Morgunblaðið - 09.02.2012, Síða 10

10 finnur.is 9. febrúar 2012
Jakob Frímann Magnússon miðborgarstjóri
Ann góðum mat
en enginn snilling-
ur í eldhúsinu
Morgunblaðið/Golli
Matgærðingurinn í miðborginni, Jakob Frímann, er hrifnastur af fiski og grænmeti.
Jakobi Frímanni miðborgarstjóra er hugleikin sú fjöl-
breytilega flóra upplifana sem í boði er í miðborginni
árið um kring. Myrkum músíkdögum er nýlokið, Kær-
leikar í miðborginni, Vetrarhátíð og Food and Fun.
6 . þáttur
Goji kasjú sjeik
1 dl kasjúhnetur eða möndlur sem hafa legið í bleyti yfir nótt (bleytivatninu hent og
nýtt kalt vatn notað í sjeikinn)
1-2 msk goji ber
1 tsk tahini (má sleppa)
2 döðlur
1 msk lucuma og 1 msk yacon eða 4 dropar af steviu (má sleppa)
1 stór þroskaður banani (þarf ekki að vera frosinn)
1½ - 2 dl frosinn mangó eða ferskur (má líka nota jarðarber til helminga og athugið að
frosinn mangó er oft fremur súr, misjafnt eftir tegundum)
4-5 dl kalt vatn (fer eftir hversu þykkan þið viljið hafa sjeikinn)
Öllu hent í blandara og blandað saman þangað til silkimjúkt!
Mér finnst gott að setja 1 matskeið af kaldpressaðri kókosolíu út í.
Einnig gott að setja 1/2 tsk af vanilludufti í sjeikinn.
Það getur verið gott, ef blandarinn er ekki þeim mun kröftugri, að leggja döðlurnar
líka í bleyti yfir nótt bara í smá vatn og nota vatnið af þeim líka þar sem það er orðið
sætt. Þannig mýkjast þær og maukast betur.
Ef þið æfið mikið þá er upplagt að setja smá hreint lífrænt whey prótein í dryk-
kinn, en það fæst í heilsubúðum (mér finnst það sérlega gott – kemur rjómafílíngur í
sjeikinn!) Einnig má nota hreint lífrænt Ris prótein.
Ef þið megið ekki vera að því að nota kasjúhneturnar um morguninn (sem þið
lögðuð í bleyti kvöldið áður) þá getið þið skolað þær og geymt á stofuborði áfram.
En um kvöldið myndi ég skola þær aftur vel með köldu vatni og skella í sultukrukku
með loki og geyma í ísskáp tilbúnar í drykk er þið viljið. Skola þær svo daglega og
geyma ekki mikið lengur en 4 daga.
Þegar við leggjum möndlur/hnetur/fræ í bleyti verða þau auðmeltari fyrir okkur og
einnig mýkjast þau þannig að þau maukast betur í drykk.
Fylgstu með í MBL
sjónvarpi alla miðvikudaga.
J
akob hefur nýlokið gerð viðburða-
dagatals miðborgarinnar fyrir árið
2012 og þar kennir margra grasa.
Eitthvað skemmtilegt er um að vera í
hverjum mánuði sem fyrr greinir. Að þessum
mánuði loknum tekur Hönnunarmars við
ásamt Músíktilraunum, Blúshátíð og listsýn-
ingu Errós. Hestadagar verða í borginni í
apríl og Hjóladagar í maí. Landsmót hesta-
manna í júní, Sumargleði borgarinnar í júlí
og Gay Pride í ágúst auk Menningarnætur
svo stiklað sé á stóru.
„Það eru áhugaverðar og metnaðarfullar
hátíðir í borginni í hverjum mánuði,“ greinir
Jakob frá. „Í sumum mánuðum eru hátíðir
fleiri en ein eða tvær. Fyrir utan þetta erum
við með langan laugardag í miðborginni
fyrsta laugardag hvers mánaðar en þeim
fylgja ákveðin þemu hverju sinni.“ Fylgjast
má með því helsta á Facebook.is/midborgin
og midborgin.is.
Margar þessara hátíða skipa veglegan
sess í lífi landsmanna og má þar nefna fyrir
utan þær sem áður eru upptaldar bæði tón-
listarhátíðina Airwaves og kvikmyndahátíð-
ina RIFF, báðar að hausti. „Umheimurinn er
að uppgötva að Ísland er með því allra mest
spennandi sem völ er á í heiminum og á hag-
stæðari kjörum en nokkru sinni fyrr.“
Velur gæðin
Jakob segist vera matGæðingur með
áherslu á G-ið í því orði. „Ég horfi fyrst á
gæði og hollustu þess matar sem í boði er. Á
mínu heimili er svonefndur „ofurmatur“
(superfood) í uppáhaldi og þess vegna borð-
um við iðulega lax með grænmeti, jafnvel
vikulega. Við erum einnig mikið sushi-fólk
þótt við búum það ekki til sjálf, látum sér-
fræðingana um það.
Þótt ég sé mikill áhugamaður um mat og
matgæði hreyki ég mér ekki af neinni snilli í
eldhúsinu. Ég get þó framkallað það allra
einfaldasta og er nokkuð laginn við útigrillið
sem við notum allan ársins hring. Við eldum
þó miklu meira úr fiski og grænmeti en öðru
hráefni. Varðandi kjötmeti er slíkt undan-
tekning á heimilinu. Stundum rifja ég upp
hið skondna svar Bjarkar Guðmundsdóttur í
bresku blaði þegar hún var spurð hvort hún
væri grænmetisæta. „Jú, ég er grænmet-
isæta sem borðar kjöt!“
Í göngufæri við allt það helsta
Við förum stundum út að borða. Það er
svo mikil fjölbreytni og margt skemmtilegt í
boði á veitingahúsum. Eftirlætisveitingahús
okkar í Reykjavík er Austur-Indíafjelagið við
Hverfisgötu. Ég tel það reyndar eitt besta
indverska veitingahús í heimi. Ég hef ferðast
til Indlands auk fjölmargra annarra landa og
get vottað og fullyrt að ég hef hvergi upplifað
betri indverskan mat. Þar ríkir virkilega
skapandi matarmenning. Úrvalið í Reykjavík
af gæðamat á veitingahúsum er auk þess
einstakt,“ segir Jakob sem býr og starfar í
miðborginni og þekkir vel til. „Það er stutt
fyrir okkur að fara gangandi á flest þessara
veitingahúsa. Mér finnst ég búa við falleg-
ustu götu í Reykjavík, Bjarkargötu, en þaðan
er stutt á Tjarnarborg þar sem dóttir mín er
á leikskóla, síðan get ég rölt í vinnuna og ver-
ið á fæti í miðborginni sem er bæði hollt og
skemmtilegt.“
Jakob segir að fjölskyldan fari oft saman í
innkaupaleiðangra. „Matarkistan á Grand-
anum verður stundum fyrir valinu, þar eru
Bónus, Krónan og Nóatún. Einnig förum við
mjög oft í Melabúðina, sem er næst okkur.
Þar er góð og fagleg þjónusta. Sú verslun
tengist fjölskyldunni því stjúpsystir mín og
maður hennar eru meðal þeirra sem reka
hana. Við erum einnig tíðir gestir í Fylgi-
fiskum. Þar fær maður sérstaka útfærslu á
fiskinum. Við höfum miklar mætur á túnfiski
og laxi. Konan mín er frábær kokkur og sér
yfirleitt um eldamennskuna. Hún býr t.a.m.
til frábært túnfiskpasta með grænmetisívafi
af miklu listfengi. Hollur, gómsætur og fersk-
ur hversdagsréttur,“ segir Jakob Frímann
sem gefur lesendum uppskrift að þeim rétti.
elal@simnet.is
Einfalt túnfiskpasta með klettasalati
1 rauðlaukur
2 dósir túnfiskur í olíu
2-3 rif hvítlaukur, smátt saxaður
1 rauður chilipipar, smátt saxaður
kirsuberjatómatar
klettasalat
svart pasta (spaghetti nero)
svartur pipar
rifinn parmesan
maldonsalt
Skerið laukinn smátt og steikið hann
ásamt hvítlauk og chilipipar í olíu þar til
mjúkt. Bætið þá kirsuberjatómötum við
og túnfiski og hrærið varlega saman.
Kryddið með svörtum pipar og látið
malla á mjög vægum hita.
Borið fram með svörtu spagettíi.
Stráið parmesanosti, maldonsalti og að
lokum klettasalati yfir. Gott að bera
fram með snittubrauði.