Sveitarstjórnarmál - 27.10.2005, Blaðsíða 14

Fréttir
Akureyri með hæsta tekjujöfnunarframlagið
Akureyrarkaupstaður fær hæsta tekjujöfn-
unarframlagið frá Jöfnunarsjóði sveitarfé-
laga á þessu ári. Framlagið er um 192,3
milljónir króna eða 20,7% heildarúthlut-
unar. Alls áætlar Jöfnunarsjóður að út-
hluta 926,4 milljónum króna til tekjujöfn-
unar í 51 sveitarfélagi á þessu ári.
Reykjanesbær hlýtur 109 milljónir
króna samkvæmt áætlun Jöfnunarsjóðs,
Rangárþing eystra 57,8 milljónir, Hvera-
gerðisbær 50,3 milljónir, Eyjafjarðarsveit
45,7 milljónir, Sveitarfélagið Skagafjörður
40,3 milljónir, Dalvíkurbyggð 39,8 millj-
ónir, Þingeyjarsveit, 34 milljónir, Sveitar-
félagið Hornafjörður 30,5 milljónir, Vatns-
leysustrandarhreppur 24,1 milljón, Húna-
þing vestra 23,7 milljónir, Grundarfjarðar-
bær 25 milljónir og Borgarbyggð 21,7
milljónir króna. Ekkert sveitarfélaganna á
höfuðborgarsvæðinu fær úthlutað tekju-
jöfnunarframlagi á þessu ári samkvæmt
áætlun Jöfnunarsjóðs.
Gunnar Valur, sem er til vinstri á myndinni, afhendir Guðmundi lyklana að skrifstofu bæjarstjóra á Bjarna-
stöðum á Álftanesi.
Sveitarfélagið Álftanes
Guðmundur tekur við af Gunnari
Guðmundur G. Gunnarsson hefur tekið
við starfi bæjarstjóra í Sveitarfélaginu
Álftanesi. GunnarValur Gíslason, forveri
hans, var búinn að sitja sem bæjarstjóri á
Álftanesi í yfir 13 ár.
Guðmundur hefur verið oddviti
hreppsnefndar á Álftanesi og síðast
forseti bæjarstjórnar um árabil. Hann
hefur gegnt ýmsum öðrum trúnaðar-
störfum fyrir bæjarfélagið og er því kunn-
ugur því starfsumhverfi sem hann gengur
nú að.
GunnarValur gegndi auk bæjar-
stjórastarfsins starfi skipulagsfulltrúa og
fleiri trúnaðarstörfum fyrir bæjarfélagið á
miklum uppgangstíma sveitarfélagsins
en hefur nú kosið að hverfa til annarra
starfa.
Eyþing
Horft til háskólastarfsins
Efling Háskólans á Akureyri er ofarlega í
huga sveitarstjórnarmanna á Norðurlandi
eystra. í ályktun aðalfundar Eyþings kem-
ur m.a. fram að staðsetning stofnunarinn-
ar hafi skipt sköpum fyrir jöfnun aðgangs
fólks að námi.
Fundurinn hvatti til aukinna rannsókna
við skólann er snéru jafnt að atvinnulífinu
sem sveitarfélögunum. Einnig segir í
ályktuninni að ferðaþjónusta sé vaxandi á
starfssvæði Eyþings og því sé mikilvægt
að efla rannsóknir á því sviði. Aðalfundur
Eyþings lagði mikla áherslu á samstarf Ey-
þings og Háskólans á Akureyri um sí-
menntun og einnig þróun á námsfram-
boði í stjórnsýslu og stjórnun með áherslu
á stjórnun sveitarfélaga. Fundurinn benti
á að fjarnám hafi þegar sannað gildi sitt
fyrir dreifðar byggðir og lagði áherslu á
mikilvægi fjarskiptanetsins vegna gagna-
flutninga í sambandi við fjarnám.
Fjórðungssamband
Vestfirðinga
Vaxtarsamn-
inginn verður
að efna
Vaxtarsamningur, menningarsamningur,
fjölmenningarsetur og fjölgun opinberra
starfa eru ofarlega í huga Vestfirðinga.
Þetta kemur skýrt fram í ályktunum Fjórð-
ungsþings Vestfirðinga sem haldið var á
Patreksfirði 2. og 3. september sl. þar sem
ýtt var á eftir efndum á þessum samningi.
Fjórðungsþing Vestfirðinga telur að
með framkvæmd vaxtarsamnings Vest-
fjarða, muni hæfni Vestfjarða til sam-
keppni við aðra landshluta aukast. í samn-
ingnum eru alls 29 tillögur og þar af 16
sem raðað hefur verið saman í þrjá klasa
þar sem sjávarútvegur, ferðaþjónusta og
menningarstarfsemi og menntunar- og
rannsóknastörf mynda hvern klasa fyrir
sig. Þingið telur að með samningnum,
þeim tillögum sem í honum felast og
myndun framangreindra klasa, skapist
sóknarfæri er tryggt geti framtíð byggðar á
Vestfjörðum. Fjórðungsþingið telur nauð-
synlegt að komið verði á menningarsamn-
ingi milli menntamálaráðuneytisins og
Fjórðungssambands Vestfirðinga. Þingið
minnti einnig á tillögu í vaxtarsamningi
Vestfjarða um að Fjölmenningarsetur Vest-
fjarða verði gert að sjálfstæðri stofnun er
heyri undir félagsmálaráðuneytið. Sett
verði löggjöf um stofnunina og fjárhags-
grundvöllur hennar verði tryggður í fjár-
lögum, þar sem fáir staðir á landinu henti
betur fyrir slíka starfsemi vegna þess fjöl-
menningarlega samfélags sem myndast
hafi vestra. Fjórðungsþing Vestfirðinga
skoraði einnig á stjórnvöld að fylgja eftir
þeirri tillögu í vaxtarsamningnum sem
fjallar um fjölgun opinberra starfa vestra.
14
TÖLVUMIÐLUN
H-Laun SFS