Dagblaðið Vísir - DV - 29.08.2007, Blaðsíða 27

Hljómsveitin Skátar fékk vægast sagt stórgóða dóma í nýjasta tölublaði tónlistartímaritsins Plan B:
Hrikalega stórkostleg plata
Hljómsveitin Skátar gaf út sína
fyrstu breiðskífu í vor en hún nefnist
Ghost of the Bollocks to Come. Bene-
dikt Reynisson, bassaleikari sveit-
arinnar, tók sig til og sendi eintök af
plötunni á nokkur erlend tónlistar-
tímarit, nýlega birtist svo umfjöllun
um hljómsveitina í tónlistartímarit-
inu Plan B þar sem blaðamaður fer
fögrum orðum um sveitina og líkir
henni meðal annars við hina goð-
sagnakenndu glamrokksveit Thin
Lizzy. „Ég hef aldrei heyrt neitt í okk-
ar tónlist sem minnir á Thin Lizzy
en það er frábært band svo það er
gaman að vera líkt við þá. Plan B er
frekar þekkt blað innan jaðartón-
listargeirans í Bretlandi, þetta er því
mikill heiður,“ segir Benedikt sem
segir hljómsveitina alls ekki hafa átt
von á svo gríðarlega góðri umfjöll-
un en í dómnum skrifar blaðamað-
urinn Thom Gibbs meðal annars
að platan sé „terrifyingly brilliant“
sem á íslensku myndi nokkurn veg-
inn þýðast sem hrikalega stórkost-
leg. „Ritstjóri Plan B, Everett True, er
mjög merkilegur maður en það má
eiginlega segja að hann hafi kynnt
Kurt Cobain og hljómsveit hans Nir-
vana fyrir Bretum auk þess að hafa
skrifað í ýmis tónlistartímarit svo
sem NME og fleiri.“ Skátar hafa ver-
ið duglegir við tónleikahald í sum-
ar og fóru meðal annars hringinn í
kringum landið á þrem dögum. „Við
lögðum af stað seinnipart föstudags
og komum aftur á mánudagsmorgni
og spiluðum á þrennum tónleikum.
Svo höfum við spilað alveg helling
en erum í smá tónleikapásu núna
til að semja ný lög svo næstu tón-
leikar eru ekki fyrr en tólfta október
á Organ og svo stefnum við líka að
því að gefa plötuna út erlendis,“ segir
Benedikt að lokum, glaður eftir frá-
bæran plötudóm en hægt er að kíkja
á myspace-síðuna myspace.com/
skatar og heyra nokkur lög af plöt-
unni. krista@dv.is
„Ég var beðinn um þetta fyrir ein-
hverju einu og hálfu ári en það varð
bara ekkert úr því og ég var fastur í
öðrum verkefnum og svona en svo
gafst laus tími og við ákváðum að
vaða bara í þetta og tökurnar hefj-
ast bara á morgun,“ segir Sverrir Þór
Sverrisson, eða Sveppi, sem tekur við
umsjón barnatíma Stöðvar tvö á laug-
ardagsmorgnum í vetur af sjálfum
Afa. „Ég verð líklegast bara Sveppi, Ég
vil reyna að vera svolítið svona hvat-
vís og spinna á staðnum og það er
svolítið erfitt kannski að vera einhver
ákveðinn karakter ef maður er ekki
með handrit fyrir framan sig. Ætli ég
verði samt ekki aðallega bara ég með
svona smá dassi af Sveppa tíu ára,“
segir hann aðspurður hvort hann hafi
hugsað sér að setja sig í einhvern kar-
akter fyrir krakkana. „Það verður ým-
islegt sem ég mun vera að bralla og
ég ætla bara að reyna að hugsa hlut-
ina upp á nýtt í staðinn fyrir að vera
að hugsa hvernig þetta var. Ég veit
ekkert hvort það er gott eða slæmt en
ég ætla að gera bara svolítið það sem
mig langar að gera.“
Hentar vel að skemmta
börnum
Sveppi er uppfullur af hugmynd-
um fyrir barnaefnið og segist meira
að segja luma á nokkrum sem hann
hafi hugsað upp fyrir þáttinn Strák-
ana á sínum tíma. „Ég ætla að dunda
mér svolítið við að nota þær hug-
myndir í barnaefnið. Það er allt eitt-
hvað sem var of „soft“ fyrir Strákana
og hentar þessum þætti miklu frek-
ar.“ Sviðsmyndin kemur til með að
vera barnaherbergið hans Sveppa
sem hann segir líta út eins og her-
bergi sem hann hafi óskað þess að
eiga þegar hann var barn. „Þetta er
bara krúttlegt barnaherbergi þar
sem úir og grúir af ýmsum skemmti-
legum hlutum.“ Það er ekkert nýtt
fyrir Sveppa að skemmta yngri kyn-
slóðinni en hann hefur meðal ann-
ars leikið í barnaleikritinu Kalla
á þakinu við góðar viðtökur. „Það
hentar mér ágætlega að skemmta
börnum. Það er náttúrulega aðeins
erfiðara að leika fyrir þau á sviði en
í sjónvarpi því maður finnur kanski
minna fyrir því að krakkinn standi
upp og slökkvi á sjónvarpinu held-
ur en að horfa á hann ganga út úr
leikhúsinu. En það er smá áskorun
fólgin í að skemmta börnum, þau
eru kröfuharður hópur en einlæg
og mjög skemmtilegt að skemmta
þeim. Ég er svo að fara að leika í
öðru barnaleikriti í Borgarleikhús-
inu í vetur en þar fer ég með hlut-
verk Tuma Engisprettu í uppfærsl-
unni á Gosa“
Fór á kostum sem Flóki
Þrátt fyrir að hafa ekkert lagt stund
á leiklistarnám hefur Sveppi haft í
nógu að snúast, bæði í sjónvarpi og á
sviði og nú síðast í kvikmyndinni Ast-
rópíu. „Það má eiginlega bara segja
að ég sé sjálflærður trúður. Þetta form
listarinnar hefur alltaf heillað mig og
mér finnst þetta svo gaman allt sam-
an. Það er náttúrulega mikil vinna
sem liggur að baki og þetta er alls
ekkert rétt upp í hendurnar á mér. Ég
var í fyrsta sinn að leika í kvikmynd
núna þegar ég lék í Astrópíu og það
var mjög skemmtilegt,“ segir Sveppi
sem fer með hlutverk ofurnördsins
Flóka í kvikmyndinni Astrópíu þar
sem má með sanni segja að hann
standi sig gríðarlega vel. „Ég er sjálf-
ur enginn svona hlutverkaleikjanörd
og get alveg viðurkennt að það voru
alveg nokkrar setningar í handritinu
sem ég skildi bara ekkert í.“ Sveppi
mun ekki einungis birtast á skjánum
í barnaefninu heldur mun honum
einnig bregða fyrir í sjónvarpsþætt-
inum Stelpunum ásamt félögum
sínum þeim Pétri og Audda en þeir
þremenningar voru tíðir gestir á
sjónvarpsskjánum með þáttinn sinn
Strákana. „Ég viðurkenni alveg að
það koma stundir þar sem ég vildi
óska þess að ég væri á hverjum degi
að fíflast í sjónvarpinu með Audda
og Pétri og þá sérstaklega þegar það
detta inn svona undarleg mál í þjóð-
félaginu sem mig klæjar bara í putt-
ana yfir að fá að ræða opinberlega,
eins og það að það sé verið að leggja
alla í einelti á Veðurstofunni og að
Aron Pálmi sé kominn heim og svo-
leiðis atriði,“ segir Sveppi hress og
kátur að lokum.
krista@dv.is
Leikstýrir
Bruce Willis
Oliver Stone er á lokastigi með
viðræður um að leikstýra 40 milljóna
dala
myndinni
Pinkville
með Bruce
Willis í
aðalhlut-
verki.
Myndin, sem
er byggð á
sönnum
atburðum,
fjallar um
hershöfð-
ingjann
William R. Peers sem er leikinn af
Willis. Hann rannsakar frægu
fjöldamorðin í My Lai í Víetnamstríð-
inu þar sem bandarískir hermenn
myrtu um 500 óbreytta borgara. Þá
mun Channing Tatum úr myndinni
Step Up leika þyrluflugmann sem
bjargaði óbreyttum borgurum og
vitnaði gegn hermönnunum.
Sverrir Þór Sverrisson, betur þekktur sem Sveppi, fer á kostum í hlutverki Flóka í
kvikmyndinni Astrópíu en í vetur mun hann sjá um að skemmta börnunum á Stöð 2
um helgar auk þess sem mun glitta í hann í gamanþáttunum Stelpunum.
föstudagur 29. ágúst 2007DV Bíó 27
10.000
á Astrópíu
Íslenska kvikmyndin Astrópía eftir
leikstjórann Gunnar B. Guðmunds-
son gerði það gríðarlega gott um
helgina sem leið og þénaði um 9
milljónir króna í aðgangseyri. Í
kringum 10.000 manns sáu myndina
um helgina og var hún því
vinsælasta mynd helgarinnar. Hún
skaut myndinni The Bourne
Ultimatum ref fyrir rass en hún
hefur fengið gríðarlega góða dóma
alstaðar. Þar fer Matt Damon á
kostum sem leyniþjónustupjakkur-
inn Jason Bourne.
Robert
verður Sóló
Robert Downey Jr. mun leika með
Jamie Foxx í kvikmyndinni The
Soloist.
Myndin er
byggð á
sannsöguleg-
um atburðum
og kemur
Downey til
með að leika
Steve Lopez,
dálkahöfund
hjá L.A Times,
sem
uppgvötvar
heimilislausa fiðlusnillinginn
Nathaniel Ayers. Eftir að hafa
komist að því að Ayers var algjör
tónlistarhetja þar til geðhvarfasýki
gerði honum ókleift að halda
áfram, fór Lopez að skrifa dálka um
fiðlusnillinginn og með þeim
myndaðist samband sem breytti lífi
þeirra beggja. Tökur hefjast í Los
Angeles í janúar.
Eins og Thin Lizzy skátum var líkt við glamrokksveitina í tímaritinu Plan B.
SJÁLFLÆRÐUR TRÚÐUR
RÚBÍNINN