Sveitarstjórnarmál - 01.05.2004, Blaðsíða 6

Fréttir
Virkar samstarfsnefndir
sveitarfélaga og lögreglu
Vilhjálmur Þ. Vilhjálmsson, formaður
stjórnar Sambands íslenskra sveitafélaga,
og Haraldur Johannessen ríkislögreglu-
stjóri hafa undirritað viljayfirlýsingu um
samstarf lögreglu og sveitarstjórna.
Markmiðið með viljayfirlýsingunni er að
tryggja gott samstarf lögreglu og undir-
stofnana sveitarfélaga, vinna sameiginlega
að fækkun afbrota og slysa og beita sér
fyrir öruggara samfélagi og velferð barna
og ungmenna, meðal annars með forvörn-
um í víðtækum skilningi. Þá er einnig
markmið samstarfsins að styrkja hverfis-
og grenndarlöggæslu og efla samstarf lög-
regiu og íbúa, stofnana, samtaka og fyrir-
tækja á hverjum stað.
Gert er ráð fyrir að virkar samstarfsnefndir
verði í öllum lögregluumdæmum landsins
Haraldur johannessen ríkislögreglustjóri og Vil-
hjálmur Þ. Vilhjálmsson, formaöur Sambands ís■
lenskra sveitarfélaga, innsigla viljayfirlýsinguna
meö handabandi.
þar sem upplýsingum verði miðlað, óskir
og þarfir ræddar, og sjónarmið lögreglu og
sveitarstjórna samræmd um framkvæmd
mála og verkefna eftir því sem við á í
hverju lögregluumdæmi. í viljayfirlýsing-
unni er ákvæði um samráðshóp ríkislög-
reglustjóra og stjórnar Sambands íslenskra
sveitarfélaga um málefni lögreglu og sveit-
arfélaga og verður samráðshópurinn skip-
aður á næstunni. Stefnt er að því að
kynna betur starfsemi lögreglunnar, auka
tengsl lögreglu og almennings og að
efla þetta samstarf í samræmi við 12. gr.
lögreglulaga nr. 90/1996.
Þrjár verðlaunatillögur
um miðbæ Egilsstaða
Tjarnarbraut Á Egilsstööum.
Kosið um sameiningu
sveitarfélaga á Héraði
Arkitektastofan Arkís hlaut fyrstu verðlaun
í hugmyndasamkeppni um nýtt skipulag
miðbæjarsvæðisins á Egilsstöðum. Vegna
mikillar uppbyggingar á Héraði og vegna
aðstæðna í miðbæ Egilsstaða ákvað bæj-
arstjórn Austur-Héraðs að efna til sam-
keppni um framtíðarskipulag þessa mikil-
væga svæðis í hjarta bæjarins.
Megininntak hugmynda bæjarstjórnarinn-
ar var að mynda samfellt þjónustusvæði í
miðbænum en hann er nú skorinn í tvo
hluta af þjóðveginum frá Lagarfljótsbrú í
áttina að Fagradal til Fjarðabyggðar. Höf-
undar verðlaunatillögu Arkís eru Aldís M.
Norðfjörð, Elín G. Gunnlaugsdóttir og Jó-
hann Sigurðsson. Bæjarstjórn Austur-Hér-
aðs veitti þrenn verðlaun fyrir tillögur f
hugmyndasamkeppninni. Önnur verðlaun
féllu í hlut ASK arkitekta og Gunnars Arn-
ar Sigurðssonar arkitekts og þriðju verð-
laun hlutu Björn Kristleifsson arkitekt, Óli
Metúsalemsson verkfræðingur og Kristleif-
ur Björnsson myndlistarmaður. Auk þess
að veita þrenn verðlaun ákvað dómnefnd
að keyptar yrðu þrjár tillögur og að einni
tillögu yrði veitt umsögnin athyglisverð
tillaga.
Kosið verður um sameiningu sveitarfé-
laganna Austur-Héraðs, Norður-Héraðs,
Fljótsdalshrepps og Fellahrepps samhliða
forsetakosningunum í júnf.
Að undanförnu hefur verið unnið að
undirbúningi sameiningar þessara sveit-
arfélaga og sérstök samstarfsnefnd sveit-
arfélaganna fjögurra verið að störfum,
sem meðal annars hefur unnið að gerð
tillagna og málefnaskrár vegna samein-
ingarinnar. Nú hefur verið ákveðið að
efna til kosninga um sameiningu þessara
fjögurra sveitarfélaga. Ef sameiningin
verður samþykkt í öllum sveitarfélögun-
um verður til sveitarfélag á Fljótsdalshér-
aði með um þrjú þúsund íbúum. Austur-
Hérað er fjölmennast þessara sveitarfé-
laga, með 2.140 íbúa, um 470 manns
búa í Fellahreppi, um 320 á Norður-Hér-
aði og um 90 manns f Fljótsdalshreppi.
6