Læknablaðið - 15.07.1995, Síða 64

572
LÆKNABLAÐIÐ 1995; 81
Lyfjamál 39
Frá Heilbrigðis- og trygginga-
málaráðuneytinu og landlækni
Viðmiðunarverð (reference price) - Breyttar reglur um greiðsluþátttöku almanna-
trygginga í lyfjum, sem leitt geta til lækkunar á lyfjakostnaði sjúklinga og al-
mannatrygginga.
Þann 1. ágúst 1992 var sett í
reglugerð ákvæði um hlutfalls-
greiðslur sjúklinga í lyfjakostn-
aði og fjölnotalyfseðla auk þess
sem læknum var gert skylt að
taka afstöðu til þess hvort af-
greiða mætti ódýrasta samheita-
lyf (svokallað R/S-kerfi).
Þessar breytingar voru sam-
ræmdar að því leyti að hlutfalls-
greiðslu sjúklings fylgdi sú kvöð
á lækna að taka afstöðu til af-
hendingar ódýrasta samheita-
lyfs á nýhönnuðum lyfseðli sam-
fara þeirri kvöð lyfsala að af-
henda ávallt ódýrasta
samheitalyfið, ef læknir heimil-
aði það. Nýtt form lyfseðils-
eyðublaðs tók einnig gildi.
Hinni nýi lyfseðill gaf kost á allt
að fjórum afgreiðslum á sama
lyfseðli. Þetta sparaði sjúklingi
ekki einungis ferðir til læknis,
heldur gaf honum einnig mögu-
leika á að dreifa greiðslum fyrir
lyf á lengri tímabil.
Að undanförnu hefur árang-
ur vegna R/S- kerfisins nokkuð
fjarað út. Ráðherra hefur því
undirritað tvær meðfylgjandi
reglugerðir sem báðar miða að
sama tilgangi og ætlunin var
með R/S-kerfinu, það er að gefa
sjúklingum og almannatrygg-
ingum kost á ódýrari samheita-
lyfjum, sé um slíka valmögu-
leika að ræða. Fyrri reglugerðin
tekur gildi 1. júlí 1995 en sam-
kvæmt henni verður lyfjafræð-
ingum gert skylt, með samþykki
útgefanda lyfseðils, að kynna
fyrir sjúklingum valmöguleika
þegar ávísað er lyfi og samheita-
lyf þess er skráð. Á þetta við um
samsvarandi samheitalyfja-
pakkningar þegar verðmunur á
þeirri pakkningu sem ávísað er
og þeirri ódýrustu er meiri en
5%. Sjúklingar geta þá sjálfir
tekið ákvörðun um hvort þeir
vilji dýrari eða ódýrari samsvar-
andi samheitalyfjapakkningu.
Vilji læknirinn af einhverjum
ástæðum ekki að lyfjafræðingur
kynni fyrir sjúklingi þessa val-
möguleika verður hann að rita
® fyrir aftan heiti lyfsins. Þetta
fyrirkomulag kemur í stað R/S-
kerfisins.
Síðari reglugerðin, sem er
breyting á reglugerð um
greiðslu almannatrygginga
vegna lyfjakostnaðar, tekur
gildi mánuði síðar en sú fyrri
eða 1. ágúst næstkomandi.
Breytingin hefur það í för með
sér að tekið verður upp svokall-
að viðmiðunarverð (reference
price) sambærilegra samheita-
lyfjapakkninga. Viðmiðunar-
verðið er fundið út frá ódýrustu
samsvarandi samheitalyfja-
pakkningunni að viðbættum
5%. Greiðsluþátttaka almanna-
trygginga miðast við viðmiðun-
arverðið og verður óbreytt frá
því sem nú er fyrir þær pakkn-
ingar sem eru undir viðmiðun-
arverðinu. Hins vegar er gert
ráð fyrir að sjúklingar greiði
þann mismun sem er á verði
dýrari pakkninga og viðmiðun-
arverðsins. Sjúklingurinn tekur
sjálfur ákvörðun um hvort dýr-
ari eða ódýrari kostur er valinn
nema í þeim tilvikum sem lækn-
irinn ritar ® fyrir aftan heiti
lyfsins.
Tekið skal fram að litið er á
næstkomandi júlímánuð sem
aðlögunartíma að breyttum
reglum. Rétt er að undirstrika
að á lista samsvarandi samheita-
lyfjapakkningar sem gefinn
verður út af Heilbrigðis- og
tryggingamálaráðuneytinu eru
eingöngu þau lyf sem enginn
ágreiningur er um að eru fylli-
lega samsvarandi að gæðum. Á
listanum eru bæði lyf sem sjúk-
lingar greiða að hluta og að fullu
sjálfir. Því getur breytt greiðslu-
fyrirkomulag bæði lækkað
kostnað sjúklinga og almanna-
trygginga. Reynslan hefur einn-
ig sýnt að í þeim löndum (til
dæmis Danmörku, Noregi og
Svíþjóð) sem hafa tekið upp
svona fyrirkomulag hefur verð
dýrari samheitalyfja lækkað
fljótlega niður á viðmiðunar-
verðið. Þetta hefur jafnvel gerst
áður en reglur um viðmiðunar-
verð hafa verið settar.