Sveitarstjórnarmál - 01.12.2004, Blaðsíða 19
Á æskuslóðum. Viö hátíðahöld í Hverageröi 17. júní. Unnar og Ingibjörg Sigmundsdóttir, þáverandi forseti
bæjarstjórnar Hverageröis.
Nokkrar ráðstefnur að auki voru haldnar í
samstarfi við aðra. „í Fræðslumiðstöð
sveitarfélaganna, sem var á 4. hæðinni á
Háaleitisbraut 11, voru á tímabili haldin
fjölmörg námskeið fyrir starfsfólk og trún-
aðarmenn sveitarfélaga á hinum ýmsu
sviðum. Sambandið átti aðild að norræn-
um sveitarstjórnarnámskeiðum og ráð-
stefnum. Þar á meðal voru tvö norræn
námskeið haldin á Laugarvatni á árunum
1972 og 1977 sem sambandið sá um."
Svo tóku við norrænar sveitarstjórnar-
ráðstefnur og átti Unnar sæti í undirbún-
ingsnefnd þeirra af hálfu sambandsins til
ársins 2000. Ein slík ráðstefna var haldin í
Reykjavík 1994. Um árabil heimsóttu
sambandið sveitarstjórnarmenn frá Vestur-
Þýskalandi og öðru hverju komu hópar
norrænna sveitarstjórnarmanna til að
kynna sér hérlend sveitarstjórnarmál. Það
var í verkahring sambandsins að skipu-
leggja slíkar heimsóknir og útvega fyrirles-
ara.
Á áttunda hundrað skráðar
f undargerðir
„Þú spyrð hvað ég hafi gert fleira," segir
Unnar og bendir á hvort þetta sé ekki orð-
ið nóg! „Nei - það er rétt að ég fór ekki
alltaf heim klukkan fimm á daginn. Aður
en Lánasjóður sveitarfélaga var stofnaður
árið 1967 og Magnús E. Guðjónsson varð
framkvæmdastjóri Lánasjóðs sambandsins
og Bjargráðasjóðs var ég f raun eini starfs-
maðurinn sem var í fullri vinnu hjá sam-
bandinu. Kannski var stundum erfitt að
greina á milli mín og sambandsins. Það
var einhvern veginn svo sjálfsagt að alltaf
væri hægt að ganga að mér þar. Ég var í
augum ýmissa oddvita eins og upplýsinga-
banki sem unnt væri að fletta upp í. Ef ég
kunni ekki svörin þá reyndi ég að finna út
hvar þeirra væri að leita.
Þá færði ég til bókar fundargerðir
stjórnar sambandsins. Þær urðu samtals
um 450 og sumar þeirra yfir 40 töluliðir.
Ennfremur fundargerðir árlegra fulltrúa-
ráðsfunda og um 20 fundargerðir sam-
ráðsfunda ríkis og sveitarfélaga. Á árum
áður hafði ég skrifað 45 fundargerðir sam-
einingarnefndar og framkvæmdanefndar
hennar, einnig fjölmargar fundargerðir
vinabæjanefndar Norræna félagsins og
framkvæmdanefndar umferðarráðs. Fund-
argerðir voru tölusettar svo unnt er að sjá
að þær eru samanlagt á áttunda hundrað-
ið, enda árin mörg. Stundum sat ég fram
eftir við að færa inn fundargerðir. Eigin-
konan lét þess stundum getið á þeim
árum að ég væri fremur giftur sambandinu
en sér og lái henni hver sem vill. En hún
var umburðarlynd og hafði skilning á eðli
starfsins."
Oddvitaherbergið
Sveitarstjórnarmenn utan af landi höfðu
aðstöðu í höfuðstöðvum sambandsins. Frá
árinu 1967 var þar sérstakt oddvitaher-
bergi en þangað komu margir oddvitar er
þeir voru á ferð. Þar fengu bygginganefnd-
ir skóla og fleiri aðstöðu þegar þær voru
að vinna að málum sfnum í höfuðborg-
inni. Þá voru eðlilega sagðar fréttir úr
heimabyggð.
Unnar segir að á meðan skrifstofur
sambandsins voru við ofanverðan Lauga-
veg hafi margir sveitarstjórnarmenn litið
inn. Síðan hafi dregið nokkuð úr þessum
heimsóknum. Þar komi fleira en eitt til.
„Landshlutasamtökin voru að eflast og
oddvitar og aðrir forsvarsmenn sveitarfé-
laganna þurftu minna á þessari aðstöðu
að halda. Bæjarstjórum og sveitarstjórum
fjölgaði og fagmennska óx á ýmsum svið-
um. Flestir oddvitanna áður fyrr voru
næstum ólaunaðir. Þeir voru að sinna
sveitarstjórnarmálum í hjáverkum og áttu
ekki alltaf mikinn tíma aflögu. Þurftu því
að nýta vel tíma sinn í Reykjavík."
Úr æskulýðsráði í stjórn
Öldrunarráðs íslands!
Unnar segir mesta vinnu hafa verið í
tengslum við sameiningarnefndina á sín-
um tíma - og auðvitað útgáfustarfið. Hann
starfaði einnig fyrir sambandið í Umferð-
arráði, í vinabæjanefnd Norræna félagsins
allt frá árinu 1978 og í Grænlandsnefnd
þess frá því hún var sett á stofn 1998.
Hann var í framkvæmdanefnd um Ár fatl-
aðra og síðar Ár aldraðra. Hann var vara-
fulltrúi fyrir aðalfulltrúa sem voru búsettir
úti á landi og gat farið á fundi þegar þeir
voru forfallaðir, t.d. í Leiklistarráði og í
stjórn Listskreytingarsjóðs. Verkefnin voru
því margþætt.
„Meðal fyrstu trúnaðarstarfa minna fyrir
sambandið var á yngri árum mínum að
vera fulltrúi þess í Æskulýðsráði ríkisins og
nýlega var ég samkvæmt ábendingu fram-
kvæmdastjóra sambandsins kosinn í stjórn
Öldrunarráðs íslands. Ég var að vísu hætt-
ur fyrir alllöngu í æskulýðsráði þegar ég
var kosinn í stjórn öldrunarráðs - og ætli
það verði ekki síðasta trúnaðarstarfið sem
ég sinni fyrir atbeina Sambands íslenskra
sveitarfélaga."
Myndi velja þennan
vettvang á ný
Myndi Unnar velja sér sama starfsvettvang
ef hann væri að koma á vinnumarkaðinn
nú?
„Já - alveg hiklaust. í starfinu sá ég æv-
inlega heillandi viðfangsefni framundan
og það geri ég enn. Nær allar ríkisstjórnir
og stjórnmálaflokkar hafa haft það á
stefnuskrá sinni að færa aukin verkefni og
völd frá ríki til sveitarfélaga svo ákvarð-
anataka um þau mál sem næst standa íbú-
unum verði í höndum heimamanna. Ég
hlýt þvf að vera bjartsýnn á að miklar
breytingar verði á komandi árum og að
sveitarfélögin verði stór og fjárhagslega
sterk - þó að mér þyki að vísu heldur
hægt hafa miðað á síðari árum í þessa átt.
En það er þá þeim mun brýnna fyrir sam-
tök sveitarfélaganna að halda hátt á lofti
því markmiði sem forustumenn sam-
bandsins settu því í öndverðu, það er að
efla sveitarfélögin fólkinu í landinu til
hagsbóta."
SFS
6 TÖLVUMIÐLUN
www.tm.is
19