Morgunblaðið - 02.11.2011, Qupperneq 14

BAKSVIÐ
Helgi Bjarnason
helgi@mbl.is
Mikil aukning hefur orðið á framboði
gistirýmis á Suðurnesjum og enn
meira er framundan. Meginhluti
aukningarinnar er í húsnæði á Ásbrú,
gamla varnarsvæðinu á Keflavík-
urflugvelli, sem komið hefur verið í
not. Hóteleigendur í Keflavík gagn-
rýna opinber fyrirtæki og fyrirtæki í
eigu banka fyrir að leigja húsnæði út
til þessara nota við lágri leigu og telja
samkeppnisskilyrði ójöfn.
Þróunarfélag Keflavíkurflugvallar
tók fyrir hönd ríkisins við fasteignum
á meginhluta varnarsvæðisins og hef-
ur verið að selja þær eða koma í not
með öðrum hætti. Liður í stefnu-
mörkun félagsins er uppbygging
heilsuþorps. Nýta átti tilteknar
blokkir til gistingar fyrir sjúklinga
einkasjúkrahúss sem fyrirhugað var
að reka í gamla herspítalanum og að-
standendur þeirra. Þau áform hafa
raunar frestast. Þróunarfélagið leigir
þó Heilsuhóteli Íslands íbúðar-
húsnæði og aðstöðu til heilsu-
meðferðar.
Háskólavellir sem eru í eigu banka,
fasteignafélags og þrotabúa fjármála-
fyrirtækja keyptu fjölda eigna á
varnarsvæðinu og hefur leigt náms-
mönnum íbúðir. Félagið á hús gisti-
heimilis varnarliðsins. Gistihús Kefla-
víkur fékk það leigt og hefur rekið
þar stórt gistiheimili í tvö ár.
Nú hefur Isavia sem er rík-
isstofnun auglýst til leigu húsnæði
sem varnarliðið nýtti til hótelrekstrar
en staðið hefur autt frá því varn-
arliðið fór. Þar var 32 herbergja hótel
en væntanlegur leigutaki þarf að
leggja í verulegan kostnað við end-
urbætur.
Lögðu aleiguna í hótelið
Þessi þróun hefur komið við hags-
muni eigenda hótela í Keflavík og
hafa þeir vakið athygli stjórnmála-
manna og opinberra stofnana á því
sem þeir telja óeðlilega samkeppni
frá gamla varnarsvæðinu. „Við erum
búin að leggja aleigu okkar í þetta og
maðurinn minn er búinn að vinna
baki brotnu við uppbygginguna í
mörg ár. Svo var allt í einu, nánast í
skjóli nætur, búið að opna gistiheimili
í húsnæði sem herinn skildi eftir, í
beinni samkeppni við okkur. Þarna
gat aðili gengið inn af götunni, fengið
fullt af tækjum frá hernum og opn-
að,“ segir Bryndís Þorsteinsdóttir,
einn af eigendum Hótel Keilis sem
opnaði hótel í Keflavík fyrir fjórum
árum. Hún vísar til gistiheimilis sem
opnað var í húsnæði Háskólavalla
2009 og einnig til Heilsuhótels sem
hún segir að hafi fengið húsnæði fyrir
detox-meðferðir en teygi sig sífellt
lengra til að ná til sín almennum
ferðamönnum frá hótelunum á svæð-
inu. Hún segist hafa heimildir fyrir
því að húsin séu leigð út á lágu verði.
Steinþór Jónsson, hótelstjóri á
Hótel Keflavík, segist fagna upp-
byggingu á svæðinu. Samkeppnin
þurfi hins vegar að vera á réttum
grundvelli. „Við þurfum að leggja í
mikinn kostnað við uppbyggingu okk-
ar aðstöðu og að viðhalda henni. Þess-
ir aðilar þurfa ekki að leggja krónu í
slíkt. Þeir eru með veltutengda leigu.
Geta lokað í viku ef lítið er að gera og
fengið viðbótarhúsnæði ef mikið er að
gera. Það getur enginn keppt við
slíkt,“ segir Steinþór.
Rúmlega 200 herbergi voru á hót-
elum og gistiheimilum á Suð-
urnesjum, áður en gistingin á varn-
arsvæðinu kom til. Þar hafa bæst við
nokkuð á annað hundrað herbergi,
þótt ekki séu þau öll ætluð almennum
ferðamönnum, og 30 til viðbótar gætu
komið ef Isavia leigir út hótelbygg-
inguna. Þá er eigandi Hótel Smára í
Kópavogi að byggja nýtt 60 her-
bergja hótel á þjónustusvæðinu við
Flugstöð Leifs Eiríkssonar. Gangi
þetta eftir mun gistirými tvöfaldast
og gott betur.
Enn er mikið ónotað húspláss á
gamla varnarsvæðinu. Steinþór
gagnrýnir þá hugsun að þarna standi
mikið húspláss og betra sé að nota
það svona en láta það standa autt.
„Ég gæti ekkert sagt við því ef þessir
opinberu aðilar seldu húsin á mark-
aðsverði til áhugasamra rekstr-
araðila. Þá værum við að keppa á
jafnréttisgrundvelli,“ segir Steinþór.
Hann bendir á nýja hótelið við flug-
stöðina. Þar sé einkafyrirtæki að
byggja upp. Eigendur þess standi og
falli með ákvörðunum sínum.
Þrátt fyrir aukið framboð hefur
verið góð nýting á hótelum og gisti-
heimilum Suðurnesja, að því er fram
kom hjá Kristjáni Pálssyni, formanni
Ferðamálasamtaka Suðurnesja, á að-
alfundi samtakanna á dögunum.
„Sýna tölur að nýting gistirýma hefur
batnað með vaxandi fjölda rúma.
Þetta bendir til þess að hér hafi vant-
að gistirými og þá sérstaklega í lægri
verðflokkum,“ skrifaði Kristján í
grein í Víkurfréttum.
Hóteleigendur á Suðurnesjum
segjast hafa fundið fyrir lækkandi
verði. Þeir fái ekki viðskipti í gegnum
alþjóðlegar hótelbókanasíður nema
lækka verðið verulega. Stóraukið
framboð af gistirými hefur áhrif en
aðrir kraftar eru einnig að verki því
tekjur af hverjum ferðamanni sem til
landsins kemur hafa almennt minnk-
að.
Kvartað til yfirvalda
Stjórnendur hótelanna létu í upp-
hafi síðasta árs vinna fyrir sig skýrslu
um samkeppnina frá Keflavík-
urflugvelli. Stjórnendur einstakra
hótela hafa rætt málið við stjórn-
málamenn og ráðherra og reynt án
árangurs að ná í aðra. Bryndís segir
að baráttan hafi ekki skilað miklu.
Hún segist hafa farið með skýrsluna
til Samkeppniseftirlitsins. Hún hafi
verið beðin um að afhenda formlega
kvörtun og segist gera það á næst-
unni.
Ósátt við samkeppni frá Vellinum
 Framboð á gistirýmum tvöfaldast á Suðurnesjum  Aukningin aðallega í húsnæði á Ásbrú
 Eigendur hótela í Keflavík telja rekstur á gamla varnarsvæðinu skekkja samkeppnisstöðuna
Ljósmyndir/Hilmar Bragi
Heilsuhótel Hótel er rekið í fyrirhuguðu heilsuþorpi á Ásbrú, upphaflega í
tengslum við detox-meðferðir. Þróunarfélagið á húsnæðið.
Hermannahótel Isavia hefur auglýst hótelbyggingu varnarliðsins til leigu.
Húsið stendur skammt frá gömlu flugstöðinni á Vellinum.
Flugvallarhótel Nýtt hótel rís á þjónustusvæði við Flugstöð Leifs Eiríks-
sonar. Einkafyrirtæki er að byggja það hótel.
Gistiheimili Gistihús Keflavíkur rekur stórt gistiheimili á Ásbrú, þar sem á
árum áður gistiþjónusta varnarliðsins til var húsa.
14 FRÉTTIRInnlent
MORGUNBLAÐIÐ MIÐVIKUDAGUR 2. NÓVEMBER 2011
„Við teljum að þessi grein geti
vaxið hér á Ásbrú, sérstaklega
í tengslum við flugvöllinn og
stóraukinn straum erlendra
ferðamanna til landsins,“ seg-
ir Kjartan Þór Eiríksson, fram-
kvæmdastjóri Þróunarfélags
Keflavíkurflugvallar. Hann seg-
ir að sú aukning gistirýmis
sem kom með heilsuhóteli í
húsnæði Þróunarfélagsins og
gistiheimili hjá Háskólavöllum
geti ekki talist óhófleg.
Hann segir að með þessari
starfsemi sé verið að reyna að
búa til nýja markaði. Nefnir
hann Heilsuhótel Íslands þar
sem vaxandi hluti gesta komi
nú frá Færeyjum og Noregi til
tveggja vikna heilsueflingar
hér á landi.
Kjartan neitar því alfarið að
ríkið sé að niðurgreiða rekstur
hótels. Leiga komi fyrir afnot
húsnæðisins.
Háskólavellir eru sjálfstætt
félag í eigu Landsbankans, Ís-
landsbanka, fasteignafélagsins
Klasa ehf. og þrotabúa VBS
fjárfestingafélags og Icebank.
Starfsmenn Klasa annast
framkvæmdastjórn þess.
Styrkir alla þegar
kakan stækkar
Ingvi Jónasson fram-
kvæmdastjóri segir af og frá
að útleiga húsnæðis fyrir
gistiheimili stuðli að óheil-
brigðri samkeppni á Suð-
urnesjum. Hann segir fyr-
irkomulag á útleigu
húsnæðisins og leiguverð með
eðlilegum hætti. Nefnir að
veltutenging leigu sé algeng-
asta form í rekstri hótela í
heiminum og þekkist hér á
landi. Ingvi segist ekki hafa
séð neitt sem bendir til þess
að verð fyrir gistingu hafi
lækkað. Sama sé að segja um
nýtingu herbergja.
„Mér finnst að menn eigi að
fagna uppbyggingu á þessu
sviði. Það sýnir að markaður
er fyrir þessa þjónustu. Það
styrkir alla þegar kakan
stækkar,“ segir Ingvi.
Segir uppbygginguna ekki
geta talist óhóflega
ÞRÓUNARFÉLAG KEFLAVÍKURFLUGVALLAR
Sigtryggur Sigtryggsson
sisi@mbl.is
Veiðimálastofnun áætlar að á nýliðnu sumri
hafi 53.200 laxar veiðst á stöng í íslenskum ám.
Í heild er þetta um 19% minni veiði en 2010
þegar heildarstangveiðin var 74.961 lax. Stang-
veiði á laxi 2011 var minni en veiði síðustu
þriggja ára en svipuð og hún var 2007 og 2005.
Í heild er veiðin sú sjötta mesta frá upphafi
skráningar veiði úr íslenskum laxveiðiám.
Samkvæmt bráðabirgðatölum var um 11.000
laxa veiði í ám þar sem meirihluti veiðinnar var
upprunninn úr sleppingum gönguseiða. Stang-
veiði þeirra áa sem byggja veiði á náttúruleg-
um löxum var því um 42.200 laxar sem er um
15.200 löxum minna en 2010. Heildarstangveiði
ársins 2011 var um 25% yfir meðalveiði árin
1974-2010 sem er 39.889 laxar.
Minni veiði í flestum landshlutum
Í samanburði við árið 2010 kom fram minnk-
un í stangveiði í öllum landshlutum nema á
Austurlandi. „Nákvæm sundurgreining veið-
innar liggur ekki fyrir en líkur er til að minnk-
un veiði milli ára stafi af minnkandi gengd laxa
sem dvalið hafa eitt ár í sjó vegna minni end-
urheimtu þeirra,“ segir á vef Veiðimálastofn-
unar. Þar kemur einnig fram að inni í stang-
veiðitölum síðari ára eru fiskar sem sleppt er
aftur, „veitt og sleppt“, og veiðitölurnar því
ekki fyllilega sambærilegar þar sem hluti fiska
getur verið veiddur oftar en einu sinni. Ekki er
enn vitað hversu mörgum fiskum var sleppt
aftur sumarið 2011 en það hlutfall hefur farið
vaxandi og var um 28,6% á árinu 2010.
Bráðabirgðatölur fyrir netaveiði á laxi sum-
arið 2011 benda til þess að hún hafi verið um
8.000 laxar en netaveiði er nær eingöngu bund-
in við stóru jökulárnar Þjórsá, Ölfusá-Hvítá og
Hvítá í Borgarfirði. Nærri lætur að helmings
minnkun hafi verið á netaveiði frá 2010 og að
hún hafi verið um 35% undir meðalveiði árin
1974-2010.
Áætla að 53.200 laxar hafi veiðst í sumar
Morgunblaðið/Ernir
Laxveiðar Veiðisumarið var gott en þó ekki í
fremstu röð. Yfir 53 þúsund laxar veiddust.
 Veiðin í ár 19% minni en í fyrra  Í heild er
veiðin sú sjötta mesta frá upphafi skráninga