Sveitarstjórnarmál - 01.06.1952, Page 13

SVEITARSTJÓRNARMÁL
9
að og nemur á þessu ári milli 230.00 og
240.00 krónum fyrir kvæntan mann á fyrsta
verðlagssvæði.
Mjög hefur verið að því fundið, að ákvæði
almannatryggingalaganna um heilsugæzlu
hafi, því miður, enn eigi komið til fram-
kvæmda. En rétt er í þessu sambandi að
gera sér grein fyrir því í hverju mismunur-
inn á núverandi fyrirkomulagi, og því, sem
heilsugæzlukafli laganna gerir ráð fyrir,
liggur.
Sjúkrahjálp sú, sem samlögin nú veita,
þ. e. læknishjálp, lyf og sjúkrahúsvist, er í
aðalatriðum hin sama og veita ber samkv.
heilsugæzlukaflanum, að öðru leyti en því,
að nú greiða samlögin heimilislækni að fullu,
cn samkv. heilsugæzlukaflanum, átti Trygg-
ingastofnunin að greiða þeim að 3/4 hlutum,
en sjúklingurinn sjálfur að greiða lA hluta.
Eru því fríðindin, sem samlögin veita í þessu
efni, talsvert ríflegri en almannatn’gginga-
lögin ákveða.
Ríkisframfærsla sjúkra manna og örkumla
greiðir dvalarkostnað þeirra, sem haldnir eru
langvinnum alvarlegum sjúkdómum, svo
sem berklaveiki, geðveiki 0. fl., á sama hátt
og gert var ráð fyrir, samkv. heilsugæzlu-
kaflanum. Munurinn í þessu efni, er því sá
einn, að kostnaðurinn er nú greiddur af rík-
issjóði (Ts) og sveitarsjóðum (Vs), en ekki af
tekjum trygginganna, enda hafa framlög
þessara aðila til trygginganna verið lækkuð
með tilliti til þessa kostnaðar, eins og ið-
gjöld hinna tryggðu til Tryggingastofnunar-
innar hafa verið lækkuð, meðan þeir greiða
sérstök iðgjöld til sjúkrasamlaganna.
Frestun á framkvæmd heilsugæzlunnar
hefur því ekki orðið til þess að draga úr
sjúkrahjálpinni almennt, og heldur ekki til
þess að skerða hlut þeirra, sem haldnir eru
alvarlegum langvinnum sjúkdómum og ríkis-
framfærslan nú greiðir fyrir.
Hins vegar hefur heilsuverndarstarfsemin
til þessa orðið miklum mun minni en til var
ætlazt og sú skipulagsbreyting, sem að var
stefnt í lögunum, ekki kornizt í framkvæmd.
Veldur þar miklu um skortur á heilsuvernd-
ar- og lækningastöðvum, og á nægilegum
sjúkrahúsum hér í Reykjavík.
Til þess að veita nokkra hugmynd um, hve
sjúkrahjálpin nemur miklu, hefur Trygg-
ingastofnunin, sem hefur urnsjón með starf-
semi sjúkrasamlaganna, látið semja sundur-
hðaða yfirlitsskýrslu um heildarútgjöld allra
samlaganna samtals á árunum 1947—1950.
Á þessum árum voru sjúkratryggingar ekki
lögboðnar um land allt, og tóku því ekki til
nema 85%—90% allra landsmanna.
Útgjöld s/úkrasaniJaganna árin 1947—1950.
1947 1948 1949 1950
í millj. í millj. í millj. í millj.
kr. % kr. % Jcr. % kr. %
Læknishjálp ............. 5,3 33,8 5,5 32,5 6,6 33,7 7,8 32,9
Lyf ..................... 3.9 24.8 4.1 24.3 5.1 26.0 6.2 26.2
Sjúkrahúskostnaður . 4.0 25.5 4.6 27.2 5.0 25.5 6.4 27.0
Ýmisl. sjúkrakostn. . 0.9 5.7 1.0 5.9 1.1 5.6 1.2 5.1
Innh., skrifstofuk. . . 1.6 10.2 1.7 10.1 1.8 9.2 2.1 8.9
Saintals 15.7 100.0 16.9 100.0 19.6 100.0 23.7 100.0
Vextir og ýmsar tekj. 0.4 0.5 0.5 0.5
Mismunur 15.3 16.4 19.1 23.2