Sveitarstjórnarmál - 01.10.1984, Síða 34

FRÆBSLUMÁL
Jón H. Magnússon, verkfræðingur:
Tölvuvæðing í íslenzkum
skólum
Samstarf milli skóla, atvinnulífs og sveitarfélaga
Hefðbundin iðnaðarþjóðfélög eru
núna að þróast yfir í það, sem nefnt
er upplýsingaþjóðfélög. í þessum
þjóðfélögum verður þekking og
greiður aðgangur að alls konar
upplýsingum um tækninýjungar og
hagnýtingu þeirra afgerandi fyrir
efnahagslegar framfarir.
Eitt mikilvægasta hjálpartæki
mannsins í upplýsingaþjóðfélaginu
verður tölvan ásamt margs konar
tækjabúnaði til þess að vinna úr og
geyma alls konar upplýsingar.
Til þess að geta hagnýtt sér sem
bezt möguleika þessara hjálpar-
tækja reyna öll menningarþjóðfélög
að efla tölvufræðslu f skólum og
námskeiðahald fyrir atvinnulífið.
Efling tölvufræðslu í skólum
landsins
Á íslandi er fyrirhugað að efla
tölvufræðslu í skólum landsins.
Tölvufræðsla þessi hefur ekki verið
skipulögð endanlega, og ekki er al-
veg Ijóst, hvernig fjármagna eigi
tölvukaup skólanna. Verið er að
vinna að gerð ýmissa kennsluforrita
og námsgagna um tölvufræðslu á
nokkrum stöðum eins og við Kenn-
araháskólann. Nokkrir skólar hafa
nú þegar hafið markvissa fræðslu
fyrir kennara sína með sérstökum
námskeiðum.
Nokkrir skólar hafa einnig hafið
umfangsmikla tölvufræðslu að eigin
frumkvæði, og margir skólar eru að
undirbúa kaup á tölvubúnaði.
Samstarf við atvinnulífið
Fyrir skóla úti á landi er áhuga-
vert að hafa samstarf við atvinnu-
lífið um val á tölvubúnaði, sem nýta
má til þess að halda námskeið fyrir
starfsmenn í nærliggjandi fyrirtækj-
um, sjúkrahúsum og opinberum
skrifstofum.
Viða erlendis er nokkuð algengt,
að atvinnulífið taki þátt í að fjár-
magna þessi kaup skólanna á
tækjabúnaði með það fyrir augum
að fá betur menntað starfsfólk í
framtíðinni og til þess að fá betri
möguleika á að halda námskeið
fyrir starfsfólk sitt.
Stofnun tölvuklúbba
Segja má, að tölvur séu nokkuð
vinsæl leiktæki hjá mörgum ungl-
ingum, og eru þeir almennt fljótir að
læra á þær. Fæstir unglingar, sem
áhuga hafa á að læra á þær, hafa
samt efni á að kaupa sér vandaðan
tölvubúnað til þess að æfa sig á og
skrifa eigin forrit. Þess vegna hlýtur
að vera áhugavert, að skólar lands-
ins kanni áhuga og möguleika á að
stofna sérstaka tölvuklúbba, þar
sem unglingar fá afnot af tölvubún-
aði skólanna á kvöldin og um
helgar.
Tölvuver
Tölvufræðsla í hverjum einstök-
um skóla hlýtur að fara mikið eftir
áhuga kennara í viðkomandi skóla
og möguleikum skólans á að fjár-
magna kaup á hagkvæmum bún-
aði. Þá skiptir miklu máli áhugi
nærliggjandi fyrirtækja á að taka
þátt í kaupum á tölvubúnaðinum.
Markmið hvers skóla hlýtur að
vera að reyna að koma sér upp
vönduðu „tölvuveri" með nauðsyn-
legum tölvubúnaði til kennslu og
námskeiðahalds fyrir atvinnulífið.
Jón H. Magnússon, verkfræðingur,
starfar sem ráðgjafi á sviði tölvumála
fyrir skóla og atvinnufyrirtæki.
brigðisnefndum ber að senda hlutaðeigandi
sveitarstjórnum fyrir 15. október ár hvert tillögu að
fjárhagsáætlun (um útgjöld til heilbrigðiseftirlits)
fyrir næsta ár. Sveitarstjórnir taka síðan endan-
legar ákvarðanir um útgjöld og framlög til
heilbrigðiseftirlits við afgreiðslu fjárhagsáætlunar
sveitarfélagsins. Með þessari lagabreytingu er
verið að tryggja, að einstakar sveitarstjórnir, sem
bera kostnað vegna heilbrigðiseftirlits, ráði því,
hver sá kostnaður verður.
í öðru lagi er nýmæli ( lögunum um heimild
sveitarstjórna til að innheimta gjald af eftirlits-
skyldri starfsemi skv. gjaldskrá, sem heilbrigðis-
ráðherra staðfestir, s. s. af matvælaframleiðslu
og verzlun með matvæli, veitinga- og gistihúsum,
lækningastofum, sólbaðsstofum, hárgreiðslu- og
rakarastofum o. fl. - Með slíkri gjaldtöku fengju
sveitarfélög væntanlega einhverjar tekjur á móti
kostnaði við heilbrigðiseftirlit. Eftir er að móta
reglur, sem lagðar verða til grundvallar gjald-
skrám skv. lögunum.
M.E.G.
224 SVEITARSTJÓRNARMÁL