Morgunblaðið - 24.11.2011, Blaðsíða 18

18 finnur.is 24. nóvember 2011
S
att að segja tók aðeins
fáa mánuði að mynda
samfélag í þessari götu.
Auðvitað hafði þar áhrif
að flestir frumbyggja hér voru
fólk á líkum aldri sem átti rætur í
bænum og þekktist fyrir. En frá
þessum frumbýlisárum eru liðin
bráðum þrátíu ár og nú telst mér
svo til að aðeins þrjár fjölskyldur
af þeim sem fyrstar fluttu inn í
húsin hér búi enn í Lóurima,“
segir Hafdís Kristjánsdóttir á Sel-
fossi.
Eftir efnum og ástæðum
Lóurimi er gróin gata á Sel-
fossi. Um tuttugu hús eru við
götuna og framkvæmdir við þau
fyrstu hófust um 1980. Reyndar
var allt Rimahverfið byggt á þeim
árum, en inn í það er ekið til
austurs af Tryggvagötu sem lengi
hefur verið talin einskonar
markalína milli austur- og vest-
urbæjar á Selfossi.
„Við hófum hér framkvæmdir
árið 1981. Tókum þetta í nokkr-
um skrefum; fyrsta árið tókum
við grunn og steyptum plötuna
og svo var húsið reist árið eftir,
innréttað það næsta og svo frá-
gengið 1984. Við tókum þetta
bara eftir því sem aðstæður og
efni á hverjum tíma leyfðu,“ segir
Hafdís sem er þriggja barna
móðir, gift Bergsteini Einarssyni.
Taktföst slög
Lóurimi er syðst gatna í Rima-
hverfinu og sú var tíðin að þar
sunnan við væri óbyggðin ein.
„Ég man svo oft eftir því á kvöld-
in að við sátum í stofunni og
horfðum á ljósin á Eyrarbakka og
Stokkseyri. Mitt á milli þorpanna
var svo fangelsið á Litla-Hrauni
sem upplýst virkisborg og aust-
ast sló Knarrarósviti sínum takt-
föstu ljósslögum sem bárust út
yfir hafið og upp í sveitina,“ segir
Hafdís.
Sum húsanna í Lóurima voru
mörg ár í byggingu. Flest eru þau
með líku lagi byggð; timburhús
með lágu risi. Eitt húsanna sting-
ur þó í stúf; tveggja hæða stein-
hús hjónanna Gunnars Egils-
sonar og Sæunnar Lúðvíksdóttur.
„Þetta hús er öðruvísi og byggt
í sérstæðum arkitektúr. Það kom
líka stundum fyrir þegar krakkar
úr öðrum hverfum komu hingað
að þau spyrðu í forundran hví
væri verið að byggja kirkju í
hverfi. Það er gaman að hafa
upplifað þessi frumbýlisár en ég
get þó ekki hugsað mér að flytja
aftur í nýtt hverfi. Finnst alveg
nóg að hafa ræktað upp einn
garð þótt ég bæti nú ekki öðrum
við,“ segir Hafdís og hlær.
Krakkar og kökur sveitafólks
Fólk kemur og fer og eins og
Hafdís nefnir hér að framan hafa
flestir þeir sem byggðu Lóurim-
ann nú róið á önnur mið. Og
sumir eru raunar horfnir yfir
móðuna miklu.
„Það hefur alltaf verið talsvert
um það hér á Selfossi að hingað
flytji fólk úr sveitunum sem hefur
brugðið búi. Þarna gæti ég nefnt
til dæmis þau Ara Þorleifsson og
Guðnýju Bjarnadóttur frá Klaust-
urhólum í Grímsnesi og Jónas
Ólafsson og Sigríði Gústafsdóttur
frá Kjóastöðum í Biskups-
tungum. Hin síðarnefndu höfðu
raunar komið sextán börnum á
legg og þrátt fyrir það var alltaf
opið hús hjá þeim. Krakkarnir í
hverfinu gátu alltaf til þessa
góða fólks leitað ef þau langaði
að spjalla eða vildu mjólkursopa
og pönnukökur. Það er gott að
minnast þessara nágranna enda
áttu þeir þátt í því að skapa hér
virkilega hlýlegt og mann-
eskjulegt samfélag.“
sbs@mbl.is
Gatan mín Lóurimi á Selfossi
Kirkja í hverfi
og ljós frá
Litla-Hrauni
Morgunblaðið/Sigurður Bogi
Hafdís Kristjánsdóttir sem býr í Lóurima á Selfossi segir eldra fólk sem flutti úr sveitunum í þessa snotru íbúð-
argötu hafa átt sinn stóra þátt í því að skapa þar manneskjulegt samfélag auk þess að vera krökkunum athvarf.
Selfoss Fjölbrautaskóli
Suðurlands
Lóurimi
Tr
yg
gv
ag
at
a
Fossheiði
Langholt
Norðurhólar
Norðurhólar
Gauksrimi
Álftarimi
Háengi
Starengi
Dælengi
Miðengi
Lágengi
Suðurengi
Óskaiðjan? „Það skemmtilegasta sem ég veit
þessa dagana er að spila golf og aftur golf. Ég er
svo heppin að hafa getað spilað hina ýmsu velli
um víða veröld og dreymir um að spila enn fleiri
og þá einna helst St. Andrews, sem er mekka
golfáhugamanna.“
Óskamaturinn? „Ég fæ aldrei nóg af tapas-
réttum og hráskinkan og kindaosturinn á Spáni
er lostæti. Ítalskur matur er í miklu uppáhaldi,
góðar þunnbotna pítsur, pastaréttir o.fl. Einnig
er ég mikið fyrir fisk og fór t.d. á Fiskmarkaðinn
um daginn og ég hef bara sjaldan fengið eins
góðan mat. Rjúpan var á mínu jóla-
borði frá því ég var krakki en hvarf
um stund en er nú aftur að koma
sterk inn þar sem öll fjölskyldan
kann að meta þann mat.“
Draumabíllinn? „Vinkon-
ur mínar vilja meina að
ég sé með bíladellu en
ég veit nú ekki hvort
það er rétt. Drauma-
bíllinn er nýjasti Ford
Focusinn, sem er æð-
islegur, bæði að keyra
og svo er hann ótrú-
lega fallegur bíll. Ég
mun eignast hann í
náinni framtíð, það
er nokkuð ljóst. Ég er
frekar hagsýn kona
og vil ekki eiga bíla sem eyða of miklu bensíni og
vel því ekki stærri tegundir bíla en þó kitlar það
alltaf að eiga góðan jeppa.“
Hvað vantar á heimilið? „Í rauninni vantar mig
ekki neitt inn á heimilið nema kannski stærri
geymslu undir það sem ég á nú þegar. En mig
dreymir um að eignast lítið raðhús einhvern tím-
ann og þá væri nú gaman að hafa pall með góð-
um potti. Einnig mætti vera bílskúr og þó – ég
hef aldrei verið með slíkan lúxus og spurning
hvort bílskúrinn myndi ekki bara fyllast af alls
konar óþarfa.“
Hvað langar þig í? „Mig vantar bara ekki neitt,
og þó jú: nýtt Soda-Stream-tæki. Líka nýtt golf-
sett frá Ping, en mitt er búið að skila mér 15,4 í
forgjöf og nú langar mig neðar í forgjöf.
En máltækið segir „veldur hver á
heldur“ þannig að kannski væri
bara best að æfa sig meira.“
Hvað er best heima? „Þegar ég
er heima hjá mér finnst mér best
að slaka á í sjónvarpssófanum
mínum. Horfa á sjónvarpið, lesa
góða bók, vafra um veraldarvef-
inn í tölvunni og undirbúa næsta
dag í dagbókinni. Eins finnst mér
gaman að prjóna og tek tarnir í
þeirri iðju, aðallega þó á veturna.
Þá kemur sjónvarpssófinn eða
sjónvarpsstóllinn góði að góðum
notum. Ég á besta rúm í heimi og
eyði þar dágóðum tíma af ævinni
og skammast mín ekkert fyrir
það. Að kúra og vera á náttföt-
unum fram á miðjan dag er al-
gjörlega nauðsynlegt vegna
þeirrar óreglulegu vinnu sem ég
er í.“
ai@mbl.is
Óskalisti Helgu Möller
Kúrir í náttfötunum fram á miðjan dag
Helga Möller hefur starfað sem söng-
kona í 40 ár og geri aðrir betur. Vita-
skuld hefur hún fyrir löngu sungið sig
inn í hjörtu landsmanna með jólalög-
um sínum, og er von á fjölda gesta á
árlega jólatónleika Helgu í Laugarnes-
kirkju, og raunar þegar uppselt
á fyrri tónleikana af tvenn-
um. Helga er líka annar
helmingur dúettsins Þú
og ég sem nú gefur út
nýtt jólalag, „Ljós út um
allt“, en dúettinn hefur
ekki sent frá sér jólalag
síðan smellurinn „Í há-
tíðarskapi“ kom út ár-
ið 1980. Finnur sló á
þráðinn til Helgu og
fékk hana til að deila
óskalistanum sínum
með lesendum:
Morgunblaðið/Sigurgeir S.
Ástandsskoðanir
Pendo.is
Leiguskoðanir
Pendo.is