Dagblaðið Vísir - DV - 29.08.2007, Blaðsíða 32

Fuglar gerðu sig heimakomna í Glæsibæ:
Skutu starra í búðinni
Starrar gerðu sig heimakomna í
verslun 10-11 í Glæsibæ um þriggja
daga skeið. Heiða Rögnvaldsdóttir
aðstoðarverslunarstjóri segist hafa
tekið eftir því á laugardag að nokkrir
starrar sátu á rörum uppi í loftinu og
strax gert meindýraeyði viðvart. Hún
segir hann hafa komið tvo morgna og
skotið starrana með loftbyssu áður
en viðskiptavinum var hleypt inn.
Mikil leit var gerð í Glæsibæ að
götum sem starrarnir komust inn
um en þeir virtust leggja leið sína í
verslunarkjarnann eftir að búðum
var lokað að kvöldi. Þeir litu við í
nokkrum verslunum en virtust hrifn-
astir af 10-11. Heiða telur ástæðuna
vera þá að þar sé mesta lofthæðin
enda sæki þeir í að vera hátt uppi. Á
mánudag fannst loks hvar starrarnir
komust inn og þeim inngangi á þak-
inu lokað.
Að sögn Heiðu sóttu fuglarnir
ekki í matvöruna og ullu því engum
skemmdum. Hún segir að frá laug-
ardeginum hafi bæði meindýraeyð-
ir og hreingerningarfólk mætt mjög
snemma til að þrífa og sótthreinsa.
Það hafi því aðeins verið fyrsta dag-
inn sem starrar voru í versluninni á
opnunartíma en Heiða lokaði búð-
inni strax og hún kom auga á fugl-
ana.
Hjá tveimur meindýraeyðum í
Reykjavík fengust þær upplýsing-
ar að það væri með öllu ólöglegt að
skjóta starra með loftbyssu þar sem
þeir væru friðaðir og að slík vinnu-
brögð væru ekki viðhöfð hjá almenn-
um meindýraeyðum. Annar lét þess
einnig getið að starrar væru ekki
mikil plága í sumar og að taka þyrfti
um eitt hreiður á viku sem áður hefði
verið tæmt.
Ekki fengust upplýsingar um
hvaða meindýraeyðir var að verki í
verslun 10-11 aðrar en þær að hann
ynni fyrir fyrirtækið.
Algengt er að starrar geri hreið-
ur sín í glufum og holum mannabú-
staða við litla hrifningu íbúa vegna
starraflóarinnar sem getur valdið
miklum óþægindum.
erla@dv.is
Aðeins er einn læknir í einu á bak-
vakt fyrir báðar stærri björgunar-
þyrlur Landhelgisgæslunnar. Ef
báðar þyrlurnar eru kallaðar út þarf
að leita uppi lækna sem eru á frívakt
til að sinna verkefninu. „Ég er ósátt-
ur við þetta ástand og hef ákveðið að
draga mig í hlé,“ segir Friðrik Sigur-
bergsson læknir. Hann sér í dag um
að manna vaktir og hefur komið að
þyrluflugi Landhelgisgæslunnar í
rúma tvo áratugi.
Friðrik segir að oftsinnis hafi
komið upp sú staða að báðar
þyrlurnar hafi verið kallaðar út. „Ég
er ekki viss um að það sé réttlæt-
anlegt að fara í leiðangur án þess
að hafa lækni með í ferðinni,“ segir
hann.
Gæslan vill fleiri lækna
Þyrlulæknar starfa samkvæmt
samningi milli dómsmálaráðuneytis
og heilbrigðisráðuneytis. Dagmar Sig-
urðardóttir, upplýsingafulltrúi Land-
helgisgæslunnar, segir að ástæðan fyr-
ir að aðeins einn læknir sé á bakvakt sé
ekki sú að Landhelgisgæslan vilji ekki
manna báðar vaktirnar, heldur þurfi
ákvörðun þar um að koma frá ráðu-
neytunum.
Í fjárveitingum til Landhelgis-
gæslunnar er aðeins gert ráð fyrir að
Gæslan borgi tryggingar fyrir þyrlu-
læknana. Að öðru leyti fá læknarnir
laun sín frá Landspítalanum. „Auðvit-
að kostar það eitthvað að manna aðra
vakt. Ég tel samt ekki að við tökum of
háar greiðslur fyrir þessa vinnu. Þeg-
ar menn eru kallaðir úr fríi til að fara
í leiðangur með þyrlu er það oftast án
þess að tekin sé greiðsla fyrir,“ segir
Friðrik.
Að bjarga mannslífum
Friðrik bendir á að í mörgum til-
vikum sæki þyrlurnar alvarlega slasað
fólk við afar erfiðar aðstæður. „25 til 30
sinnum á ári lendum við í því að beita
verulegum læknisfræðilegum inn-
gripum, til þess annaðhvort að bjarga
lífi viðkomandi einstaklings eða koma
í veg fyrir örkuml,“ segir hann.
Stundum komi það fyrir að áverkar
séu minni en talið var í fyrstu en það
sé þó aldrei hægt að vita fyrir fram.
„Þannig þykir mér óvíst hvort það sé
réttlætanlegt að fara í þyrluútkall án
þess að hafa um borð einstakling með
læknisfræðilega reynslu og þjálfun.“
Um síðustu helgi kallaði togari á
veiðum eftir aðstoð þyrlu. Á sama tíma
stóðu yfir sjúkraflutningar og björgun-
araðgerðir vegna rútuslyss í Bessa-
staðafjalli í Fljótsdal. „Það má benda á
mörg fleiri atvik sem þessi. Þarsíðustu
helgi þurfti að sækja konu sem lent
hafði í hestaslysi. Þarna þurftum við
að hóa í lækni sem ekki átti að vera á
vaktinni,“ segir Friðrik.
miðvikudagur 29. ágúst 2007 n Dagblaðið vísir stofnað 1910
FréttAskot
5 1 2 7 0 7 0
DV borgar 2.500 krónur fyrir fréttaskot sem leiðir til frétta.
Fyrir besta fréttaskot vikunnar greiðast 5.000 krónur.
Að auki eru greiddar 10.000 krónur fyrir besta fréttaskot hvers mánaðar.
Þannig er hægt að fá 15.000 krónur fyrir besta fréttaskot mánaðarins.
Skotveiðitímabilið er byrjað...
ÞYRLULÆKNIR HÆTTIR
VEGNA OF MIKILS ÁLAGS
Friðrik sigurbergsson hættir vegna óánægju með undirmönnun:
Þoka Það var mikil þoka yfir Reykjavíkurborg í gær og frekar haustlegt. Grár turn Hallgrímskirkju virkaði frekar kuldalegur í
þessum aðstæðum. DV-MYND STEFÁN
Hermann
faðir Lúðvíks
Niðurstöður úr DNA-rannsókn
hafa leitt í ljós að 99,9 prósenta lík-
ur eru á því að Hermann Jónasson
sé faðir Lúðvíks Gizurarsonar, sem
er þar með hálfbróðir Steingríms
Hermannssonar. Lúðvík hefur lengi
barist í dómstólum fyrir því að fá
faðernið viðurkennt. Í tilkynningu
frá Lúðvík segist hann gleðjast yfir
því að málinu fari nú að ljúka, en
segir niðurstöðuna jafnframt ekki
hafa komið sér á óvart. „Hún er stað-
festing þess sem móðir mín sagði
mér alla tíð um faðerni mitt,“ segir í
tilkynningunni.
Lalli brýtur
gegn velsæmi
Auglýsingar Öryggismiðstöðvar-
innar þar sem Lalli Johns er notaður
til að auglýsa þjófavarnakerfi fyrir
heimili brjóta gegn siðareglum Sam-
bands íslenskra auglýsingastofa.
Siðanefnd sambandsins komst
að þeirri niðurstöðu að auglýsing-
arnar brytu gegn fyrstu grein siða-
reglna SÍA um almennt velsæmi.
Siðanefndin ályktaði einnig að
blaðaauglýsing með Lalla Johns
ein og sér brjóti gegn fyrstu tölulið
þriðju greinar siðareglna SÍA um
ástæðulausan ótta. Í auglýsingunni
stóð: „Hver vaktar þitt heimili?“ með
mynd af Lalla fyrir neðan. Siða-
nefndin ályktaði að með þessu væri
verið að gefa í skyn að Lalli myndi
brjótast inn.
Glæsibær Meindýraeyðir skaut starra
með loftbyssu í verslun 10-11.
Landhelgisgæsluþyrla Aðeins einn
læknir er á bakvakt fyrir Gæsluna á
meðan áhafnirnar eru tvær.
siGtryGGur Ari jóhAnnsson
blaðamaður skrifar: sigtryggur@dv.is
Leituðu á ný
Leitað var að þýsku ferðamönn-
unum við Svínafellsjökul í gær. Leit-
in bar ekki árangur og var henni því
hætt. Lítill bakpoki og plastpokar
sem fundust eru taldir hafa verið í
eigu Þjóðverjanna sem leitað hefur
verið að. Þyrla Landhelgisgæslunn-
ar TF-Eir fór á vettvang með fulltrúa
Ríkislögreglustjóra auk fjallamanna
úr björgunarsveit Slysavarnafélags-
ins Landsbjargar á Höfn. Fundur-
inn gaf tilefni til að leita neðar á
jöklinum, en áður var talið ólíklegt
að mennirnir hefðu farið um það
svæði.
59 keyrðu of hratt
Lögreglan á höfuðborgarsvæðinu
stöðvaði fimmtíu og níu ökumenn
fyrir hraðakstur um síðustu helgi. Á
vef lögreglunnar segir að brotin hafi
verið misalvarleg en sem dæmi má
nefna mældist bíll á 158 kílómetra
hraða á Vesturlandsvegi, annar á
121 á Sæbraut og sá þriðji á 93 á
Sævarhöfða. Lögreglan var einnig
með öflugt eftirlit á Hafnarfjarðar-
vegi, Fífuhvammsvegi, Gullinbrú
og í Hamrahlíð. Um helgina voru 53
umferðaróhöpp tilkynnt til lögregl-
unnar á höfuðborgarsvæðinu.
Páll Hreinsson
í Hæstarétt
Björn Bjarnason dómsmála-
ráðherra skipaði í gær doktor
Pál Hreinsson lagaprófessor í
embætti hæstaréttardómara. Páll
tekur til starfa þann 1. september
og verður þá yngstur hæstaréttar-
dómara, 44 ára. Páll er sérfræð-
ingur í stjórnsýslurétti og með-
ferð persónuuplýsinga.
Aðrir umsækjendur um emb-
ættið voru þau Sigríður Ingvars-
dóttir héraðsdómari, Þorgeir
Örlygsson, dómari við EFTA-
dómstólinn í Lúxemborg, og
Viðar Már Matthíasson lagapróf-
essor.