Sveitarstjórnarmál - 11.06.1995, Blaðsíða 67

SVEITARSTJÓRNARMÁL
ráðstefnunnar er Konur, stjórnmál, lýðræði — skoðanaskipti
kvenna kjörinna í sveitarstjórnum í Vestur- og Austur-Evrópu.
Reiknað er með að fulltrúar frá íslandi sæki þessa ráðstefnu.
Mikið starf vegna skýrslugerðar fyrir hin erlendu sambönd er innt
af hendi á skrifstofunni. Skýrslur þessar sýna meðal annars hvar
ísland er á vegi statt á hinum fjölbreytilegustu sviðum. Sambandið
hafði um árabil frá því um 1970 minnst Evrópudagsins sem er 5. maí.
Um árabil komu hingað öðru hverju í heimsókn 10-20 þýskir
sveitarstjórnarmenn á vegum stofnunar sem skipuleggur samskipti
þýskra sveitarstjórnarmanna við önnur Evrópuríki og einu sinni
bauð þýskt sveitarfélag, Helmstedt, hópi íslenskra sveitarstjórnar-
manna í heimsókn til Þýskalands sem endurgjald fyrir þá fyrir-
greiðslu sem sambandið hefur jafnan veitt þessum þýsku hópum.
Samband íslenskra sveitarfélaga hefur tekið þátt í ýmiss konar
hjálparstarfi. Á sínum tíma, 1956, greiddi það götu ungverskra
flóttamanna og það hefur staðið fyrir fjársöfnunum meðal sveitarfé-
laga til aðstoðar bágstöddum eftir áföll eins og eldgos, jarðskjálfta
og þess háttar víða um heim. Þetta samstarf hefur áreiðanlega einnig
orðið til þess að fólk og sveitarfélög erlendis, sem sambandið hefur
átt samskipti við, hafa tekið þátt í að aðstoða íslendinga eftir áföll,
eins og t.d. eftir Vestmannaeyjagosið 1973 og snjóflóðin í Neskaup-
stað 1974 og Súðavík 1995.
Grýtubakkahreppur á
aö vinabæ Stryn í
Noregi. Árið 1990 fór
49 manna hópur frá
Grenivík og nágrenni,
m.a. kirkjukórinn, í
heimsókn til Stryn og
hlaut konunglegar
viðtökur.
Sveitarstjórnarmál
— Sigríður Sverrisdóttir.
65