Sveitarstjórnarmál - 01.05.2004, Blaðsíða 22
Viðtal mánaðarins
Ásókn í að flytja hingað
Þröstur Karlsson segir ásókn í að flytja í Mosfellsbæinn en vegna smæðar og einnig takmarkaðra
tekjustofna sveitarfélaga ráði sveitarfélagið ekki við nema um 4% fjölgun á ári.
Þröstur Karlsson, bæjarfulItrúi í Mos-
fellsbæ, er Skagamaður en fluttist til
Reykjavíkur eftir tvítugt. Hann bjó þar
um skeið en segir að hugur sinn hafi
fljótt stefnttil Mosfellssveitar. Hann
kveðst hafa kynnst samfélaginu og ver-
ið þar með annan fótinn fram til 1982
að fjölskyldan fluttist þangað. Þröstur
hafði því búið um tólf ára skeið í Mos-
fellsbæ þegar hann var fenginn til þess
að hefja afskipti af sveitarstjórnarmál-
um, var beðinn um að leiða bæjar-
málaframboð B-listans fyrir sveitar-
stjórnarkosningarnar 1994. „Framboð
mitt átti sér skamman aðdraganda. Það
kom fyrst til umræðu í febrúar en síðan
var kosið á hefðbundnum tíma í maí.
Ég hugsaði mig aðeins um en ákvað
síðan að hella mér út í þetta af fullum
krafti."
Var ekki sáttur
„Ein ástæða þess að ég ákvað að slá til
var sú að ég var ekki sáttur við hvernig
bæjarmálin höfðu þróast. Mérfannst
lítill uppgangur hafa átt sér stað í bæj-
arfélaginu og bæjarfulltrúana skorta
ákveðna framtíðarsýn." Þegar Þröstur
kom að bæjarmálum í Mosfellsbæ
höfðu B- og G-listar unnið saman um tíma að bæjarmálum og
starfað í minnihluta. í aðdraganda kosninganna 1994 ákváðu að-
standendur B-listans hins vegar að draga sig út úr samstarfinu og
bjóða fram sérstakan lista sem fékk tvo menn kjörna.
G-listinn, sem einnig stóð að sjálfstæðu framboði, fékk aðra tvo
bæjarfulltrúa og mynduðu þessi öfl meirihluta í framhaldi kosn-
inganna sem hélst fram til kosninganna 2002 að sjálfstæðismenn
náðu aftur meirihluta í bæjarfélaginu.
Um 50% fjölgun á
tíunda áratugnum
Þröstur segir að hinn nýi
meirihluti, sem myndaður var
vorið 1994 hafi strax lagt
mikla áherslu á að hefja upp-
byggingu í bænum. Margt hafi
því drifið á dagana og hann
nefnir stækkun og lagfæringu gamla grunnskólans að Varmá,
byggingu nýs skóla í vesturhluta Mosfellsbæjar og að byggð hafi
verið ný íþróttamiðstöð sem dæmi um framkvæmdir er ráðist hafi
verið í. Þröstur segir mestu breytingarnar þó felast í þeim vexti
sem orðið hafi í bæjarfélaginu. íbúum
hafi fjölgað um allt að 50% á tfunda
áratugnum, úr um fjögur þúsund í um
sex þúsund og með tilkomu miðbæjar
og nýrra íbúðarhverfa hafi bærinn
smám saman fengið annað yfirbragð.
Þröstur segir að Mosfellsbær sé eitt
þeirra svæða þar sem hvað mest upp-
bygging hafi orðið á undanförnum
árum.
„Ég tel að þetta stafi annars vegar af
því hversu ríkur Mosfellsbær er af
framboði af nýju húsnæði, en einnig
vegna þess að fjölmennara samfélag og
þar með sterkari bæjarbragur hafi vak-
ið áhuga fólks á að flytjast hingað."
Sveit í borg
Bæjarbúar hafa sterka tilfinningu fyrir
bænum sem sérstöku samfélagi að
mati Þrastar. „Þetta er ekki bara sveit
eins og í árdaga og Mosfellsbær er
heldur ekki bara svefnbær frá Reykja-
vík. Bærinn fékk kaupstaðarréttindi
árið 1987 og á undanförnum árum
hefur þjónustan verið að byggjast upp
með þeim hætti að um mjög sjálfstætt
samfélag er að ræða." Þröstur segir að
ef til vill megi kalla Mosfellsbæ „sveit í
borg". Byggðin sé við borgarmörkin en einnig stutt í náttúruna og
útiveruna og annað sem þeim kostum fylgi.
Of litlir fjármunir til sveitarfélaganna
Þótt íbúafjölgunin og uppbyggingin sé ánægjuleg bendir Þröstur
á að hún kosti ákveðna fjármuni sem minni sveitarfélög séu ekki
nægilega vel búin til þess að reiða fram. „Rekstrarafgangur sveit-
arfélaganna er of lítill og þau þurfa meira fé til að nota í upp-
byggingu og vinna að framtíðarplönum. Nánast öll útgjöld eru
bundin í lögum og
sveitarfélögin hafa ekki úr
miklu að moða utan þess
ramma. Meirihluti tekna sveit-
arfélaga fer í rekstur skóla, til
reksturs félagsþjónustu og ann-
arra lögbundinna verkefna og
því eru litlir fjármunir eftir.
Rekstur sveitarfélaganna er því miður mjög erfiður í dag því að of
litlir fjármunir eru ætlaðir til þess að anna þeim verkefnum sem
nauðsynleg eru og lögbundin," segir Þröstur og bætir við að ná-
lægð íbúanna við sveitarstjórnarstigið þýði oft að gerðar séu
Þröstur Karlsson, bæjarfulltrúi í Mosfellsbæ, segir aö ef til vill
megi kalla Mosfellsbæ „sveit í borg".
„Rekstur sveitarfélaganna er því miður mjög erfið-
ur í dag því að of litlir fjármunir eru ætlaðir til
þess að anna þeim verkefnum sem nauðsynleg eru
og lögbundin."
tölvumiðlun H-Laun www.tm.is