Fréttatíminn - 25.04.2014, Blaðsíða 11

H
VÍ
TA
H
Ú
SI
Ð
/S
ÍA
Ótakmarkað fyrir
alla fjölskylduna
með RED Family
Með RED Family fá allir í fjölskyldunni
ótakmörkuð símtöl og SMS óháð kerfi í alla
farsíma og heimasíma á Íslandi. Allir samnýta
gagnamagnið og fjölskyldan fær einn símreikning.
Skiptu yfir í Vodafone RED á vodafone.is
Vodafone
Góð samskipti bæta lífið
2,5 GB
SAMEIGINLEGT GAGNAMAGN
ÓTAKMÖRKUÐ SÍMTÖL
ÓTAKMÖRKUÐ SMS
RED
Family
Dæmi:
Margt af því fólki sem tekur þátt í
undirbúningnum hefur árum saman,
samkvæmt heimildum Fréttatímans,
reynt að beina Sjálfstæðisflokknum aft-
ur á braut frelsis í viðskiptum og sam-
keppni á öllum sviðum. Ástæðan fyrir
því að talað er um að flokkurinn verði
stofnaður nú, þegar þrjú ár eru í næstu
alþingiskosningar, er sú ákvörðun
ríkisstjórnarinnar að stöðva aðildarvið-
ræður við Evrópusambandið, án þess
að boða til þjóðaratkvæðagreiðslu um
málið eins og lofað hafði verið. Það var
kornið sem fyllti mælinn. Samkvæmt
heimildum Fréttatímans hefur þessi
hópur í Sjálfstæðisflokknum beðið
lengi eftir að ástandið í flokknum breyt-
ist, en nú hafi það sýnt sig að svo verði
ekki. Samleið með þessu fólki eiga all-
margir sem lengst af hafa verið öðrum
flokkum en finnst flokkarnir ekki hafa
þróast í takt við breytta tíma á 21. öld.
Hópur fólks hefur komið saman að
undanförnu í því skyni að leggja drög
að stofnfundi. Auk Benedikts hefur
fleira þungavigtarfólk úr Sjálfstæðis-
flokknum komið að undirbúningnum,
samkvæmt heimildum Fréttatímans, til
dæmis þær Hanna Katrín Friðriksson,
fyrrverandi aðstoðarmaður ráðherra
og framkvæmdastjóri hjá Icepharma
og Jórunn Frímannsdóttir, fyrrverandi
borgarfulltrúi Sjálfstæðisflokksins.
Einnig hafa verið nefnd nöfn eins og
Þorsteinn Pálsson, fyrrverandi for-
sætisráðherra, Þorgerður Katrín Gunn-
arsdóttir, fyrrverandi ráðherra, Helgi
Magnússon, fyrrverandi formaður
Samtaka iðnaðarins, Davíð Stefánsson
fyrrverandi formaður Sambands ungra
Sjálfstæðismanna og Vilhjálmur Egils-
son, rektor Háskólans á Bifröst. Sveinn
Andri Sveinsson hefur stofnað vefsvæði
á Facebook sem hann kallar Nýi Sjálf-
stæðisflokkurinn, en hefur ekki tekið
þátt í fundahöldum fyrrgreindra aðila.
Þótt margir af þeim sem eru virkir í
starfinu komi úr Sjálfstæðisflokknum
er það að sögn Benedikts alls ekki
markmiðið að kljúfa hann. „Allir sjá
að Sjálfstæðisflokkurinn, sem var með
milli 35 og 40% fylgi í skoðanakönn-
unum fram að landsfundinum í febrúar
2013, fékk ekki nema tæplega 27% fylgi
í kosningunum vorið eftir það. Nú sýna
kannanir enn minna fylgi. Meirihluti
þingflokksins vill ekki efna það loforð
sem gefið var um að kosið skyldi um
framhald Evrópusambandsviðræðn-
anna. Margt fólk finnur sig ekki lengur
innan dyra Sjálfstæðisflokksins og
finnst það landlaust í pólitíkinni. Í ljós
kemur að sú tilfinning á líka við um
fleiri. Kannanir benda til þess að fylgi
Sjálfstæðisflokksins muni lítið minnka
frá því sem það er núna í skoðanakönn-
unum þó að nýr frjálslyndur flokkur
komi fram,“ segir hann.
Grunnstefnan í mótun
Að sögn Benedikts hefur hópurinn
rætt um grunnstefnu. „Gengið er út frá
grundvallarsjónarmiðum um frjálsa
samkeppni og vestræna samvinnu.
Helstu baráttumálin eru að niður-
greiðslur, framleiðslustyrkir, tollar og
samkeppnishindranir hverfi og að Ís-
land einangrist ekki. Við viljum afnema
höft og bjóða upp á fjölbreytt atvinnu-
tækifæri og að ríkið fari vel með sína
fjármuni og lækka ríkisskuldir. Evr-
ópusambandið væri tæki til þess að ná
samtímis mörgum þeim markmiðum,
sem við viljum ná,“ segir Benedikt.
„Við viljum bæta skilyrði í atvinnulíf-
inu og gera þau sambærileg við löndin
í kringum okkur, til að mynda hvað
varðar fjármagnskostnað. Við viljum
að einstaklingar njóti sömu fjölbreytni
í viðskiptum og aðrar þjóðir og fólk
geti sjálft til dæmis ráðið því hvort það
kaupir ost sem búinn er til í Búðardal
eða á Ítalíu. Við viljum líka að ungt fólk
hér á landi geti í framtíðinni eignast
húsnæði á sambærilegum kjörum og í
nágrannalöndunum,“ segir hann.
Benedikt segir að nýi flokkurinn
muni horfa mikið til markaðslausna
almennt. „Það mega ekki vera margar
heilagar kýr í kerfinu, til að mynda
menntakerfinu, og ríkið á að fara vel
með peninga,“ segir hann.
„Til lengri tíma litið er aðalhættan
sú að ef við ætlum að vera hér með
lokað haftaland fer efnilegasta fólkið úr
landi og kýs að starfa í öðrum löndum
þar sem tækifærin eru meiri. Þetta
er miklu meiri hætta en fólk gerir sér
grein fyrir. Við verðum að skapa hér
tækifæri fyrir fjölbreytt atvinnulíf.
Það getur vel verið að hér verði full
atvinna – en er það atvinna af því tagi
sem við viljum? Það var full atvinna
hér til sveita áður fyrr en nú getum við
unnið fjölda þeirra starfa með einni
vél á einum degi. Við þurfum að auka
framleiðni í atvinnulífi og komast á par
við aðra,“ segir hann. Benedikt nefnir
til að mynda á McKinsey-skýrsluna
svokölluðu sem kom út í lok árs 2012
þar sem bent var á framleiðni í íslenska
bankakerfinu væri með því lakasta
sem þekkist. „Afleiðingin er sú að við
þurfum að borga hæstu vextina, jafnt
í atvinnulífinu sem og á lánum til ein-
staklinga, líkt og húsnæðislán. Vextir
hér á landi eru á bilinu 7-10% á meðan
fólk og fyrirtæki greiða um 3-5% í vexti
víða í kringum okkur,“ segir Benedikt.
„Það kemur svo víða niður á þjóðlífinu
ef við viljum vera með lokað haftasam-
félag frekar en opið. Ef við göngum
í Evrópusambandið opnast margar
dyr samtímis. Innganga í Evrópusam-
bandið er ekki markmiðið í sjálfu sér,
heldur tæki sem hjálpar okkur að ná
þeim markmiðum sem við viljum ná,“
segir Benedikt.
Sigríður Dögg Auðunsdóttir
sigridur@frettatiminn.is
„Margt fólk finnur sig ekki lengur
innan dyra Sjálfstæðisflokksins
og finnst það landlaust í
pólitíkinni. Í ljós kemur að sú til-
finning á líka við um fleiri,“ segir
Benedikt Jóhannesson, sem er í
forsvari fyrir nýjan hægriflokk.
Ljósmynd/Hari
fréttaskýring 11 Helgin 25.-27. apríl 2014