Dagblaðið Vísir - DV - 11.10.2007, Blaðsíða 14

fimmtudagur 11. október 200714 Átök í Ráðhúsinu DV
Fanný Guðbjörg Jónsdóttir, nemi í stjórnmálafræði
Meirihlutinn mun standa
Hvað finnst þér um málið í heild sinni?
„Það verður að segjast að málið er gruggugt.“
Er einhver sökudólgur öðrum fremur í þessu máli?
„Það mun koma í ljós síðar.“
Hver finnst þér hafa staðið sig best í málinu?
„Svandís Svavarsdóttir hefur staðið sig vel. Hún hefur vakið mikla athygli á þessu máli.“
Finnst þér að einhver eigi að víkja?
„Nei, ég er alls ekki sammála því að einhver eigi að víkja.“
Stendur meirihlutinn þetta af sér?
„Já, meirihlutinn mun gera það. ekkert mál.“
Helgi Guðmundsson, þjónustufulltrúi hjá Símanum
Margt jákvætt
Hvað finnst þér um málið?
„Þetta er mjög mikill málflutningur í allar áttir og þetta er ekki einfaldasta mál í heimi að
átta sig nákvæmlega á. Ég hef persónulega ekki gert upp við mig hvort ég tel að þetta sé
skynsamlegur eða óskynsamlegur gjörningur. Ég hallast jafnvel að því að hann sé
skynsamlegur. en það sem mér finnst vera alvarlegt í þessu er allur aðdragandi málsins.
Vinnubrögðin eru ámælisverð, þegar verið er að flýta sér svona í málinu, þá veltir maður
fyrir sér hvers vegna. Líklega vegna þess að það er eitthvað sem þolir ekki alveg fullopið
dagsljós.“
Er einhver sökudólgur öðrum fremur í málinu?
„málið í heild sinni. Hingað til hef ég ekkert haft út á bjarna Ármannsson og borgarfulltrú-
ana að setja. Ég hef verið að mörgu leyti hlynntur þeim, en eitthvað hefur þrýst á þá.“
Hver hefur staðið sig best frá því umræðan fór af stað?
„mér finnst Svandís hafa staðið sig vel í að beina athyglinni á rétta staði. Hún hefur ekki
verið að festa sig í því að samruninn sé réttur eða rangur heldur hefur hún haldið sig í
meginatriðum málsins sem var fundurinn þar sem þetta var allt ákveðið.“
Á einhver að huga að því að víkja?
„mér finnst allt í lagi að leyfa þessu að ganga yfir. Það er ekki rétt að segja til um það á
þessum tímapunkti.“
Stendur meirihlutinn þetta af sér?
„Já, það held ég. Hann fékk það sterka kosningu síðast.“
Finnbogi Eyjólfsson, áheyrandi í sal
Ekki tímabært
að setja neinn
í tukthúsið
Hvað finnst þér um málið?
„mér finnst þetta mál þarfnast mikillar og
ítarlegrar umræðu og hún fór að hluta fram á
þessum fundi. Því miður verður að segjast eins
og er að ég er ekki ánægður með mína menn í
borgarstjórninni.“
Er einhver sökudólgur öðrum fremur í
málinu?
„Það er ekki tímabært að setja neinn í
tukthúsið, en þessi umræða hefur upplýst
mann meira, en þó ekki nóg. Því miður finnst
mér að borgarstjórinn, minn ágæti vinur, sé í
afleitri stöðu.“
Hver hefur staðið sig best frá því umræðan
fór af stað?
„Það kom fram kona sem heitir Svandís
Svavarsdóttir og hún er stórkostleg í málflutn-
ingi. Hennar málflutningur hefur verið mjög
sannfærandi í málinu.“
Á einhver að huga að því að víkja?
„Það er ekki komið að því ennþá. Hins vegar,
þegar öll kurl eru komin til grafar, þá er það vel
hugsanlegt.“
Stendur meirihlutinn þetta af sér?
„Ég hugsa það nú.“
Guðfinnur Sveinsson, dagskrárgerðarmaður og nemi
Málið allt hið versta
Hvað finnst þér um málið?
„mér finnst það allt hið versta og meirihlutinn í borgarstjórn hefur staðið sig
gríðarlega illa með því að taka ekki ábyrgð á gjörðum stjórnar rei. og heldur ekki í
stjórn orkuveitunnar, hvort sem það er með fundarboðið umdeilda eða annað.“
Er einhver sökudólgur öðrum fremur í málinu?
„Ég myndi segja meirihluti borgarstjórnar, ábyrgðarleysi hans og að sjálfsögðu stjórn
rei, hvað varðar kaupréttarsamninga. einnig má nefna stjórnarformann orkuveitunn-
ar með fundarboði sem lítur út fyrir að vera ólöglegt.“
Hver hefur staðið sig best frá því umræðan fór af stað?
„fulltrúar Samfylkingar, vinstri grænna og frjálslyndra hafa sýnt góða andstöðu eins
og þeir verða að gera.“
Á einhver að huga að því að víkja?
„Já, mér finnst að Vilhjálmur ætti að taka það alvarlega til íhugunar hvort hann ætti að
víkja. Ég veit ekki hvort það verður til góðs eða ills, en hann verður að minnsta kosti að
huga að því.“
Stendur meirihlutinn þetta af sér?
„Já, hann mun gera það, eins og hann gerði eftir Íraksstríðið og fleiri slæm mál.“