðinu. Annars vegar hefir verið
greiddur allur prentkostnaður og hins vegar hluti
launa starfsmanns Orðanefndar læknafélaganna.
Er það von ritstjórnar að læknar taki vel nýlegri
málaleitan formanna L.í. og L.R. og greiði
áskrift að íðorðasafninu og auðveldi þannig
áframhaldandi útgáfustarfsemi á öllum sviðum.
Fyrir þeim málum var gerð grein í Fréttabréfinu
nú í janúar.
Að síðustu ber að þakka starfsmönnum á
skrifstofu læknafélaganna ágætt samstarf og þá
sérstaklega Páli Þórðarsyni, sem ávallt hefir stutt
útgáfustarfsemina með ráðum og dáð. öb.