Morgunblaðið - 24.11.2011, Blaðsíða 10
fasteignir
Danski hönnuðurinn Verner Pan-
ton hannaði þennan skemmtilega
stól árið 1960. Hann nefnist S
Chair, fæst í mörgum litum og
var fyrsti stóllinn smíðaður úr
einu stykki af mótuðu plasti.
F
asteignakaup eru flókið ferli þar
sem kaupendur leggja aleiguna
undir og ráðstafa sjálfsaflafé sínu
til margra ára. Því er mikilvægt
að fólk sem er að fjárfesta í fasteignum
kynni sér vel öll þau gögn, spyrji réttu
spurningana og þekki þær grundvall-
arreglur sem gilda í fasteignakaupum.
Getur það sparað marvísleg leiðindi og
þrætur seinna meir, því dæmin sanna að
alltof oft lenda kaupendur í vandræðum
eftir kaupin vegna atriða sem ekki var
hugað að áður en eignin var keypt,“ segir
Guðfinna Jóh. Guðmundsdóttir hdl.
Fasteignakaupandi er þjónusta á veg-
um Fasteignamáls - lögmannsstofu.
Byggt er þar á áralangri reynslu og þekk-
ingu á þeim atriðum sem sérstaklega
þarf að huga að við kaupin. Og þau eru í
stuttu máli þau að spyrja réttu spurning-
anna því söluyfirlitið sjálft segir oft lítið
nema þú kunnir að lesa út úr því. Það er
nefnilega ekki nóg að eldhúsinnréttingin
sé falleg, stofan björt, barnaherbergin
rúmgóð og húsið fallega málað. Duldir
gallar geta komið í ljós um síðir og oft
geta eftirmál þess kallað á strögl og í
versta tilviki málaferli.
Betur sjá augu en auga
„Síðustu árin hef ég alltof oft fengið
inn á borð til mín mál sem hefði verið
auðvelt að koma í veg fyrir hefði kaup-
andinn þekkt ákveðnar grundvallarreglur
áður en kaupsamningur var gerður eða
hefði kunnað að spyrja réttu spurning-
anna. Skv. lögum eiga fasteignasalar að
gæta hagsmuna beggja aðila og auðvitað
er það reynt eins og kostur er,“ segir
Guðfinna.
„En betur sjá augu en auga. Flestir
fasteignasalar sem ég hef rætt við fagna
því að til staðar sé þjónusta þangað sem
kaupendur eða seljendur geta leitað og
þannig haft sér við hlið sérfræðing sem
þekkir öll þessi mál í botn. Ég hef aldrei
skilið hvernig það á að geta gengið upp
að fasteignasalar eigi að gæta hagsmuna
beggja eins og lögin gera ráð fyrir. Fólk
sem er í fasteignakaupahugleiðingum
getur leitað til okkar fyrir kaupin. Við för-
um með viðkomandi yfir helstu grund-
vallarreglurnar í fasteignakaupum, hvers
hann þarf að gæta, hvaða spurninga
hann þarf að spyrja og hvaða gögn hann
þarf að skoða. Við bjóðum líka upp á þá
þjónustu að aðstoða kaupendur við til-
boðsgerð og mætum með honum við
undirritun kaupsamnings og afsals. Þjón-
ustan er í raun forvarnarstarf.“
Gallamálum hefur fjölgað
Mikill hraði var á öllum bygginga-
framkvæmdum síðustu árin fyrir hrun.
Það er að sögn kunnugra meðal orsaka
þess að síðustu árin hefur gallamálum
vegna fasteigna fjölgað verulega. Fæst
þessara mála hafa farið fyrir dóm heldur
er reynt utan réttar eftir fremsta megni
að semja um niðurstöðu sem aðilar máls
geta sætt sig við.
„Sum málin eru þannig vaxin að kaup-
andinn hefur ekki við neinn annan að
sakast en sjálfan sig. Hefði að öllum lík-
indum valið aðra eign ef hann hefði spurt
réttu spurninganna fyrir kaupin, þekkt
rétt sinn í upphafi og vitað hvers vænta
mátti,“ segir Guðfinna sem í starfi sem
héraðsdómslögmaður hefur sérhæft sig í
fasteignamálum ýmiss konar.
sbs@mbl.is
Gott að hafa lögfræðing með í ráðum við fasteignakaup, segir Guðfinna Jóh. Guðmundsdóttir hdl.
Þjónustan er
forvarnarstarf
Morgunblaðið/Sigurgeir S.
Sum mál þannig vaxin að kaupandi hefði að öllum líkindum valið aðra eign hefði hann hefði
spurt réttra spurninga, segir Guðfinna sem í lögfræðinni er sérhæfð á sviði fasteignamála.
Kaupandinn hefur ekki við
neinn annan að sakast en
sjálfan sig. Hefði að öllum lík-
indum valið aðra eign ef hann
hefði spurt réttu spurning-
anna fyrir kaupin, þekkt rétt
sinn í upphafi.
Luktir og vasar festar á stein á frábæru tilboði fram að jólum
| | |Síðan 1953