Sveitarstjórnarmál - 01.10.1984, Blaðsíða 36

FRÁ LANDSHLUTASAMTOKUM
Fjórðungsþing Vestfírðinga
1984 á ísafírði
Fjórðungsþing Vestfirðinga 1984
var haldið á ísafirði 8. og 9. sept-
ember.
Aðalverkefni þingsins var að fjalla
um drög að frumvarpi til laga um ný
sveitarstjórnarlög. Félagsmála-
ráðherra, Alexander Stefánsson,
hélt framsöguræðu um málið.
Allmiklar umræður urðu um það,
einkum um héraðsþing og héraðs-
ráð, sameiningu og samstarf sveit-
arfélaga, landshlutasamtök o.fl. All-
löng ályktun var gerð um málið.
Af öðrum málum má nefna þrjár
ályktanir um samgöngumál, ályktun
um atvinnumál, samþykkt var aðild
að Ferðamálasamtökum Vestfjarða.
Þá var kosin milliþinganefnd til að
endurskoða lög sambandsins.
Aðalmenn i stjórn Fjórðungssam-
bandsins voru kosnir: Benedikt
Kristjánsson, bæjarfulltrúi i Bolung-
arvík; Guðmundur H. Ingólfsson,
bæjarfulltrúi á (safirði; Björn Gísla-
son, hreppsnefndarmaður á Pat-
reksfirði; Karl E. Loftsson, oddviti
Hólmavíkurhrepps, og Jónas Ólafs-
son, sveitarstjóri Þingeyrarhrepps,
sem kosinn var formaður fjórðungs-
sambandsins.
Ályktun þingsins um tillögu
endurskoðunarnefndar
Hér fer á eftir ályktun þingsins um
tillögu endurskoðunarnefndar um
ný sveitarstjórnarlög:
Fjórðungsþing Vestfirðinga 1984
hefur fjallað um tillögur endurskoð-
unarnefndar að nýjum sveitarstjórn-
arlögum og gerir í því sambandi
eftirfarandi samþykkt:
1. Fjórðungsþing lýsir fullum
stuðningi við megintilgang og mark-
mið tillögunnar, sem kemur fram í
eftirfarandi atriðum:
a. Að sjálfsstjórn sveitarfélaga beri
að auka.
b. Að réttarstaða allra sveitarfé-
laga eigi að vera sem líkust.
c. Að stuðla beri að vald- og verk-
efnadreifingu.
d. Að valfrelsi sveitarfélaga um
stjórn og verkefnaval beri að
auka.
e. Að þegar sveitarfélögum eru
fengin verkefni, eigi að fara sem
mest saman ákvörðun, fram-
kvæmd og fjárhagsleg ábyrgð.
f. Að stuðla beri að eflingu og
stækkun sveitarfélaga til þess að
þau verði betur fær um að valda
verkefnum sínum og taka við
auknum verkefnum.
g. Að stuðla beri að lýðræðislegum
stjórnarháttum í meðferð sveitar-
stjórnarmála.
2. Fjórðungsþing metur það til
ávinnings fyrir sveitarfélögin, ef
tekst að ná samstöðu um eflingu
þeirra með sameiningu í stærri
heildir.
Fjórðungsþing leggur þó meginá-
herzlu á, að forsendur sameiningar
verði að vera þær, að landfræði-
legar, viðskiptalegar og félagslegar
heildir geti myndazt við samein-
inguna.
Skorti eina þessara forsendna,
telur þingið, að tilgangi sameining-
ar verði vart náð og sameining við
þær aðstæður hafi vart við rök að
styðjast.
Þingið bendir á, að sú reynsla,
sem nú þegar er fengin af þátttöku
smæstu sveitarfélaganna í hinu
frjálsa samstarfi landshlutasamtak-
anna, hefur mikla þýðingu, ekki að-
eins gagnvart þeim, heldur og fyrir
samstarfið í heild.
Það að stækka sveitarstjórnar-
einingarnar með því markmiði að
efla þær sem stjórnsýslueiningar
getur þingið fallizt á, enda séu áð-
urnefndar sameiningarforsendur
fyrir hendi.
3. Fjórðungsþingið er því hlynnt,
að meginverkefni sveitarfélaga séu
tilgreind í nýjum lögum um þau. En
þingið telur, að forsenda þess að
verkefni sveitarfélaga séu rétt skil-
greind í lögunum sé sú, að tekin
hafi verið ákvörðun um tekjustofna
sveitarfélaga, er tryggi teknaöflun í
samræmi við verkefni, sem þeim
eru falin. Þingið fellst því á það
meginmarkmið tillagnanna, að sam-
an fari ákvörðunarvald og fjárhags-
leg ábyrgð.
Þingið fellst því á þennan þátt
tillagnanna, ef tekjustofnar eru
tryggðir til þeirra verkefna, sem
þeim eru falin. Þingið lýsir stuðningi
sinum við sjálfsákvörðunarrétt sveit-
arfélaga um gjaldskrár eigin fyrir-
tækja og stofnana.
Fjórðungsþing mótmælir lögbind-
ingu ákvæða um skyldu sveitarfé-
laga til 5 ára áætlanagerðar, en tel-
ur þó mikilvægt, að sveitarstjórnir
taki upp áætlanagerð til skemmri
tíma, miðað við umfang heildar-
starfsemi sveitarfélagsins.
Fjórðungsþingið fagnar þeim
ákvæðum, er koma fram í 87. gr.
um ábyrgðir sveitarfélaga, þar sem
settar eru samræmdar reglur um
þetta efni.
4. Fjórðungsþing fjallaði ítarlega
um IX. kafla tillagnanna um sam-
starf sveitarfélaganna.
Þingið vill benda á, að um ára-
tuga skeið hefur þróazt frjálst sam-
starf sveitarfélaga á Vestfjörðum,
„Fjórðungssamband Vestfirðinga",
og hefur það samstarf skilað mark-
verðum árangri, bæði félagslega
og hagsmunalega, fyrir fjórðunginn
í heild. Fjórðungsþingið telur þenn-
an samstarfsvettvang æskilegasta
grunninn undir lögbindingu og ný-
breytni í samstarfi sveitarfélaga.
Þingið leggur áherzlu á, að sam-
vinna byggist á því meginatriði, að
öll sjálfstæð sveitarfélög eigi aðild
226 SVEITARSTJÓRNARMÁL